Lukas 13
13
Yesus manimaii honii batobat
1Metuh iyah datanglah babarapa urang ka Yesus manaing kabar totang urang-urang Galilea am darah nya dicampur laii Pilatus gubernur provinsi Yudea dengan hewan korban dan persembahan am bukannya am rang persembahkan. 2Yesus manjawab: “Apakah kolai mangira urang-urang Galilea itii lobih badosa mulaa urang-urang Galilea am bukan, laii rang mangalami nasib iyah? 3Hontaa! Aku mamarahkan kolai. Tatapi amun kolai hontaa batobat, kolai urasnya akan binasa atas cara iyah. 4Atau sangkamu ka delapan belas urang am matii di timpaa tiang manara Siloam, lobih bakah am badosa mulaa kesalahan uras urang bukan am badiam ka kota Yerusalem? 5Hontaa! Aku mamarahkan kolai. Tatapi amun kolai hontaa batobat, kolai urasnya akan matii samahkan camiyah.”
Parumpamaan totang puhun ara am hontaa babuah
6Yesus mamarahkan parumpamaan itii. Araa saurang am mahompu puhun buah ara am tumuh di Kabun anggur, dan iaa honaa manggau buah anggur iyah, tatapi iaa hontaa mandapatkan buah anggur iyah. 7Lalu iaa bapaner ka tukang kabunnya. “Jarii toluu tahun aku datang manggau buah ka puhun buah ara itii namun aku hompan basaa mandapatkan suti jam buahnya. Tobang jaa puhun iyah! Mangapa harus manyia-nyiakan tanah honii puhun am hontaa babuah!” 8Jawab tukang kabun iyah. Tuan, borikan kesempatan puhun iyah babuah tahun itii mulaa, aku akan marawatnya, mancangkul tanah sakalilingnya lalu mamori pupuk puhun anggur iyah, 9mungkin tahun durii iaa babuah. Jaka hontaa babuah, tobang meh!
Mambaiikan urang sakit metuh arii istirahat
10Metuh, Yesus agii malajar ka dangau ibadah urang Yahudi metuh arii terakhir mengoo urang Yahudi. 11Koyah araa saurang labini am salama delapan belas tahun karasukan roh jahat, sahingga iaa sakit sampai punggungnya mahengkung dan hontaa ulih badirii kojoss. 12Metuh Yesus mailanya, Iaa manimaii labini iyah dan bapaner: “Hai labini, panyakitmu jarii baii.” 13Lalu iaa maomah jari-Nya ka punggung labini iyah, dan sakatika iyah jam badirilah labini iyah dan memuliakan Allah. 14Tatapi Pamimpin dangau ibadah urang Yahudi iyah manjadi gusar laii Yesus mambaii urang metuh arii terakhir mengoo urang Yahudi, lalu iaa bapaner ka urang banyaa: “Araa onam arii honii bagawi. Laii iyah datanglah ka salah suti arii iyah honii di baiikan dan umet metuh arii terakhir mengoo urang Yahudi.” 15Tatapi Tuhan manjawab: “Kolai urang-urang munafik, bukankah setiap urang di antaraa kolai am malopaskan sapi atau keledainya metuh arii terakhir mengoo urang Yahudi mulaa kandangnya dan manaing kahomannya marai? 16Botii ilalah labini ka turunan Abraham itii. Roh jahat jarii mangaruh iaa lumpuh salama delapan bolas tahun lamatnya! Macamapaa mungkin salah jaka Aku malopaskannya metuh arii terakhir mengoo urang Yahudi?” 17Metuh Yesus bapaner camiyah, uras lawan-Nya di pamalukan dan uras urang banyaa basuka cita atas sagala perkara ajaib am jarii dikaruh Yesus.
