San Matteo 1
1
La gene alougia (ossia l’ ascendenza) e la nascita dë Gesu‐Crist.
1’L liber dë la genealougia dë Gesu‐Crist, fieul dë David, fieul d’Abraam.
2Abraam a l ha generà Isaac; e Isaac a l ha generà Giacob; e Giacob a l ha generà Giuda e i so fratei;
3E Giuda a l ha generà Fares e Zara, da Tamar; e Fares a l ha generà Esrom; e Esrom a l ha generà Aram;
4E Aram a l ha generà Aminadab; e Aminadab a l ha generà Naasson; e Naasson a l ha generà Salmon;
5E Salmon a l ha generà Booz, da Rachab; e Booz a l ha generà Obed, da Ruth; e Obed a l ha generà Jesse;
6E Jesse a l ha generà ’l Re David; e ’l Re David a l ha generà Saloumoun, da coula ch’a l era staita foumna d’Uria;
7E Saloumoun a l ha generà Roboam; e Roboam a l ha generà Abia; e Abia a l ha generà Asa;
8E Asa a l ha generà Giosafat; e Giosafat a l ha generà Joram; e Joram a l ha generà Ozia;
9E Ozia a l ha generà Gioatam; e Gioatam a l ha generà Achaz; e Achaz a l ha generà Ezechia;
10E Ezechia a l ha generà Manasse; e Manasse a l ha generà Amon; e Amon a l ha generà Giosia;
11E Giosia a l ha generà Jakim; e Jakim a l ha generà Gieconia, e i so fratei, circa ënt ’l temp ch’a soun stait traspourtà a Babilonia.
12E dop ch’a soun stait traspourtà a Babilonia, Gieconia a l ha generà Salatiel; e Salatiel a l ha generà Zorobabel;
13E Zorobabel a l ha generà Abiud; e Abiud a l ha generà Eliakim; e Eliakim a l ha generà Azor;
14E Azor a l ha generà Sadoc; e Sadoc a l ha generà Achim; e Achim a l ha generà Eliud;
15E Eliud a l ha generà Eleazar: e Eleazar a l ha generà Mattan; e Mattan a l ha generà Giacob;
16E Giacob a l ha generà Giusep, l’omou dë Maria, da chi a i è nassù‐ie Gesu, ’l qual a i diou Crist.
17Coussì tutte le generassioun, da Abraam fin a David, a soun quatordess generassioun; e da David fin al temp ch’a soun stait traspourtà a Babilonia, quatordess generassioun; e dal temp ch’a soun stait traspourtà a Babilonia fin a Crist, quatordess generassioun.
18Oura la nascita dë Gesu‐Crist a l è arrivà dë sta manera. Coum Maria, soua mare, a l era staita proumëtùa a Giusep, dënans ch’a fussou ënsem, a s’è trouvà‐sse grossa për l’ouperassioun dël Spirit Sant.
19E Giusep, so mari, përché ch’a l era giust, e ch’a voulia nen lëvé‐ie la riputassioun, a l’ha voulsù‐la mandé via segretament.
20Ma mentre ch’a pensavou a ste cose, eccou, l’angel dël Sëgnour a l è apparëssù‐ie ën seugn, e a l ha di‐ie: Giusep, fieul dë David, tem nen d’arseivi Maria toua foumna, përché lon ch’a l è stait councepi ënt chila, a l è dal Spirit Sant.
21E a farà un fieul, e t’i buttëras nom Gesu; përché a salvërà so popoul d’i so pëcà.
22Oura tut lon a l è arrivà, për ch’a fussa adempi lon chë ’l Sëgnour a l avia parlà për bouca dël Proufeta, disand:
23Eccou, la Vergine a sarà grossa, e a farà un fieul, e a i buttëran nom Emmanuel, lon ch’a veul di, Diou coun noui.
24Giusep dounque essend dësvià da so seugn, a l ha fait counfourma l’Angel dël Sëgnour a l avia coumandà‐ie, e a l ha ricevù soua foumna.
25Ma a l’ha nen toucà‐la fin a tant ch’a l ha avù fait so fieul prim‐genit; e a l ha buttà‐ie nom Gesu.
Currently Selected:
San Matteo 1: PMS1835
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1835
