Lukas 7
7
Yesus mambaii hamba saurang perwira di Kapernaum
(Mat. 8:5-13; Yoh. 4:46-53)
1Satelah Yesus jarii bapaner di paharap urang banyaa, tamalah Iaa ka kota Kapernaum. 2Diyah araa saurang parwira Romawi am mahompu saurang pembantu, am di hormati. 3Metuh perwira iyah manongar tontang Yesus, iaa manyuruh babarapa urang para tuhaa-tuhaa agama urang Yahudi mamintaa Yesus datang. Iaa datang dan manyalamat pembantu iyah. 4Dan Metuh rang datang ka Yesus, rang amat bamohon ka Yesus supayaa umaa barotaa rang dan manolong perwira iyah. Rang bapaner: “perwira itii layak Ikam tolong dengan cara itii. 5Laii Iaa sihaa ka bangsa dirii dan inyalah am mangaruh dangau ibadah urang Yahudi akan dirii.” 6Lalu Yesus barotaa rang. Metuh iaa damping dangau perwira iyah, parwira iyah manyuruh babarapa tamu-tamunya bapaner ka Yesus: “Tuan, umetlah baoyoh-oyoh, sebab aku hontaa layak manarima Tuan di lalam dangauku. 7Dan aku memang hontaa layak akan datang ka Ikam. Sabalinya, borikanlah perintah mulaa homan Ikam baaraa. Aku ingat bahwa inya akan baii mulaa. 8Sebab aku saurang bawahan, dan dilobaku araa jam Prajurit. Jaka aku paner ka salah saurang prajurit iyah, Ingkas! Maka iaa ingkas, dan ka saurang mulaa, Datang! Maka iaa datang, atau jam ka pembantuku, Gawikanlah itii! Maka iaa manggawiinya.” 9Metuh Yesus manongar hal iyah Iaa amat heran. Kemudian Iaa baulang ka urang-urang am maumaa-Nya dan bapaner: “Aku bapaner ka kolai, Aku hontaa basaa badapatkan iman sabakah itii dan hontaa basaa Aku manapatkannya, ka antaraa uras urang ka turunan bangsa Israel!” 10Dan metuh kawal-kawal perwira iyah pulang ka dangaunya, rang manapatkan bahwa palayan iyah jarii baii.
Yesus mahidupkan anaa kalaki di Nain
11Kemudian Yesus ingkas ka sutii banua banama Naim. Murid am satia ka Guru barotaa dengan Yesus, dan jam urang banyaa am mairing-Nya barombong-rombong. 12Metuh rang damping pintu gerbang kota, araa urang matii ditandu ka luar, anaa kalaki, anaa tungal am inainya jarii baluu, dan banyaa urang mulaa kota iyah mairing baluu iyah. 13Metuh Yesus mailaa baluu iyah, Inya marasaa sihaa. Yesus bapaner ka baluu iyah: “Hinam nangis.” 14Yesus bajalan ka arah tanu iyah dan manyontunya, dan rang am mananggungnya bahonti, Iaa bapaner “Hai anaa muda, Aku bapaner akan kolai huaslah!” 15Sakatika iyah jam, urang am tariinya matii hidup dan duru dan nampara bapaner, dan Yesus baulang ka inainya. 16Metuh urang banyaa mailaa apa am Yesus karuh: “uras urang di ponuhii dengan asa golaa dan heran. Rang memuliakan Allah dan bapaner.” Saurang Nabi am araa ditii barotaa dirii: “dan Allah jarii datang akan manolong dirii, umat-Nya.” 17Maka, Kabar totang Yesus menyebar ka provinsi Yudea dan saluruh daerah di sakitarnya.
