I Corinti 5
5
Dë l’incestuous dait a Satan, e dë nen avei d’affè coun i vissious.
1A së sent a di dapërtut ch’a i è tra dë voui d’impudicità, e ansi una tal impudicità, chë tra i gentii a së sent nen la paria; a l è chë queicadun a tena la foumna dë so pare.
2E però i si gounfi dë boria, e i eve nen pitost mënà deul, afin chë coul ch’a l ha coumes coula assioun a fussa lëvà d’ën mes dë voui aiti.
3Ma mi, essend absent dë corp, ma present ën spirit, i heu già dispost coum i fussou present, riguard a coul ch’a l ha fait coussì una tal assioun.
4Voui e mè spirit essend radunà ën nom dë Nossëgnour Gesu‐Crist, për la poutensa dë Nossëgnour Gesu‐Crist,
5Ch’un tal om a sia dait ënt le man dë Satan, për la distrussioun dë la carn; afin chë l’ spirit a sia salv al dì dël Sëgnour Gesu‐Crist.
6Vostra vana gloria a l è mal fondà; seve nen ch’un po dë lëva a fa lëvé tutta la pasta?
7Lëve dounque ’l lëva vei, afin ch’i sie una pasta neuva, coum i si sensa lëva; përché Crist, nosta pasqua, a l è stait sacrificà për noui.
8Coussì dounque fouma la festa, nen coun ’l vei lëva, nè coun un lëva dë cattiveria e dë malissia, ma coun i pan sensa lëva dë la sincerità e dë la verità.
9I heu scrivù‐ve për lettera ch’i vë mesceisse nen coun i fornicatour.
10Ma nen assolutament coun i fornicatour dë coust mound, o coun i avar, o i lader, o i idolatri; përché diversament dë sicur bësognëria ch’i surteisse da coust mound.
11Oura i vë scrivou adess ch’i vë mescie nen ënsem a lour; vale a diré, chë së queicadun ch’a së ciama fratel, a l è fornicatour, o avar, o idolatro, o maldicent, o dait al vin, o lader, i mange gnanca ënsem a un om parei.
12Përché dëcò cosa më touchë‐lou dë giudiché dë coui ch’a soun dë fora? Giudiche‐ve nen dë coui ch’a soun da drinta?
13Ma Iddiou a giudica coui ch’a soun dëfora. Lëve dounque d’ën mes a voui aiti istess ’l cattiv.
Currently Selected:
I Corinti 5: PMS1835
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1835
