San Giouan 21
21
Gesu‐Crist a së moustra ai so dissepoul mentre ch’a soun a pësché; a predis a Pietrou ch’a dev meuiri martir, e a Giouan una lounga vita.
1Dop dë lon, Gesu a s’è fà‐sse tourna vëdi ai so dissepoul, davësin al mar dë Tiberiada, e a s’è fà‐sse vëdi dë sta manera.
2Simoun Pietrou e Toumà, ciamà Didimo, e Natanael ’l qual a l era dë Cana dë Galilea, e i fieui dë Zebedeo, e doui aiti d’i so dissepoul a l erou ënsem.
3Simoun Pietrou a i dis: I vad a pësché. Lour a l han di‐ie: I andouma ënsem a ti. A soun parti e a soun mountà subit ënt la nav; ma coula neuit là a l han pià niente.
4E la matin essend vënùa, Gesu a s’è trouvà‐sse sù la riva; ma i dissepoul a l han nen counoussù ch’a fussa Gesu.
5E Gesu a i dis: Mei fieui, eve queich pess da mangé? A i han rispost: No.
6E a l ha di‐ie: Campe ’l filar a banda dritta dë la nav, e i n’a treuvërì. A l’han dounque campà‐lou, e a poudiou pi nen gavé‐lou për causa dë la quantità dë pess.
7Për coul moutiv ’l dissepoul chë Gesu a amava, a dis a Pietrou: A l è ’l Sëgnour. E quand Simoun Pietrou a l ha avù senti ch’a l era ’l Sëgnour, a s’è vësti‐sse, përché ch’a l era dëspouià, e a s’è campà‐sse ënt ’l mar.
8E i aiti dissepoul a soun vënù ënt la nav; për moutiv ch’a l erou nen lountan da terra, ma circa mac dousent ras, rabëland ’l filar dë pess.
9E quand a soun stait calà a terra, a l han vëdù dë brasa, e dë pess ënsima, e dë pan.
10Gesu a i dis: Pourte d’i pess ch’i vene dë pié adess.
11Simoun Pietrou a l è mountà, e a l ha tirà sù ’l filar a terra, pien dë sent e sinquanta tre pess gross; e ben ch’a i n’a fussa tanti, ’l filar a s’è nen sciancà‐sse.
12Gesu a l ha di‐ie: Vëni e disne‐ve. E nëssun d’i so dissepoul a l avia l’animo dë ciamé‐ie: Chi seus‐tu? vëdand benissim ch’a l era ’l Sëgnour.
13Gesu dounque a l è vënù, e a l ha pià dë pan, e a l ha dà‐iëne, e dë pess dëcò.
14A l è stait già la tersa volta chë Gesu a s’è fà‐sse vëdi a i so dissepoul, dop d’essi arsussità d’i mort.
15E dop ch’a l ha avù disnà, Gesu a dis a Simoun Pietrou: Simoun dë Giona, më veus‐tu bin pi chë sti‐ssi? A i ha rispost: Si, Sëgnour! të sas ch’i të veui bin. A i dis: Gouerna mei agnei.
16A l ha tournà‐ie di: Simoun dë Giona, më veus‐tu bin? A i ha rispost: Si Sëgnour! të sas ch’i të veui bin. A i dis: Gouerna mie fee.
17A i dis, për la tersa volta, Simoun dë Giona, më veus‐tu bin? Pietrou a l è stait afflit dë lon ch’a l avia di‐ie për la tersa volta: Më veus‐tu bin? E a i ha rispost: Sëgnour, të sas ogni cosa, të sas ch’i të veui bin. Gesu a i dis: Gouerna mie fee.
18In verità, in verità i të diou: Quand t’eres pi giouvou të të vëstie, e t’andasie doua ch’a të piasia; ma quand të saras vei, të sporzëras toue man, e un aut a të vëstirà, e a të menërà doua të vourras nen.
19Oura a l ha dit lon për indiché dë qual mort a dëvia glourifiché Iddiou; e quand a l ha avù dit coule cose, a i dis: Ven‐me apress.
20E Pietrou voultand‐se, a l ha vëdù vëni apress a lour ’l dissepoul chë Gesu a amava, e ’l qual durand la sina a s’era chinà‐sse sù ’l sen dë Gesu, e ch’a l avia dit: Sëgnour, chi è‐lou coul ch’a i arrivërà dë tradi‐te?
21Quand dounque Pietrou a l’ha vëdù‐lou, a dis a Gesu: E coust‐ssi?
22Gesu a i dis: S’i veui ch’a staga fin a tant ch’i tournou, cosa të n’a fa‐lou? Ti, ven‐me apress.
23Oura sta parola a l è courùa fra i fratei; chë coul dissepoul lì a murëria nen. Però, Gesu a i avia nen dit, a murirà nen; ma s’i veui ch’a staga fin a tant ch’i tournou, cosa të n’a fa‐lou?
24A l è coul dissepoul là ch’a fa testassioun dë ste cose, e ch’a l ha scritte ste cose, e i savouma chë soua testimouniansa a l è degna dë fede.
25A i è dëcò diverse aitre cose chë Gesu a l ha faite, lequai s’a fussou scritte, una për una, i pensou nen chë ’l mound ëntreg a poudeissa countëni i liber ch’a së n’a scrivëria. Amen.
Currently Selected:
San Giouan 21: PMS1835
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1835