Yohanes Pembaptis manaing pantal ka Yesus
(Mat. 11:2-19)
18Metuh Yohanes Pembaptis araa di penjara, murid Yohanes pembaptis mangesahkan sagala sasuatu am dikaruh Yesus. Maka Yohanes manimaii dua urang muridnya, 19dan mautus murid datang ka Yesus honaa batanya ka Inya: “Apakah Ikam Kristus am kami tantii kadatangannya, atau haruskah kami manantii urang bukan?” 20Metuh rang sampai ka homan Yesus baaraa, rang bapaner ka Inya, Yohanes Pembaptis mamintaa kami datang ka Ikam honaa manayakan hal itii: “Apakah Ikam Kristus am kami tantii kadatangannya, atau haruskah kami manantii urang bukan?” 21Metuh saat am samah, Yesus banyaa mamaikan urang am sakit dan banyaa roh jahat marasukii kalunen dan Inya mangaruh banyaa urang buta ulih mailaa. 22Lalu, Yesus bapaner ka murid-murid Yohanes pembaptis: “Kolai jarii mailaa dan manongar Aku mangaruh kabar baii tontang Karajaan Allah. Botii pulanglah ka Yohanes dan kesahkanlah ka inya. Urang buta dapat mailaa botii, dan urang lumpuh dapat bajalan. Aku jarii mamaikan urang am mandarita panyakit kulit am parah. Urang-urang am badengen botii tahuu manongar. Urang-urang am jarii matii baulang hidup. Aku manaing pantal mulaa Tuhan manggabar kabar baii ka urang-urang susah. 23Parahkan jam ka Yohanes bahwa Tuhan akan memberkati urang am hontaa maragukan Aku.”
24Satelah utusan Yohanes ingkas: “Yesus bapaner ka urang banyaa totang Yohanes pembaptis.” Metuh kolai ingkas ka daerah am hontaa araa berpenghuni? Apakah kolai ingkas honaa mailaa buluh am baguyang ditiup laii ribut? 25Jadi, jaka kolai hontaa ingkas koyah honaa mailaa iyah, apa am kolai ilaa? Apakah sasaurang mahonii bapakaian am romis? Tentunya hontaa! Laii urang am mahonii pakaian romis dan sugih badiam ka lalam istana-istana raja. 26Jadi, apa am kolai illa? Apakah kolai ingkas honaa mailaa saurang Nabi? Auu, memang Yohanes araalah Nabi! Tatapi Aku mamaner ka kolai Iaa araalah am dimormati di antaraa Nabi. 27Laii Yohanes araalah utusan am jarii tatulis laii saurang nabi zaman hariah,
Iaa manulis. Ilalah, Allah jarii bafirman ka Kristus,
“Aku akan mautus utusan-Ku sahompan Aku mautus Ikam. Iaa akan manyiapkan kadatangan-Mu.”
28Aku bapaner ka kolai, Ka antaraa uras urang am basaa hidup, hontaa araa saurang jam lobih penting mulaa Yohanes pembaptis. Tatapi botii, sapaa am termasuk lalam Karajaan Allah lobih bakah mulaa Yohanes, walau jam rang dianggap hontaa penting. 29Metuh manongar hal itii, uras urang, termasuk para panagih pajak, mangakui bahwa Allah am bujur, laii rang am jarii Yohanes Mambaptis. 30Tatapi urang Farisi pangajar hukum Musa hontaa manarima honaa manjalani mambaptis, laii hontaa manarima apa am Allah rencanakan akan rang.
31Lalu Yesus bapaner: “Macam apakah Aku tahuu manggabarkan urang jahat am hidup zaman botii? Sapakah rang? 32Rang samahkan anaa-anaa am agii duru-duru dan bamain dipasar:
Babarapa anaa manimaii ka am bukan:
‘Kami mangaruh musik am rami honii suling akan kolai, tatapi kolai hontaa bajoget.
Lalu kami manyayikan lagu sedih tapi kolai hontaa managis!’
33Kolai samahkan anaa-anaa iyah metuh Yohanes Pembaptis datang ka kolai, iaa hontaa mamakan roti dan hontaa maminum anggur, dan Aku bapaner: ‘Inya karasukan roh jahat!’ 34Tatapi, Aku Anaa Kalunen yaiyah Yesus Kristus, Aku mamakan makanan am sederhana dan mahirup anggur samahkan urang bukan, tatapi kolai hontaa manarima Aku dengan mamanerkan bahwa Aku talalu banyaa makan dan talalu banyaa mahirup anggur, dan Aku bakawal dengan para panagih pajak dan urang-urang am badosa bukannya. 35Namun, hikmat Tuhan bujur terbukti laii uras urang am manarimanya.”
