Lukas 19
19
Yesus ingkas ka dangau Zakheus
1Suatu arii Yesus dan murid-murid-Nya bajalan tamaa ka kota Yerikho sabuah kota di provinsi Yudea dan bajalan tarus malalui kota iyah. 2Di kota iyah araa kalaki am banama Zakheus, pamimpin panagih pajak di Yerikho dan urang am sugih. 3Inya barusaha mailaa Yesus Kristus urang Nazaret, tatapi hontaa ulih laii tahalang urang banyaa, sebab tubuh nya pana. 4Zakheus baguwang maholu urang banyaa, lalu naii ka puhun ara honaa mailaa Yesus, sebab Yesus akan malalui jalan iyah. 5Metuh Yesus sampai ka homan Zakheus, baaraa dan Yesus manongaa ka tingii puhun ara dan bapaner ka Zakheus, Zakheus laca turun laii arii itii aku harus manumpang di dangaumu. 6Lalu Zakheus jam sagera turun dan manarima Yesus dengan sukacita. 7Tatapi uras urang mailaa hal iyah dan rang namparaa mamaimure dan bapaner: “Inya manjadi tamu di dangau urang am badosa.” 8Tatapi Zakheus, badirii dan bapaner ka Tuhan: “Tuhan, saparu mulaa panatauku akan ku borikan ka urang susah dan sakiranya aku jarii maalap lobih, maka aku maulangkannya ompat kali lipat.” 9Maka Yesus bapaner ka Zakheus: “manyalamatkan pada arii itii jarii datang katingi dangau itii laii urang itii jam anaa Abraham araalah ompai bangsa Israel dan ompai umat am baiman. 10Sebab Anaa kalunen yaiyah Yesus Kristus datang akan manggau dan manyalamatkan am hilaa.”
Perumpamaan totang duit mina
(Mat. 25:14-30)
11Urang banyaa manongarkan uras am Yesus parahkan, Yesus malanjutkan dengan mangesahkan sabuah parumpamaan ka rang, laii rang jarii honaa damping di kota Yerusalem dan urang banyaa mangira bahwa Karajaan Allah akan sagera datang. 12Maka Yesus bapaner ka rang, Araa saurang bangsawan ingkas ka suti negeri am jauh akan manarima kuasa mulaa Kaisar dan manjadi Raja di daerahnya, satelah iyah iaa baulang ka negerinya akan memerintah. 13Namun sahompan ingkas, iaa manimaii sapuluh urang palayannya dan mamorii rang masing-masing suti koin emas am nilainya setaraa dengan toluu bulan gajih. Iaa bapaner ka rang. Gunakan itii akan badagang supayaa mandapatkan lobih banyaa duit akan aku sampai aku baulang mulaa. 14Tatapi urang-urang sadaerahnya gili ka inya, sahingga rang mangirim utusan akan mamarahkan ka kaisar. Kami hontaa honaa urang itii manjadi raja kami. 15Tatapi Kaisar maincang nya manjadi Raja dan iaa baulang ka dangaunya. Kemudian iaa manimaii sapuluh hambanya am jarii di borinya duit iyah. Iaa honaa ingat barapaa banyaa kauntungan am rang dapat mulaa duit am di borinya. 16Palayanya am pertama datang dan bapaner: “Tuan duit suti koin emas mulaa Ikam iyah jarii mahasilkan sapuluh koin emas mulaa.” 17Raja iyah bapaner ka palayanya, Kolai palayan am baii dan kolai jarii satia lalam mangaruhkan hal am konii akan aku, jadi aku mamoriimu kuasa akan mamimpin sapuluh kota. 18Palayanya am ka dua datang dan bapaner, Tuan koin emas mulaa ikam iyah jadi mahasilkan lima koin emas. 19Lalu sang raja bapaner ka palayan iyah: “Aku mamoriimu kuasa mamimpin lima kota.” 20Kemudian datanglah palayan am katolu dan bapaner: “Tuan itii koin emas ikam suti koin emas, aku bungkus dengan salomar kain dan manabunya supayaa aman.” 21Sebab aku golaa ka Tuanku, laii Tuan araalah urang am kejam, bahkan mangalap duit am bukan hakmu. Contohnya, Tuan mamanen tatapi hontaa basaa mananam, dan manggalap hasilnya tatapi hontaa basaa manabur. 22Raja manjawab: “Hai palayan am hontaa taat! Aku mahakimu berdasarkan pamanermu kanirii. Kolai kanirii jarii mamarahkan bahwa aku araalah urang jahat, dan bahwa aku maalap duit am bukan hak ku dan mamanen hasil am hontaa basaa kutanam? 23Jaka kolai bujur-bujur percaya saharusnya kolai harus manggora duitku di bank? Jaka kolai mangaruh hal iyah, Metuh Aku baulang, Aku tahuu manarima duit-Ku ditambah dengan bunganya.” 24Kemudian raja manyuruh palayan-palayanya maalap koin emas mulaa palayanya dan mamoriikannya ka palayanya am mangoraa sapuluh koin emas. 25Tatapi hamba iyah bapaner ka raja: “Tatapi Raja, hamba jarii mahompu sapuluh koin emas! 26Raja majawab, Aku bapaner ka kolai, urang am dapat dipercayaa honaa diborii lobih banyaa mulaa. Tatapi urang am hontaa dapat dipercayaa, bahkan am kocii jam am jarii diborikan ka inya honaa di alap mulaa inya. 27Tatapi, dengan musuh-musuhku am hontaa honaa aku mamimpin rang sabagai Raja, tainglah rang kotiikan dan bunuhlah rang ka paharap-Ku.”
