Lukas 22
22
Rencana akan mambunuh Yesus
(Mat. 26:1-5; Mrk. 14:1-2; Yoh. 11:45-53)
1Arii rayaa Roti hontaa Baragi, am dijokuu arii rayaa Paskah jarii damping. 2Para imam bakah agama urang Yahudi manggau cara honii pangajar hukum Musa secaraa sunii-sunii laii rang golaa ka urang-urang am manongar Yesus.
Yudas menghianati Yesus
(Mat. 26:14-16; Mrk. 14:10-11)
3Kemudian Roh jahat menguasai Yudas Iskariot. 4Kemudian ingkaslah Yudas ka Para imam bakah agama urang Yahudi dan para pangawal dangau Allah, barunding dengan rang macam apa cara terbaii akan manyorahkan Yesus ka rang. 5Imam-imam bakah dan para pangawal dangau Tuhan amat senang dan satujuu akan mamoriikan Yudas sejumlah duit laii jarii mambantu rang manangkap Yesus. 6Yudas satujuu, dan namparaa manggau kesempatan honii manyorahkan Yesus ka rang metuh hontaa ara urang banyaa.
Persiapan akan makanan paskah
(Mat. 26:17-19; Mrk. 14:12-16)
7Kemudian tibalah pajamuan Arii Rayaa Roti Hontaa Baragi. Itii araalah arii kamanih urang Yahudi harus manyamolih hewan korban dan persembahan am bukannya am akan rang makan akan perayaan Paskah. 8Metuh arii iyah, Yesus bapaner ka Petrus dan Yohanes salah suti mulaa dua bolas pawakilan Yesus dan anaanya Zebedeus dan Yakobus: “Ingkas ka kota Yerusalem dan honaa manyiapkan pajamuan Paskah akan dirii, supayaa dirii urasnya ulih makan barotaa-rota.” 9Ujaa rang batanyaa ka Yesus: “Kamanihkah Ikam honaa kami manyiapkan pajamuan Paskah?” 10Jawab Yesus ka rang, Dongarkanlah apabilaa kolai tamaa ka lalam kota Yerusalem, araa saurang kalaki am badapat dengan kolai dan manaing kendi baisi arai katingi palaa. Umaalah iaa dan tamaa dangau am ditamanya, 11dan kolai harus batanya dengan hompu dangau iyah, Guru kami mangirimkan pantal itii ka kolai: “Honaakah ikam manunyukan ka kami ruangan kamanih Aku dan murid-Ku akan makan makanan pajamuan Paskah? 12Hompu dangau iyah manaing kolai ka dasar tingii akan dirii honii. Siapkan makanan koyah.” 13Lalu rang ingkas ka kota dan mandapatkan sagala sasuatu am di panerkan Yesus, dan rang manyiapkan pajamuan Paskah koyah.
Penetapan pajamuan Malam
(Mat. 26:20-29; Mrk. 14:17-25; Yoh. 13:21-30)
14Metuh tiba waktunya akan makan, Yesus ingkas koyah barotaa murid-murid-Nya, ingkas ka ruangan di dasar tingii dan duru di meja makan. 15Yesus bapaner ka rang: “Aku honaa makan makanan pajamuan Paskah itii barotaa kolai sahompan Aku menderitaa dan matii.” 16Sebab Aku Jarii bapaner ka kolai: “Aku hontaa akan makan pajamuan Paskah, sampai hal itii di gonapi lalam Karajaan Allah.” 17Lalu, Yesus maalap cangkir baisi anggur di jari-Nya dan maucap syukur ka Allah. Iaa lalu bapaner ka para murid-murid-Nya: “Alaplah anggur itii dan bagikan di antaraa kolai.” 18Sebab Aku bapaner ka kolai: “Aku hontaa akan mahirup anggur, sampai Karajaan Allah datang.” 19Lalu Yesus maalap roti dan maucap syukur, lalu Iaa mambolah-bolah roti iyah dan mamoriikan ka rang akan di makan. Sammil mangaruh hal iyah, Iaa bapaner: “Roti itii araalah tubuh-Ku, am akan Kukorbankan akan ikam. Karuhlah hal itii sacara teratur akan mengingat apa am jarii Aku karuh akan ikam.” 20Dan dengan cara am samah, satelah makan malam Yesus maalap cangkir baisi anggur dan maucap syukur ka Allah. Kemudian Inya mamoriikannya ka Murid-murid-Nya dan bapaner ka rang: “Anggur itii araalah pajanjian baharu Allah dengan kalunen am diteguhkan dengan darah-Ku am akan ditumpahkan bagi ikam metuh Aku matii.