Yesus di urapi laii labini am badosa
36Salah suti urang Farisi banama Simon maundang Yesus makan barotaa rang. Maka Yesus ingkas ka dangau urang Farisi iyah dan duru di meja makan iyah lalu makan barotaa rang. 37Di kota iyah araa labini am hidup lalam kehidupan am ponuh dosa. Iaa manongar bahwa Yesus agii makan di dangau urang Farisi iyah. Maka iaa maalap sabotol binya harum am mahal dan ingkas ka dangau urang Farisi iyah. 38Inya tamaa ka lalam dangau dan badirii ka lakang Yesus. Inya manampara mananggis dan arai matanya mambasahi kaki Yesus. Metuh arai matanya jatu konaa kaki Yesus, iaa mausut honii balaunya dan mansiumnya. Kemudian inya manuangkan binya harum am mahal mulaa botol dan mamurus kaki Yesus. Honii binya iyah. 39Metuh urang Farisi am maundang Yesus mailaa hal iyah, iaa bapaner lalam hatii: “Itii mambuktikan bahwa Yesus bukanlah Nabi. Jaka Allah bujur-bujur mautus-Nya, Inya pasti ingat sapa am manyontuu-Nya dan laii labini iyah araalah saurang am badosa.” 40Yesus ingat apa am araa dipikirannya dan bapaner. “Simon, araa am honaa Aku parahkan ka kolai. Lalu Simon manjawab,” “jawab simon, Auu Guru, tolong parahkan ka aku.”
41Kemudian katika Yesus manjawab: “Araa dua urang am maminyam lima ratus keping koin perak, dan am saurang mulaa maminyam lima puluh koin perak ka urang am bukan. 42Metuh ka dua urang iyah hontaa ulih mabayar duit am dipinyamnya maka iaa sihaa ka rang, Iaa bapaner ka rang, Kolai umet mamayar duwit am dipinyammu. Laii iyah, jawablah aku, sapaa am manurutmu paling maafkan panagih satelah iyah?”
43“Jawab Simon urang Farisi.” Manurut ku, urang am paling banyaa maafkan. Lalu Yesus bapaner ka Simon: “Jawabanmu bujur.” 44Yesus malingau ka labini iyah dan bapaner ka Simon urang Farisi. “Apakah ikam mailaa labini iyah? Metuh Aku datang ka dangaumu, kolai hontaa mamori arai honii mamasuu dabu mulaa kaki-Ku honii arai matanya dan mausut honii balaunya. 45Ikam hontaa mamori aku sambutan am ramah. Tatapi, sejak Aku tamaa, inya mancium kakii-Ku baulang kali. 46Kolai hontaa mahormatiku dengan mamurus binya zaitun am mahal di palaa-Ku. Tatapi, inya jarii menghormati-Ku dengan mausut kakii-Ku honii binya harum. 47Sebab iyah Aku bapaner kolai, Tuhan jarii maafkan banyaa dosa-dosanya, dan laii iyahlah iaa mampailaa Sihaa am bakah dan mambuktikan hal iyah. Tatapi urang am di maafkan bayaa kocii dosa am jarii dikaruhnya, akan mampaila kasihnya am amat konii.” 48Kemudian Yesus bapaner ka labini iyah: “Hai labini, Tuhan, Aku manyalamat dan maafkan kolai atas sagala dosa am jarii kolai karuh.” 49Kemudian urang-urang bukan am agii makan barotaa Yesus batanya-tanya lalam hatii rang kanirii: “Sapakah Iaa itii, sahinga Iaa ulih maafkan dosa?” 50Tatapi Yesus bapaner ka labini iyah: “Ikam jarii manyalamat dirii kolai laii pacayaa kan Aku. Ikam tahuu pulang dengan damai botii laii ikam jarii badamai dengan Allah.”
Currently Selected:
Lukas 7: ATV
Highlight
Copy
Compare
Share
Want to have your highlights saved across all your devices? Sign up or sign in
Tamuan Bible by Beyond Translation is licensed under Creative Commons Attribution-ShareAlike 4.0 License.
