Lukas 14
14
Totang mambaiikan metuh arii istirahat
1Metuh arii terakhir mengoo urang Yahudi Yesus datang ka dangau urang Farisi am honaa museh roti barotaa-rota rang. Uras urang am jarii tegee diyah mailaa Inya dengan saksama. 2Tiba-tiba araa urang sakit am porutnya komangng datang dan badirii ka paharap-Nya. 3Yesus Kristus urang Nazaret bapaner ka guru urang Farisi, dan pangajar hukum Musa iyah: “Apakah tahuu mambaiikan urang metuh arii terakhir mengoo urang Yahudi?” 4Rang urasnya tasuni. Lalu Yesus marigap jari urang am sakit iyah dan mambaiikanya dan manyuruh urang iyah pulang. 5Yesus bapaner mulaa ka rang: “Sapakah diantara ikam am hontaa manaing anaanya maluar atau sapi am ka lakiinya jatu ka lalam sumur, walau jam metuh iyah arii terakhir mengoo urang Yahudi?” 6Rang hontaa mambantah pamaneran Yesus.
Homan am paling terhormat dan paling lobaa
7Yesus mailaa bahwa tamu-tamu iyah bausahaa duru ka homan am tahormat, Iaa mamarahkan parumpamaan itii ka rang. 8Jaka kolai diundang, laii urang kapesta perkawinan, umetlah kolai duru homan am terhormat, mungkin urang am mangaruh pesta iyah jarii maundang urang am lobih tahormat mulaa kolai. 9Supayaa urang iyah, am maundang kolai dan inya, umet datang dan bapaner ka kolai. Borilah kursi homan itii ka urang iyah. Dan kolai dengan asa malu pinah duru ka lobaa. 10Tatapi, apabilaa kolai diundang, ingkaslah dan duru ka homan am paling lobaa, supayaa metuh am maundang kolai datang manyuruh kolai, Kawal, pinahlah duru ka paharap. Dan dengan camiyah kolai akan manarima penghormatan ka paharap mata uras tamu am bukan. 11Sebab barangsapa am maningiikan diriinya akan dilobakan dan barangsapa am malobakan diriinya akan ditingiikan.
Sapaa am harus diundang
12Dan Yesus bapaner ka urang am maundang-Nya: “Apabilaa kolai mangaruh jamuan makan siang atau makan malam, umet maundang kawal-kawal, manyari-manyarimu atau kaluarga, tetanggamu am sugih, laii rang honaa mambalasnya dengan maundang ikam dan dengan camiyah ikam mandapat balasannya. 13Tatapi apabilaa ikam mangaruh pesta, undanglah urang-urang susah, cacat, urang-urang lumpuh dan urang-urang buta. 14Dan ikam akan di berkati, laii urang-urang itii hontaa manggora apa-apa honii mambalasnya ka kolai. Sebab Ikam akan mandapat balasannya metuh arii bangkit urang-urang bujur.”
Perumpamaan totang urang-urang am baalasan
(Mat. 22:1-10)
15Manongar hal iyah bapanerlah salah suti tamu iyah ka Yesus. “Babahagialah urang am honaa museh roti barotaa-Nya ka lalam Karajaan Allah.” 16Tatapi Yesus bapaner ka urang iyah: “Araa saurang am mangaruh pajamuan bakah dan iaa maundang banyaa urang. 17Metuh makan malam iyah honaa manampara, iaa manyuruh hambanya bapaner ka para tamu am jarii di undangnya. Datanglah, sebab urasnya jarii siap. 18Tatapi uras tamu am diundanganya manampara mangaruh alasan-alasan. Urang am paholu bapaner. Aku jarii mamolii suti ladang dan aku harus ingkas mailanya, maaf aku hontaa ulih datang. 19Am bukan bapaner. Aku haru mamolii lima pasang sapi dan aku honaa ingkas mamariksaa sapi-sapi iyah. Maaf aku hontaa ulih datang. 20Am bukan mulaa bapaner. Aku haru kawin laii iyah aku hontaa ulih datang. 21Maka baulanglah hamba iyah dan mamarahkan urasnya ka tuannya. Maka tuannya manjadi gusar, lalu bapaner ka palayanya. Copat ingkas ka jalan-jalan dan satiap gang ka kota itii tainglah urang-urang susah, urang-urang lumpuh, urang-urang pincang dan urang-urang buta kotiikan. 22Kemudian hamba iyah mamarahkannya ka Tuannya, aku jarii manulat apa am ikam suruh, tatapi masih araa homan duru am kosong. 23Lalu tuan iyah bapaner ka palayanya. Ingkaslah ka uras jalan dan satiap gang. Paksalah urang-urang iyah am araa diyah datang kotii supayaa dangauku manjadi ponuh. 24Sebab Aku bapaner ka kolai. Hontaa araa saurang jam am jarii diundang iyah am hontaa makan jarii-Ku sadia.
Sagala sasuatu harus dilopaskan honii maumaa Yesus
25Pada suatu arii urang banyaa bajalan barotaa-rota mairing Yesus lalam pajalanan-Nya. Sammil malingau Iaa bapaner ka rang. 26Jaka saurang datang ka Aku dan iaa hontaa gili ka ompai, inainya, biniinya dan anaa-anaanya, manyarinya kalaki dan manyarinya labini, bahkan kosahnya kanirii, iaa hontaa tahuu manjadi murid-Ku. 27Barangsapa am hontaa mananggung kayuu am di sapalaki manjadi alat honii ma hukum sasaurang dan honaa maumaa Aku, iaa hontaa tahuu manjadi murid-Ku.
28Sebab sapakah diantara kolai am honaa mampadiriikan suti menara hontaa duru holu, mangaruh anggaran biayanya, jaka cukup duitnya honii mampajarii gawian iyah? 29Jaka hontaa camiyah, metuh iaa mangaruh fondasinya dan hontaa dapat mampajariinya, hinam-hinam uras urang am mailanya, maolonya, 30samil bapaner, urang iyah manamparaa mampadirii manara iyah tatapi iaa hontaa sanggup mampajariinya.
31Atau, raja manihkah am honaa ingkas perang malawan raja bukan namun hontaa duru holu dan mampartimangkan apakah iaa dengan sapuluh ribu tentaranya, iaa sanggup malawan musuhnya am manggora dua puluh ribu tantara? 32Jaka raja ingat bahwa iaa hontaa ulih malawan raja am bukan, iaa akan magirim saurang utusan dan mananyakan sarat-sarat perdamaian metuh pasukan am malawannya masih jauh. 33Bebeh jam tiap-tiap urang diantara kolai, am hontaa malopaskan diriinya mulaa sagalaa hompunya, hontaa dapat manjadi murid-Ku.
34Garam iyah baii, tatapi jaka garam iyah jarii tabar, dengan apakah iaa dimasinkan? 35Hontaa araa gunanya garam iyah bahkan hontaa baguna dihoni di ladang atau pupuk dan dibuangnya. Sapa am mahompu poning honii manongar, honaalah iaa manongar!”
Currently Selected:
Lukas 14: ATV
Highlight
Copy
Compare
Share
Want to have your highlights saved across all your devices? Sign up or sign in
Tamuan Bible by Beyond Translation is licensed under Creative Commons Attribution-ShareAlike 4.0 License.