21Tatapi Aku honaa ikam urasnya ingat bahwa urang am akan manyorahkan Aku ka musuh-musuh-Ku araa ditii makan barotaa Aku. 22Sebab, Anaa Kalunen yaiyah Yesus Kristus, memang akan matii dengan cara am jarii direncanakan Allah. Tatapi alangkah burunya bagi urang am manyorahkan Aku ka musuh-musuh-Ku!” 23Metuh para murid-murid-Nya manampara batanya suti dengan am bukan: “Sapakah diantara dirii am berencana akan ma lakukan hal am amat jahat iyah?”
Percakapan waktu Pajamuan Malam
(Mat. 26:31-35; Mrk. 14:27-31; Yoh. 13:36-38)
24Satelah iyah, para murid-murid-Nya manampara basual totang sapa diantara rang am dianggap paling di percaya laii Yesus mulaa murid am bukan. 25Tatapi Yesus bapaner ka rang: “Raja-raja bangsa am hontaa mangasene Tuhan, dan memerintah dengan kejam atas rakyarnya.” Para pemimpin rang am araa, dan kemudian honaa dijoku sabagai “Penolong Rakyat.” 26Tatapi kolai umet samah dengan rang, sabalinya, urang am paling terhormat di antaraa kolai harus manjadi samahkan urang am paling hina. Sapaa jam am manjadi pemimpinmu harus rendah hatii dan relaa malayani uras urang sabagai pelayan. 27Laii kolai ingat bahwa urang am penting araalah urang am makan di meja, bukan pelayan am manaingkan makanan. Tatapi Aku, Raja-Mu jarii mamorii teladan ka kolai dengan malayani kolai salama Aku araa di tongah-tongah kolai. 28Tatapi Ikamlah am dengan satia totap barotaa-Ku ka lalam kasulitan-Ku. 29Dan samahkan Allah Bapa-Ku jarii manotapkan Aku manjadi Raja atas Karajaan Allah, bebeh jam Aku manotap kolai manjadi pengguasa barotaa-Ku ka lalam Kerajaan-Ku. 30Sabagai hasilnya, ka lalam Karajaan Allah, kolai akan makan dan marai barotaa-Ku di meja-Ku, dan kolai jam akan duru di tingii tahta-tahta akan memerintah ka dua belas suku uras urang ka turunan bangsa Israel.
31Kemudian Yesus bapaner ka Simon: “Simon, Simon, dongarkan Aku! Roh jahat jarii mahompu kuasa atas kolai uras akan mangaruh kolai hontaa lagi percaya ka Aku. Iaa akan manampi kolai urasnya samahkan petani mamisahkan bulir gandum dengan bulir gandum am hampa.” 32Tatapii Aku jarii badoa ka Tuhan akan kolai supayaa imanmu percaya ka-Aku. Jadi, Metuh kolai batobat dan baulang ka-Aku mulaa, kolai harus manolong manyari-manyarimu am bukan akan totap pacayaa ka-Ku dengan satia. 33Tatapi, Simon Petrus bapaner ka Yesus: “Tuhan, aku siap di panjaraa bahkan siap matii barotaa-Mu.” 34Tatapi Yesus manjawab: “Simon Petrus, Aku bapaner ka kolai. Sahompan manu mancuku suung pagii kolai akan mamarahkan toluu kali bahwa kolai hontaa mangasene Aku.”
