San Luca 3
3
Gian Batista predicand e batësand; A batesa Gesu‐Crist. Genealougia dë coust ultim.
1Oura sù i quindess anni dël regno dë Tiberio Cesare, quand Ponsio Pilat a l era gouvernatour dë la Giudea, e ch’Erod a l era tetrarca ën Galilea, e so fratel Flip, tetrarca ënt ’l pais d’Iturea e dë Traconita, e Lisania, tetrarca ën Abilena;
2Anna e Caifa essend grand sacrificatour, la parola d’Iddiou a l è staita diretta a Giouan, fieul dë Zacaria, al dësert.
3E a l è vënù ënt tut ’l pais dë le part dël Giourdan, predicand ’l batesim dël pentiment, për la remissioun d’i pëcà;
4Coum a l è scrit al liber dë le parole d’Esaia ’l proufeta, disand: La vouss dë coul ch’a cria ënt ’l dësert, a l è: Prepare la stra dë Nossëgnour, spiane i so vieui.
5Ogni vallada a sarà coumpia, e ogni mountagna e ogni coulina a sarà abassà, e le cose storte a saran drissà, e le stra disugual a saran spianà.
6E ogni carn a vëdrà ’l salut d’Iddiou.
7A disia dounque a la furfa dë coui ch’a vëniou për essi batësà da chiel: Rassa dë vipre, chi l ha avërti‐ve dë sfugi la colera a vëni?
8Fe dë fruti ch’a counvenou al pentiment, e butte‐ve nen a di tra voui aiti: I avouma Abraam për pare; përché i vë diou, ch’Iddiou a peul fé nassi, fin da ste pere, dë masëna a Abraam.
9L’appia a l è già buttà a la radis d’i erbou; ogni erbou dounque ch’a porta nen dë bouna fruta, a va essi taià e campà al feu.
10Anloura le turbe a l han ciamà‐ie, disand: Cosa faroumë‐ne dounque?
11E a l ha rispost, e a l ha di‐ie: Chë coul ch’a l ha doui vësti a n’a daga un a coul ch’a n’ha nëssun; e chë coul ch’a l ha dë che mangé a n’a fassa altretant.
12A i è dëcò vënù‐ie da chiel dë coui dël peage për essi batësà, i quai a l han di‐ie: Padroun, cosa faroumë‐ne?
13E a l ha di‐ie: Pretendi niente dë pi dë lon ch’a l è coumandà‐ve.
14Le gent dë guerra a l han dëcò ciamà‐ie, disand: E noui, cosa faroumë‐ne? A l ha di‐ie: Fe nè tort nè frauda a nëssun, ma countente‐ve dë vostre paghe.
15E coum ’l popoul a l era sù l’aspettativa, e ch’a rasounava së a le volte mai Giouan a saria nen ’l Crist,
16Giouan a l ha pià la parola, e a l ha dit a tutti: Mi intant, i vë batësou d’acqua; ma a i n’a ven un pi poutent chë mi, dël qual i soun gnanca degn dë dëslié le liasse dë le scarpe; coul là a vë batesërà dë l’Spirit Sant e dë feu.
17A l ha so val ën man, e a rendërà poulida affait soua aira, e a ëmbarounërà ’l fourment ënt so granè: ma la paia a la farà brusé al feu ch’a së dëstissa nen.
18E ën fasand diverse aitre esourtassioun, a predicava l’ Evangeli al popoul.
19Ma Erod ’l tetrarca rimprouverà da chiel sù ’l propozit d’Erodias, foumna dë Flip so fratel, e për causa dë tutti i mai ch’a l avia fait,
20A l ha ëncoura buttà ënsem a tutti i aitri coul dë butté Giouan ën prësoun.
21Oura a l è arrivà chë coum tut ’l popoul a l era batësà, Gesu dëcò essend batësà, e pregand, ’l ciel a s’è duvert.
22E l’Spirit Sant a l è calà sù chiel sout a una fourma courpoural, coum coula d’una couloumba; e a i è stà‐ie una vouss da ’l ciel, laqual a l ha di‐ie: Të seus mè Fieul carissim; i soun coumpiasù‐me ënt ti.
23E Gesu a toucava ai trant’ anni, fieul (secound ch’a së crëdia) dë Giusep, fieul d’Elia:
24Dë Matthat, dë Levi, dë Melchi, dë Janna, dë Giusep,
25Dë Mattatia, d’Amos, dë Nahum, d’Eli, dë Nagge,
26Dë Matth, dë Mattatia, dë Semei, dë Giusep, dë Giuda,
27Dë Gioanna, dë Rhesa, dë Zorobabel, dë Salatiel, dë Neri,
28Dë Melchi, d’Addi, dë Cosam, d’Elmodam, d’Er,
29Dë Giose, d’Eliezer, dë Jorim, dë Matthat, dë Levi,
30Dë Simeoun, dë Giuda, dë Giusep, dë Gionan, d’Eliakim,
31Dë Melca, dë Mainan, dë Mattata, dë Nathan, dë David,
32Dë Jesse, d’Obed, dë Booz, dë Salmon, dë Naasson,
33D’Aminadab, d’Aram, d’Esrom, dë Fares, dë Giuda,
34Dë Giacob, d’Isaac, d’Abraam, dë Tara, dë Nachor,
35Dë Sarug, dë Ragau, dë Faleg, d’Eber, dë Sala,
36Dë Cainan, d’Arfaxad, dë Sem, dë Noe, dë Lamech,
37Dë Mattusala, d’Enoc, dë Jared, dë Maalaleel, dë Cainan,
38D’Enos, dë Seth, d’Adam, fieul d’Iddiou.
Currently Selected:
San Luca 3: PMS1835
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1835
