I Corinti 8
8
Dë le cose sacrificà ai idoul, e dë la libërtà sensa scandoul.
1Për lon ch’a riguarda le cose ch’a soun sacrificà ai idoul, i savouma ch’i ouma tutti dë cougnissioun. La siensa a gounfia, ma la carità a edifica.
2E së queicadun a cred dë savei queicosa, a l ha ëncoura counëssù niente coum a bësogna counossi.
3Ma së queicadun a ama Iddiou, a l è counëssù da chiel.
4Dounque për lon ch’a riguarda ’l mangè dë cose sacrificà ai idoul, i savouma chë l’idoul a l è niente al mound, e ch’a i è nëssun autr’ Diou ch’un soul.
5Përché bin ch’a i n’a sia ch’a soun ciamà dei, sia al ciel, sia sù la terra (coum a i è diversi dei, e diversi Sëgnour),
6I ouma però mac un Diou, ’l Pare, dël qual tutte le cose, e noui ënt chiel; e un soul Sëgnour Gesu‐Crist, për meso dël qual tutte le cose, e noui për meso dë chiel.
7Ma a i è pa ënt tutti la cougnissioun; përché queicadun chë fin adess a fan counsciensa ën causa dë l’idoul, dë mangé dë cose ch’a soun staite sacrificà a l’idoul, a n’a mangiou tuttun; ën causa dë lon soua counsciensa essend deboul, a n’a resta countaminà.
8Oura la carn a ne rend nen agreabil a Diou; përché s’i mangiouma, i n’ouma niente dë pi; e s’i mangiouma nen, i n’ouma nen dë manc.
9Ma pie guarda chë coula poutensa ch’i avi, a sia nen ën queich manera ën scandoul ai deboul.
10Përché së queicadun a të ved, ti chë të l has dë cougnissioun, essi a taula al tempio d’i idoul, la counsciensa dë coul ch’a l è deboul, sarà‐la nen indouta a mangé dë cose sacrificà a l’idoul?
11E coussì to fratel, ch’a l è deboul, për ’l qual Crist a l è mort, a perirà për toua cougnissioun.
12Oura quand i pëche coussì countra vosti fratei, e ch’i ferisse soua counsciensa, ch’a l è deboul, i pëche countra Crist.
13Ën causa dë lon, së la carn a scandalisa mè fratel, i mangëreu mai dë carn, për nen scandalisé mè fratel.
Currently Selected:
I Corinti 8: PMS1835
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1835
