I Corinti 9
9
Dël ministeri dë San Paul temperà coun la carità e la coundissendensa.
1Soun‐ne nen apostoul? Soun‐ne nen liber? Hai‐ne nen vëdù Nossëgnour Gesu‐Crist? Se‐ve nen opera mia al Sëgnour?
2S’i soun nen apostoul për i aiti, i lou soun al manc për voui; përché i si ’l sigil dë mè apostolato al Sëgnour.
3Coula a l è mia difeisa ënvers coui ch’a më coundanou.
4Oum‐ne nen la facoultà dë mangé e dë beivi?
5Oum‐ne nen la facoultà dë mëné ënsem a noui una sourela foumna, coum i aiti apostoul, e i fratei dël Sëgnour, e Cefa?
6I è‐lou forsi mac Barnaba e mi ch’i abbiou nen la facoultà dë nen travaié?
7Chi è‐lou mai ch’a va a la guerra a soue speise? Chi è‐lou ch’a pianta la vigna, e ch’a mangia nen dë so frut? Chi è‐lou ch’a pastura la grege, e ch’a mangia nen dë lait dë la grege?
8Dis‐ne ste cose da om? la legge dis‐la dëcò nen l’istess?
9Përché a l è scrit ënt la legge dë Mose: Të buttëras nen ’l musel al beu ch’a tribbia ’l gran. Diou ha‐lou cura d’i beu?
10E l è‐lou nen dë pianta për noui ch’a l ha dit coule cose? Sicurament a soun scritte për noui; përché coul ch’a lavoura, a dev lavouré coun speransa; e coul ch’a tribbia ’l gran, coun speransa dë pié‐ne part.
11S’i l ouma sëmënà‐ve dë beni spirituai, è‐lou una gran cosa ch’i cheuiou dë vosti beni carnai?
12E së d’aiti a usou dë coul drit a vost riguard, përché n’a usëroum‐ne nen pitost chë lour aiti? Però i ouma nen usà dë coul drit; ma al countrari i suppourtouma tutte sort d’incomoud, afin dë butté nëssun impediment a l’evangeli dë Crist.
13Seve nen chë coui ch’a s’impiegou a le cose sacre, a mangiou dë lon ch’a l è sacro; e chë coui ch’a servou al altar, a partecipou al altar?
14’L Sëgnour a l ha ourdinà për l’istess chë coui ch’a announsiou l’evangeli, a vivou dë l’evangeli.
15Però i më soun prevals dë nëssune dë coule cose, e gnanca i scrivou nen son për ch’a n’a usou dë coula manera ënvers mi; përché a më saria pi car meuiri chë ne dë vëdi chë queicadun a ridua al niente mia gloria.
16Përché bin ch’i predica l’evangeli, i heu nen dë che glourifiché‐mëne; përché ch’a më ne impost la necessità; e maleur a mi, s’i predicou nen l’evangeli!
17Ma s’i lou fas dë boun cœur, i n’avreu la ricoumpensa; ma s’a l è coun regret, i fas nen aut mac disimpegnéme dë la coumissioun ch’a l è stà‐mëne daita.
18Che ricoumpensa n’haine dounque? A l è chë predicand l’evangeli, i predicou l’evangeli dë Crist, sensa pourté nëssune speise, afin ch’i abusou nen dë mè drit ënt l’evangeli.
19Përché bin ch’i siou ën libërtà a riguard dë tutti, i soun però fà‐me sërvitour dë tutti, për guadagné pi dë përsoune.
20Ei soun fà‐me ai Ebreou coum Ebreou, për guadagné i Ebreou; a coui ch’a soun souta la legge, coum i fussou souta la legge, për guadagné coui ch’a soun souta la legge;
21A coui ch’a soun sensa legge, coum i fussou sensa legge, (quantounque i siou nen sensa legge in quant a Diou, ma i soun souta la legge dë Crist), për guadagné coui ch’a soun sensa legge.
22I soun fà‐me deboul coun i deboul, për guadagné i deboul; i soun fà‐me tut a tutti, për salvé‐ne assoulutament queicadun.
23E i fas lolì ën causa dël evangeli, afin ch’i n’a piou part dëcò mi ënsem ai aiti.
24Seve nen chë quand a së cour ënt la lissa, tutti a courou ben, ma un soul a pia ’l premi? Couri dë tal manera ch’i lou pie.
25Oura chi së sia ch’a coumbat ai geug dë forsa, a viv dë pianta al regime; e ën quant a coui lì, a lou fan për avei una courouna courutibil; ma noui, për avei‐ne una incourutibil.
26I courou dounque, nen sensa savei coum; i coumbattou, nen coum i deissou dë coulp al aria.
27Ma i mourtificou mè corp, e i më lou soutmëtou; për paura chë dop d’avei predicà ai aiti, i siou trouvà mi istess ënt queich manera nen ricevibil.
Currently Selected:
I Corinti 9: PMS1835
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1835