Yesus disorak-sorak di Yerusalem
(Mat. 21:1-9; Mrk. 11:1-10; Yoh. 12:12-15)
28Satelah mamarahkan uras iyah, Yesus malanyutkan parjalanan-Nya manuju kota Yerusalem, dan am bajalan ka paharap araalah murid-murid-Nya. 29Metuh rang samakin damping dengan banua Betfage dan banua Betania am taletak ka sisi bukit Zaitun, Yesus manimaii dua urang murid-Nya dan bapaner ka rang. 30Ujaa Yesus, Ingkaslah ka banua am araa kapaharapmu, Metuh kolai sampai di koyah, kolai akan mailaa siku anaa keledai muda am dikobat koyah. Dan hontaa araa am basaa manainya. Lopaskanlah kobatnya dan tainglah kotiikan akan Aku. 31Jaka araa urang am batanya ka kolai: “Mangapa kolai malopaskan kobat keledai iyah? Jawablah, Tuhan mamerlukannnya.” 32Lalu, murid-murid am di utus Yesus manyahelunya ingkas ka banua iyah. Rang mailaa apa am jarii di parahkan Yesus ka rang. 33Jaka araa urang batanya ka kolai, Mangapa kolai malopaskan kobat anaa keledai muda iyah? 34Jawab rang: “Tuhan memperlukannya.” 35Lalu para murid-Nya manaing anaa keledai muda iyah ka Yesus. Rang maomah jubah luar rang di punggung keledai iyah. Kemudian rang mambantu Yesus naii di punggung keledai. 36Kemudian Yesus manampara bakuda manuju kota Yerusalem. Urang-urang maampar pakaian di jalan honii mahormati Inya. 37Metuh Yesus bajalan, Iaa sampai ka homan kamanih jalan manampara manuruni Bukit Zaitun manuju kota Yerusalem. Saluruh murid-Nya manampara basoruu dan manyanyii dengan sukacita metuh rang bajalan barotaa, mamuji Allah atas uras tannaa mukjizat am luar biasa am jarii rang ilaa, Yesus karuhkan. 38“Diberkatilah inya am datang sabagai raja dengan kuasa Allah.
Samoga araa damai sejahtera dengan Allah ka Sorga dan samoga araa kamuliaan bagi Allah am hidup ka sorga.”
39Araa babarapa urang Farisi di antaraa urang banyaa iyah. Rang bapaner ka Yesus: “Guru, parahkan ka murid-Mu supayaa rang hontaa mamarahkan hal-hal iyah.” 40Yesus manyawab: “Aku bapaner ka kolai, jaka urang itii sunni, maka batu-batu itiilah am akan basoruu.”
41Metuh Yesus jarii damping dan mailaa kota Yesrusalem, Inya marasa sedih laii penduduk kota iyah dan Iaa mananggisinya. 42Ujaa-Nya, Wahai Yerusalem, Saandainya jaa pendudukmu ingat arii itii sapaa am akan manaing damai bagi rang! Tatapi botii kolai hontaa dapat mangasenenya. 43Kolai akan mangalami masaa-masaa sulit. Musuh-musuhmu akan magapung kolai dan mangaruh tembok di sakalilingmu sahingga hontaa araa am tahuu tamaa atau maluar mulaa kotamu. Rang akan menyerangmu mulaa berbagai arah. 44Rang akan meratakan kotamu dengan tanah, Rang akan menghancurkan saluruh banggunan dan tembok-tembokmu. Itii akan tajadi laii kolai hontaa ingat papan Tuhan datang akan menyelamatkanmu.
Yesus manyucikan Bait Allah
(Mat. 21:12-13; Mrk. 11:15-18; Yoh. 2:13-16)
45Kemudian Yesus tamaa ka kota Yerusalem, lalu tamaa ka dangau Allah dan Kemudian Iaa manampara mausir urang-urang am agii bajualan. 46Ujaa-Nya ka rang, Allah bafirman di lalam kitab suci jarii tatulis. Dangau Allah akan jadi homan rang badoa ka Tuhan dan Aku! Tatapi kolai manjadikannya samahkan homan kumpulan urang am marampok!
47Setiap arii Yesus malajar ka dangau Allah, namun, Para imam bakah agama Yahudi, dan para pamimpin bangsa Israel bausahaa hukum inya dengan pangajar hukum Musa. 48Akan tatapi rang hontaa ingat, mangaruh apa-apa laii di sakaliling-Nya salalu araa banyaa urang am amat tatarik akan manongar satiap pangajaran-Nya.
Currently Selected:
Lukas 19: ATV
Highlight
Copy
Compare
Share
Want to have your highlights saved across all your devices? Sign up or sign in
Tamuan Bible by Beyond Translation is licensed under Creative Commons Attribution-ShareAlike 4.0 License.