35Kemudian, Yesus batanya ka murid-murid-Nya: “Metuh Aku mautus kolai ka berbagai kota akan manggabarkan kabar baii, tampa tantai duit, tas tantai pakaian atau sapatu am bukan, apakah kolai kekurangan sasuatu?” Para murid-Nya manjawab: “Hontaa. Kami hontaa kekurangan.” 36Kemudian Yesus bapaner ka rang: “Tatapi, botii urang banyaa malawan dirii. Laii iyah, jaka kolai mahompu duit atau tas tainglah. Jaka kolai hontaa mahompu pedang, juallah pakaian luarmu dan gunakan duitnya honii mamolii pedang.” 37Laii, Aku bapaner ka kolai,
Ka lalam Kitab Suci Tuhan jarii tatulis totang firman Tuhan,
“Inya akan di perlakukan samahkan saurang penjahat am malanggar Hukum. Iyahlah am jarii Tuhan putuskan harus tajadi ka Aku. Nubuat itii akan langsung manjadi kayataan.”
38Maka murid-murid-Nya bapaner: “Tuhan, ilalah kami mahompu dua pedang.” Yesus manjawab: “Jarii cukup.”
Yesus badoa di salah suti taman am dijoku Getsemani
(Mat. 26:36-46; Mrk. 14:32-42)
39Kemudian, Yesus maluar mulaa kota Yerusalem dan ingkas ka Bukit Zaitun samahkan biasanya dan murid-Nya jam ingkas barotaa-Nya. 40Metuh Yesus sampai ka homan iyah, Yesus bapaner ka murid-murid-Nya: “Badoa ka Tuhan supayaa Tuhan manolongmu, supayaa kolai hontaa mangaruh dosa Metuh kolai dicobaai.” 41Kemudian, Yesus ingkas maningalkan murid-murid-Nya kira-kira sajauh manibar batu, lalu balutut dan badoa ka Tuhan, 42“Bapa, jaka Ikam manggahonaa, izinkanlah Aku manghindar mulaa penderitaan am akan tajadii ka Aku. Tatapi jaka Ikam honaa Aku manggalaminya, karuhlah apa am Ikam kahonaa, bukan Aku am manggahonanya.” 43Kemudian saurang Malaikat utusan mulaa Tuhan mampailakan diriinya ka Yesus dan mamoriikan kakuatan ka Yesus. 44Satelah iyah Yesus baaraa lalam kasusahan am bakah. Maka, Inya badoa dengan lobih bujur-bujur mulaa am jarii, sahingga poluh-Nya manjadi samahkan sakit pendarahan am bakah dan mahantis ka tanah. 45Metuh Yesus jarii badoa ka Tuhan, Inya huas dan ingkas mandatangi murid am satia ka Guru baaraa. Inya mailaa rang agii tidur laii rang amat sedih. 46Yesus bapaner ka rang: “Manggapaa kolai tidur? Huaslah dan badoa ka Tuhan supayaa kolai umet tamaa lalam dosa.”
Yesus ditangkap
(Mat. 26:47-56; Mrk. 14:43-50; Yoh. 18:1-11)
47Metuh Yesus masih bapaner, kumpulan urang datang, dan iaa am dijokuu Yudas Iskariot penghianat Yesus salah sutii mulaa dua bolas perwakilan Yesus, mamimpin rang. Lalu, Yudas mangguangng Yesus honaa mancium-Nya. 48Lalu Yesus bapaner ka inya: “Yudas Iskariot, apakah ciuman am kolai honii akan manyorahkan Aku, Anaa Kalunen yaiyah Yesus Kristus ka musuh-musuh-Ku?” 49Metuh murid-murid Yesus manggertii apa am akan tajadi ka Yesus, rang bapaner ka-Inya: “Tuhan, haruskah kami menyerang rang dengan pedang kami?” 50Dan salah siku mulaa para murid-Nya menyerang pelayan Imam bakah sahingga manggonaa poning sorap kanan. 51Tatapi Yesus bapaner: “Umet lakukan iyah mulaa!” Kemudian Yesus manyamah poning hamba iyah dan mamaikanya.
52Kemudian, Yesus bapaner ka para imam bakah agama urang Yahudi, para pangawal dangau Allah, dan Para tuhaa-tuhaa agama Yahudi. Yesus bapaner ka rang: “Mangapaa kolai datang kotiikan dengan pedang dan panukuh akan managkap Aku? Apakah kolai mangira Aku itii parampok? 53Padahal setiap arii kolai barotaa Aku, metuh malajar ka dangau Allah dan kolai hontaa manangkap Aku. Tatapi, itiilah saatnya Iblis menggunakan kuasa jahatnya.”