Perumpamaan totang bijii sasawi dan ragii
(Mat. 13:31-33; Mrk. 4:30-32)
18Kamudian Yesus bapaner: “Saumpama macam apakah Karajaan Allah iyah dan dengan apakah Aku mengumpamakannya? 19Karajaan Allah iyah samahkan bijii sasawi am di alap dan di taburkan urang di kabunnya bijii iyah tumuh manjadi puhun dan burung-burung ka langit basarang di dahan puhun kayuu.” 20Dan Iaa bapaner mulaa: “Dengan apakah Aku maumpamakan Karajaan Allah? 21Karajaan Allah iyah samahkan ragii am di alap saurang labini dan di campurkannya di lalam takaran topung sampai uras adonan iyah khamir.”
Sapa am di salamatkan
22Kemudian Yesus bajalan bakaliling mulaa ka kota-kota dan banua-banua sammil malajar dan tarus bajalan manuju kota Yerusalem. 23Dan araa saurang am batanyaa ka Yesus: “Tuhan, apakah kocii mehkah urang am honaa di salamatkan?” 24Jawab Yesus ka urang-urang iyah “Bajuanglah supayaa ulih tamaa malalui pintu am sompit iyah! Laii Aku bapaner ka kolai. Banyaa urang honaa tamaa pintu am sompit iyah, tatapi rang hontaa akan ulih. 25Jaka am hompu dangau badirii dan manutup pintu dangaunya, kolai jarii badirii ka luar dan mangatuk pintu sammil bapaner, Tuan, tolong ungkapkan kami pintu! Dan am hompu dangau iyah manjawab. Aku hontaa kasenee kolai mulaa manih asalmu. 26Maka kolai manjawab: ‘Kami jarii makan dan marai di paharap-Mu dan Ikam jarii malajar di jalan-jalan kota kami.’ 27Tatapi Iaa manjawab: ‘Aku hontaa mangenal kolai dan hontaa ingat mulaa manih kolai baasal. Badarilah mulaa paharap-Ku, hai kolai urasnya am mangaruh kajahatan!’ 28Koyah tege tangisan dan kertakan gigii, Metuh kolai mailaa Abraham, Ishak araalah anaa kalaki Abraham dan ompai Yakub dan Esau, saurang Nabi am ka lalam Karajaan Allah, tatapi kolai di tibar ka luar. 29Dan urang akan datang mulaa Timur dan barat, utara dan selatan. Rang akan duru makan di lalam Karajaan Allah. 30Dan am sabujurnya araa urang terakhir am akan manjadi am paholu dan urang-urang am paholu akan manjadi am taakhir.”
Yesus matii di Yerusalem
Keluhan terhadap Yerusalem
(Mat. 23:37-39)
31Metuh iyah, babarapa urang Farisi datang ka Yesus dan bapaner: “Ingkaslah, tingalkan homan itii laii Herodes Antipas honaa mambunuh-Mu.” 32Yesus manjawab, Ingkaslah dan parahkan ka serigala iyah. Aku agii mausir roh-roh jahat dan mambaiikan urang, arii itii dan pagii, metuh arii am katolu, aku manyelesaikan gawian-Ku. 33Tatapi arii itii, pagii dan lusaa Aku harus malanyutkan pajalanan-Ku, laii hontaa mungkin saurang Nabi dibunuh ka luar kota Yerusalem. 34“Hai penduduk kota Yerusalem! Ikam am mambunuh saurang Nabi dan mamedak rang dengan batu, urang-urang iyah am di utus ka kolai! Baulang kali Aku rindu honaa manggumpulkan anaa-anaamu, samahkan kan inai manu am manggumpulkan anaa-anaanya diloba sayabnya, tatapi kolai hontaa honaa. 35Am sabujurnya dangaumu honaa di kosongkan dan manjadi sunni. Tatapi Aku bapaner ka kolai, kolai hontaa akan mailaa Aku mulaa sampai tiba saatnya kolai bapaner,
Diberkatilah Iaa am datang lalam namaa Tuhan!”
Currently Selected:
Lukas 13: ATV
Highlight
Copy
Compare
Share
Want to have your highlights saved across all your devices? Sign up or sign in
Tamuan Bible by Beyond Translation is licensed under Creative Commons Attribution-ShareAlike 4.0 License.
