Lukas 18
18
Perumpamaan totang hakim am hontaa bujur
1Yesus mangesahkan suatu parumpamaan ka murid-murid-Nya dengan mamarahkan ka rang, bahwa urang harus salalu badoa ka Tuhan dan hontaa bosan. 2Ujaa-Nya: “Di lalam suti kota, araa saurang hakim am hontaa golaa ka Allah dan hontaa mahormati urang bukan. 3Di kota iyah, araa saurang baluu am baulang kali datang ka hakim iyah dan bapaner, Borikanlah kaadilan ka aku terhadap musuhku. 4Babarapa waktu lamatnya hakim iyah hontaa manarima akan manolong baluu iyah. Tatapi hakim iyah bapaner lalam hatiinya, Meski jam aku hontaa golaa dengan Allah dan hontaa mahormati saurang jam, 5namun laii baluu itii tarus baulang kali manyuruh aku, aku akan mamori kaadilan ka inya supayaa iaa hontaa tarus datang manyusahkan aku baulang kalinya.” 6Ujaa Tuhan bapaner: “Dongarlah apa am diucapkan hakim am hontaa adil iyah! 7Hontakah Allah akan mamori kaadilan ka urang-urang pilihan-Nya am basoruu ka-Nya siang dan malam? Apakah Iaa hontaa manunaa-nunaa waktu sampai lamat honii manolong rang? 8Aku bapaner ka kolai, Iaa honaa sacopatnya mamori kaadilan ka rang. Akan tatapi, jaka Anaa Kalunen yaiyah Yesus Kristus datang, apakah Iaa honaa manggau iman di bumi?”
Perumpamaan totang urang Farisi dengan Panagih pajak
9Yesus lalu mamarahkan parumpamaan itii ka babarapa urang am mangaap dirii rang bujur dan maremehkan urang bukan. 10“Araa dua urang ingkas ka dangau Allah honaa badoa ka Tuhan. Am saurang araalah urang Farisi dan am bukan araalah saurang panagih pajak. 11Urang Farisi iyah badirii dan badoa ka lalam hatiinya cambotii bunyinya, Ya Allah, aku berterimakasih ka Kolai, laii aku hontaa samahkan dengan urang bukan, samahkan pemeras, panipu, pezinah, atau jam samahkan dengan panagih pajak itii. 12Aku bapuasa dua kali samengoo, aku mamoriikan sepersapuluhan mulaa uras penghasilanku. 13Tatapi, sipanagih pajak badirii agak jauh, bahkan hontaa manampai ka langit. Malah, iaa manukuh-nukuh daranya sammil bapaner: ‘Ya, Allah. Sihailah aku, am badosa itii.’ 14Aku bapaner ka kolai, panagih pajak iyah lalu pulang ka dangaunya macam urang am lobih bujur. Dan urang am maninggiikan diriinya honaa di rendahkan, dan barangsapa am marendahkan diriinya akan ditingiikan.”
Yesus memberkati anaa-anaa
(Mat. 19:13-15; Mrk. 10:13-16)
15Maka datang urang-urang manaing anaa-anaa rang am masih konii ka Yesus supayaa Iaa manyoputnya. Mailaa iyah para murid-Nya manggusar urang-urang iyah. 16Tatapi Yesus manimaii anaa-anaa iyah dan bapaner: “Nauhnya anaa-anaa iyah datang ka Aku, umet mahalang-halang rang, sebab urang-urang am macam iyahlah am mahompu Karajaan Allah. 17Aku mamarahkan am sabujurnya ka kolai, sapaa jam am hontaa manarima Karajaan Allah samahkan saurang anaa konii, iaa hontaa akan basaa tamaa ka lalamnya.”