Petrus manyangkal Yesus
(Mat. 26:57-58,69-75; Mrk. 14:53-54,66-72; Yoh. 18:12-18,25-27)
54Kemudian para penjaga dangau Tuhan manangkap Yesus dan manaingnya ka dangau Imam bakah. Petrus pawakilan Yesus jam manggiring rang, tatapi iaa hontaa tahuu damping rang. 55Di dangau imam bakah, babarapa urang mahidupkan apii di tongah-tongah halaman dan duru magalilingi apii iyah. Petrus pawakilan Yesus jam datang dan duru koyah di antaraa rang. 56Namun araa saurang pelayan labini am mailaa Petrus duru di damping apii iyah, dan mangamati-amati muhaa Petrus, lalu bapaner: “urang iyah jam barotaa dengan Yesus.” 57Tatapi Petrus manyangkal: “Labini, iyah hontaa bujur! Aku bahkan hontaa mangasene-Nya.” 58Hontaa lamat satelah iyah, saurang am bukan mailanya dan bapaner: “Kolai jam tamasuk salah sutii mulaa rang am jarii ditangkap iyah! Tatapi Petrus manjawab, Hontaa, Aku bukan salah sutii mulaa rang!” 59Kira-kira sajam satelah iyah, sasaurang am bukannya, bapaner dengan yakin: “Pasti urang itii am barotaa dengan Yesus, laii iaa jam urang Galilea.” 60Tatapi Petrus menjawabnya: “Kawalku, aku hontaa ingat apa am kolai panerkan!” Saat iyah jam, metuh Petrus masih bapaner, manu mancuku. 61Lalu, Yesus malingau dan mailaa Petrus. Petrus jam taingat akan paneran am Yesus panerkan ka inya malam iyah: “Sahompan manu mancuku pagii suung, kolai akan manyangkal Aku toluu kali bahwa kolai hontaa mangasene Aku.” 62Lalu, Petrus maluar dan mananggis dengan amat sedih.
Yesus ka paharap Mahkamah Agama
(Mat. 26:63-68; Mrk. 14:60-65; Yoh. 18:19-24)
63Urang-urang am manahan Yesus manampara maolo dan manukuh-Nya. 64Urang manutup mata-Nya dan bapaner: “Cobaa joku! Sapa am manukuh Ikam?” 65Dan rang jam mamanerkan banyaa hal am bukan, am mahinaa Yesus.
66Metuh arii manampara siang, para tuhaa-tuhaa agama Yahudi bakumpul dan imam-imam bakah dan pangajar hukum Musa dan manaing Yesus ka paharap Mahkamah Agama rang. 67Dan rang bapaner ka Yesus: “Parahkan ka kami, jaka Ikam araalah Kristus.” Yesus bapaner ka rang: “Jaka Aku mamarahkan ka kolai bahwa Aku araalah Kristus, kolai hontaa akan pacayaa ka-Aku. 68Dan jaka Aku batanya ka kolai totang hal itii, kolai hontaa akan menjawabku. 69Namun, metuh itii, Anaa Kalunen yaiyah Yesus Kristus akan duru ka sisi kanan Allah am mahompu kuasa.” 70Kemudian utusan mulaa Tuhan urasnya batanyaa ka Yesus: “Jadi, apakah Ikam sabagai Anaa Allah?” Yesus manjawab: “Kolai bujur jaka kolai mamanerkan bahwa Aku araalah Anaa Allah.” 71Kemudian rang bapaner suti dengan am bukan: “Dirii kanirii jarii manongar apa am di parahkan-Nya totang dirii-Nya kanirii! Jadi, dirii tentu hontaa memerlukan urang bukan akan basaksi totang Inya.”
Currently Selected:
Lukas 22: ATV
Highlight
Copy
Compare
Share
Want to have your highlights saved across all your devices? Sign up or sign in
Tamuan Bible by Beyond Translation is licensed under Creative Commons Attribution-ShareAlike 4.0 License.
