I Corinti 6
6
Censura d’i litigant. Esourtassioun a schivié le impurità dë la carn.
1Quand un dë voui aiti a l ha un affè countra un aut, ëncalë‐lou propi ëndé ën giustissia dënans ai ingiust, e a va nen dënans ai sant?
2Seve nen ch’i sant a l avran da giudiché ’l mound? Oura së ’l mound a dev essi giudicà da voui, se‐ve indegn dë giudiché dë cose pi pëcite?
3Seve nen ch’i giudichërouma i angel? Quantou pi dë le cose ch’a councernou sta vita?
4Së dounque i eve dë lite për i affè dë sta vita, pie për giudisse coui ch’a soun d’i pi poc stimà ënt la ciesa.
5I lou diou a ounta vosta; i è‐lou dounque nëssun savi tra dë voui aiti, gnanca un soul ch’a peussa giudiché tra i so fratei?
6Ma un fratel a l ha dë lite countra so fratel, e lolì dënans ai infedei.
7A l è già un gran difet ëntvoui, ch’i abbie dë lite tra dë voui aiti. Përché suffri‐ve nen pitost ch’a vë fassou tort? Përché suffri‐ve nen pitost ’l dann?
8Ma, al countrari, i fe tort, e i de dë dann, e ansi a vosti fratei.
9Seve nen ch’i ingiust a saran nen eredi dël regno d’Iddiou?
10Ingane‐ve nen voui istess; nè i fornicatour, nè i idolatri, nè i adulteri, nè i effeminà, nè coui ch’a coumëtou dë pëcà countra natura, nè i lader, nè i avar, nè i ëmbriac, nè i maldicent, nè i rapitour, a saran nen eredi dël regno d’Iddiou.
11E queicadun dë voui aiti i ere parei; ma i si stait lavà, ma i si stait santificà, ma i si stait giustificà ën nom dël Sëgnour Gesu, e për meso dël Spirit dë nost Diou.
12Tut a m’è permes, ma nen tut a counven; tut a m’è permes, ma i sareu sciav dë nëssuna cosa.
13La cibaria a l è për l’stomi, e l’stomi a l è për la cibaria; ma Diou a distrurà un e l’aut. Oura ’l corp a l è nen për la fornicassioun, ma për ’l Sëgnour, e ’l Sëgnour për ’l corp.
14E Diou ch’a l ha arsussità ’l Sëgnour, a n’arsussitërà dëcò noui për soua poutensa.
15Seve nen chë vosti corp a soun i membri dë Crist? Levërai‐ne dounque i membri dë Crist, për fé‐ne i membri d’una foumna dësounesta? Diou guarda!
16Seve nen chë coul ch’a s’unis ënsem a una foumna dësounesta, a diventa un soul corp coun chila? përché doui, a l è dit, a saran una carn soula.
17Ma coul ch’a l è uni al Sëgnour, a l è un medesim spirit.
18Scape la fornicassioun; qualounque pëcà ch’a fassa l’om, a l è fora dël corp; ma ’l fornicatour a pëca countra so propri corp.
19Seve nen chë vost corp a l è ’l tempio dël Spirit Sant, ch’a l è ënt voui, e ch’i eve da Diou? E i si nen a voui istess.
20Përché i si stait coumprà car; glourifiche dounque Iddiou ënt vost corp, e ënt vost spirit, ch’a apartenou a Diou.
Currently Selected:
I Corinti 6: PMS1835
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1835