Urang sugih tamaa Kerajaan Allah
(Mat. 19:16-26; Mrk. 10:17-27)
18Ara saurang pamimpin am batanyaa ka Yesus: “Guru am baii, apa am harus aku karuh honii manapatkan kehidupan am abadi?” 19Jawab Yesus: “Mangapaa kolai manyokuu Aku baii? Hontaa araa siku jam am baii salain Allah meh. 20Kolai pasti ingat totang sagalaa perintah Allah. Umet bajinah, umet mambunuh, umet manggolit, umet mamori kasaksian palsuu, bahkan hormati jam ompai dan inaimu.” 21Jawab urang iyah: “Aku jarii mamatuhi uras iyah, metuh aku masih bujang.” 22Metuh Yesus manongar pamanerannya, Yesus manjawab: “Masih araa suti hal am kurang. Juallah urasnya am kolai hompu dan bagikan ka urang-urang susah, maka kolai akan maulih panatau ka Sorga homan Allah dan Malaikat-malaikat tingal, dan Ayoo umaa Aku.” 23Metuh urang iyah manongar pamaneran Yesus iyah, iaa manjadi amat sedih laii iaa amat sugih. 24Kemudian Yesus manampainya dan bapaner: “Batapa sulitnya bagi urang-urang sugih honaa tamaa ka lalam Karajaan Allah! 25Bahkan, lobih mudah mulaa siku unta honaa tamaa malalui lubang jarum mulaa pada saurang am sugih tamaa ka lalam Karajaan Allah.” 26Urang-urang am manongar paneran-Nya dan bapaner: “Amun camiyah, sapaa am tahuu di salamatkan?” 27Jawab Yesus: “Apa am hontaa mungkin bagi kalunen, mungkin bagi Allah.”
Upah maumaa Yesus
(Mat. 19:27-30; Mrk. 10:28-31)
28Lalu Petrus pawakilan Yesus bapaner: “Kami jarii maningalkan uras sagala am kami hompu dan maumaa Ikam.” 29Ujaa Yesus bapaner: “Aku mamarahkan am sabujurnya ka kolai, hontaa saurang jam am jarii maningalkan dangau, biniinya, manyari-manyarinya, urang tuhaanya, atau anaa-anaanya demi Karajaan Allah, 30akan manarima hal-hal iyah balipat gandaa metuh masaa itii, dan metuh masaa am akan datang iaa akan manarima kehidupan am abadi.”
Kabar katolu totang penderitaan Yesus
(Mat. 20:17-19; Mrk. 10:32-34)
31Yesus mangumpul ka dua belas murid-Nya dan bapaner ka rang: “Dongar, dirii akan ingkas ka kota Yerusalem dan sagala sasuatu am jarii tatulis laii saurang Nabi totang Anaa Kalunen yaiyah Yesus Kristus honaa di gonapkan. 32Sebab Iaa honaa disorahkan ka urang-urang am hontaa mangasene Allah. Iaa honaa diolo-olo, dihina, dan dilujah, 33dan rang mancamuk-Nya, rang honaa mambunuh-Nya, dan metuh arii am ka toluu Iaa akan bangkit.” 34Akan tatapi para murid-Nya hontaa paham suti jam mulaa hal-hal iyah. Artii paneran-Nya tatabu bagi rang sahinga rang hontaa mamahami apa jam am jarii di panerkan Yesus.
Yesus mamaikan saurang am buta damping kota Yerikho
(Mat. 20:29-34; Mrk. 10:46-52)
35Metuh Yesus jarii damping kota Yerikho sabuah kota di provinsi Yudea hontaa jauh mulaa ujung utara Laut Matii, araa saurang am buta metuh duru ka sisi jalan sammil mamintaa-mamintaa. 36Metuh urang buta iyah manongar urang banyaa lalu iaa mananyakan apa am jadi tajadii. 37Dan ujaa urang-urang bapaner ka iaa: “Yesus Kristus urang Nazaret agii lalu.” 38Lalu urang buta iyah manimaii Yesus: “Yesus, Anaa Daud sihaailah aku!” 39Urang-urang am bajalan ka paharap rombongan, manggusar urang buta iyah dan manyuruhnya sunii. Namun, iaa malah basoruu lobih onyaa: “Anaa Daud, sihaailah aku!” 40Lalu Yesus bahonti dan manyuruh agar urang buta iyah di taing ka paharap-Nya. Metuh urang buta iyah jarii damping-Nya, Iaa batanyaa ka urang buta iyah. 41“Apa am kolai kahonaa supayaa Aku mangaruh akan kolai?” Urang buta iyah manjawab: “Tuhan, aku honaa mataku tahuu mailaa!” 42Yesus bapaner ka iaa: “Mailalah imanmu jarii manyalamat kolai.” 43Sakatika iyah jam, iaa ulih mailaa dan manampara maumaa Yesus samil mamuji Allah. Metuh urang banyaa mailaa hal iyah, rang jam mamuji Allah.
Currently Selected:
Lukas 18: ATV
Highlight
Copy
Compare
Share
Want to have your highlights saved across all your devices? Sign up or sign in
Tamuan Bible by Beyond Translation is licensed under Creative Commons Attribution-ShareAlike 4.0 License.
