Looma 2
2
Nsundusulu yasuunguma ya Nzaambi
1Hango nkuumbu, ye muutu, wuri mutsuundisi, wuri mbakila mpemisi ko bwooso ye beele ; bukuri ye wubaanaa wutsuundisa mbaasi, lo nyutu ye-meene wuri mu kubwiisa, bukuri ma wutsuundisila mbaasi, ye-meene se manamo wuri mu kuyirika. 2Tuyaari ti nsundusulu ya Nzaambi, yilutilaa bunu buri ngwanwa, kuri babo bayirikaa mya bubwo. 3Ye muutu, wuri mutsuundisi bakweyirika mya bubwo, na ye-meene se wukwemiyirika ; buri ye butsimini ti, ye ngo wuri sa bvuuka mu nsundusulu ya Nzaambi ? 4Ho ti busina bwa mbweeyulu mutima waandi, nkuundulu na nkindusulu mutima waandi, ye wuri mu kunyaafuna, mu kuhele kuyaaba ti mbweeyulu mutima ya Nzaambi, yinataa ye ku nyiingulu madyeele ? 5Ngo mu bunkuri bwaaku, na nkubusulu mutima waaku, ye wukwekutukisa nkesi dzibwa mu ye, mu kiluumbu kya nkesi, na kya nyabusulu nsundusulu yasuunguma ya Nzaambi, 6nde mbasi tsuku wubvutula kuri mpisi muutu, bunu buri biyiriki byaandi. 7Sa kaha mwooyo wa bibvu ngo bibvu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu. 8Sa kasoongo nkesi, na kabala kuri bakaka, mu ntoono tungu na bukuri bahele kutumuma kuri ngwanwa, kasi batumuma mu mya bubayi. 9Manyoongi na kinkuukulu kuri mpisi muutu wukweyirika mamabi, dyatete kuri Muyudayo tumi kuri Mungereke. 10Ngo nkeembu, lukiinsu na kiyeengi kuri bakweyirika mamabwe, dyatete kuri Muyudayo tumi kuri Mungereke ; 11bukuri Nzaambi wahele na bubayi.
12Bobanso bayirikiri masumu kwahele mangisi, sa bafuuka se kwahele mangisi ; na bobanso bayirikiri masumu kunsa mangisi, sa baba batsuundusu mu mangisi. 13Bukuri kari bayukaa mangisi, basuunguma ha busu bwa Nzaambi ko, ngo basalilaa mangisi sa baba balulukusu. 14Mbuti bangooyi bahele na mangisi, bakwesalila mangisi bunubwo, bo bu bahele na mangisi, bo-meene ngo mangisi. 15Bo basoongaa kuri ti, biyiriki bya mangisi byatinima mu mitima mya bo, nsimunu bo yitaanaa kimbaangi, mu bo na bo bitsimi bikwebafuunda bunu pele bikwebakalila. 16Bubwo buba, mu kiluumbu ki tsuundisa Nzaambi mu Kiristo Yisu, mansweeki ma baatu, bunu buri Musamu waami Wamubwete.
Bayudayo na mangisi
17Ye wuri na nkuumbu ya Muyudayo, wasa nsiitu mu mangisi, na wuri na nkeembu mu Nzaambi yaaku. 18Ye yaari kutya kwaandi, wusaanaa nsobokoso mu mari mufunu, wayikisa mu mangisi. 19Ye yirikiri kuyaaba ti, ye wuri munati bafwa miisu, buungi bwa bari ku mampimbisi, 20muyikisi baatu bahele na nyaabulu, muyikisi mwaa baala, wunde wuri na dyeele dya kuba na nyaabulu, na dya kuba na ngwanwa mu mangisi. 21Ngo habaanaa ye ngo wukweyikisa bambaasi, dyaburi wuri ye-meene kuyikisa pe ? Ye wukweyikisa ti kuyiba pe, buri ye-meene wukweyiba ? 22Ye wukweleele ti kimpala kusa pe, buri ye-meene wukwesa kimpala ? Ye wumonaa kinkeni mu biteki, buri wuri mu kweyiba mu manzo ma nzaambi ? 23Ye wukwe keembe mu mangisi, buri wuri mu kwesaana Nzaambi mu kwesinina mangisi ? 24Mukwongo, diri dyatinu ti : « Mu ntoono beenu, makaanda makwesaana nkuumbu Nzaambi. »
25Mu didyo, nyirukulu bubakala yiri ndaandu mbuti ye wusalilaa mangisi ; ngo mbuti ye wuri musinini mangisi, lo nyirukulu bubakala bwa ye yampya. 26Ngo mbuti muutu wahele kuyiriku bubakala, wubvuminaa mangisi, buri lo mpelulu nyirukulu bubakala bwa nde, yahele kumonokono bunu nyirukulu bubakala ? 27Muutu wahele kuba wayiruku mu muswiinyi, ngo wusalilaa mangisi, sa katsuundisa wuri na mukaanda mangisi, wuri wayiruku bubakala, ngo wuri musinini mangisi. 28Muyudayo kari wunde wubamonaa mu miisu ko, na nyirukulu bubakala yangwanwa, kari yibamonaa mu muswiinyi ko. 29Ngo Muyudayo wangwanwa, wayiruku mu mutima, mu Mpeeve, nkani ka ya mu mukaanda ko. Wabubwo wutaambula ndumusu ya Nzaambi, nkani ka ya baatu ko.
Currently Selected:
Looma 2: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024