Lukas 10
10
Yesus mautus tujuh puluh murid
1Satelah iyah, Yesus mamilih tujuh puluh murid-murid am bukan lalu mautus rang, dua urang perkalompok ingkas ka satiap kota dan maholu Iaa dan kota am akan diguang-Nya. 2Dan sahompan mautus rang, Yesus bapaner ka rang: “Banyaa urang honaa manarima kabar baii. Rang samahkan ladang am siap panen. Ladang iyah luas, tapi karyawan am mamanennya kocii. Laii iyah, badoa ka Tuhan, Tuan hompu ladang am honaa di panen iyah, supayaa Iaa mangirim lobih banyaa urang am akan mamanennya. 3Ingkaslah, tatapi sasungguhnya Aku mautus kolai samahkan anaa domba ka tongah-tongah serigala am ganas. 4Umet manaing tantai duit, tas, bahkan sanal honii baganti. Dan umet bapaner dengan urang waktu lalam pajalanan.” 5Satiap kali kolai tamaa dangau, pertama ucapkan salam lobih holu: “Damai sejahtera uras urang am araa di dangau itii.” 6Amun diyah araa urang am layak manarima damai sejahtera, maka salammu iyah tingal akannya. Tatapi jaka hontaa, salammu iyah baulang ka kolai. 7Tingallah lalam dangau iyah. Makan dan minumlah apa am urang sadiakan akan kolai, laii urang am bagawi patut manarima upahnya. Umetlah bapinah-pinah dangau. 8Amun satiap kali kolai tamaa suti kota dan kolai diterima diyah, makanlah am di hidangkan di paharap kolai. 9Dan baiikanlah urang-urang am kanyaman manotap koyah dan parahkan ka rang: “Karajaan Allah jarii damping kolai.” 10Tatapi amun kolai tamaa suti kota dan urang-urang koyah hontaa manarima kolai, ingkaslah ka jalan-jalan rayaa kota iyah dan bapanerlah dengan suara nyaring. 11Bahkan dabu kota homanmu, am jarii napi di kakii kami, kami kibaskan di paharap kolai, tatapi ingatlah itii. Karajaan Allah jarii damping. 12Aku bapaner ka kolai: “Waktu arii penghakiman, Allah akan lobih sihaa dengan kota Sodom dan di hancurkan laii kajahatan rang!”
Yesus mamori peringatan babarapa kota
(Mat. 11:20-24)
13Calakalah ikam urang-urang kota korazim dan kota Betsaida saumpamaanya Aku mangaruh tannaa mukjizat-mukjizat am samahkan am Aku karuh ka kota Tirus dan Sidon, rang jarii lamat batobat dan babaduka. 14Akan tatapi metuh manghakimi, Tuhan akan mampaila belas kasihan am lobih bakah ka urang-urang kota Tirus dan Sidon akan lobih lompung mulaa kan tanggunganmu. 15Dan urang-urang mulaa kota Kapernaum, apakah ikam akan dinaiikan sampai ka sorga? Hontaa, Sabalinya Iaa akan manibar kolai ka lalam lubang homan hukuman dan penderitaan.
16Barangsapa am manongar kolai, iaa manongar Aku, dan barangsapa am hontaa manarima kolai, iaa hontaa manarima Aku, dan barangsapa am hontaa manarima Aku, iaa hontaa manarima Inya am mautus Aku.
Pulangnya katujuh puluh murid
17Kemudian katujuh puluh murid iyah pulang sammil basuka cita dan bapaner: “Tuhan, roh jahat iyah tunuu ka kami lalam namaa-Mu.” 18Lalu Tuhan bapaner ka rang: “Aku mailaa roh jahat jatu samahkan kilat mulaa langit. 19Dongar, Aku jarii mamoriimu kuasa honii manjojaa ular, kalaa dan kuasa honii manahan kakuatan Roh jahat, sahingga hontaa araa am akan mambahayaakan kolai. 20Namun umet kolai basuka cita laii roh jahat iyah tunuu ka kolai, tatapi basuka citalah namamu araa tadaftar ka Sorga homan Allah dan Malaikat-malaikat tingal.”
Yesus mangucap syukur ka Bapa
(Mat. 11:25-27; 13:16-17)
21Metuh iyah, Yesus basuka cita am baasal mulaa Roh Kudus dan Inya bapaner: “Aku basyukur ka ikam Bapa, Tuhan atas langit dan bumi, laii urasnya iyah Ikam manabukan hal-hal itii mulaa urang bijaksana dan pintar. Namun, Ikam mampaila urasnya ka anaa konii. Ya Bapa, iyahlah am bakahona ka paharap-Mu.” 22Lalu Yesus bapaner: “Bapa-Ku jarii mamoriikan Aku sagalaa Kuasa. Dan hontaa araa saurang am ingat sapakah Aku, Anaa, salain Bapa. Hontaa araa am ingat sapaa Bapa salain Aku, Anaa, dan rang am Aku pilih honii manyatakan hal iyah.”
23Satelah iyah, Yesus malingau ka murid-Nya dan bapaner bayaa ka murid-Nya “Berbahagialah mata am mailaa apa am kolai ilaa.” 24Laii Aku bapaner ka kolai. Banyaa saurang Nabi dan raja honaa apa am diilamu, tatapi hontaa mailaanya, dan honaa manongar apa am kolai dongar, tatapi hontaa manongarnya.
Urang Samaria am baii hatii
25Suatu arii, badirilah saurang pangajar hukum Musa honaa mancuba Yesus, Ujaanya “Guru, apa am harus Ku karuh honii baulih kehidupan am abadi?” 26Jawab Yesus: “Apa am tatulis lalam Pangajar Hukum Musa? Apa am kolai bacaa koyah?” 27Jawab urang iyah: “Kasihilah Allahmu dengan sagonap hatiimu, dengan sagonap jiwamu, dengan kakuatanmu, dan dengan sagonap akal budimu, dan sihaailah sesamamu kalunen samahkan ikam mangasihi diriimu kanirii.” 28Ujaa Yesus bapaner: “Jawabanmu iyah bujur. Karuhlah camiyah maka kolai akan hidup.” 29Tatapi honaa mambujurkan dirii urang iyah bapaner ka Yesus: “Dan, sapakah sesamaku kalunen?” 30Yesus manjawab dengan suti kesah: “Metuh araa kalaki am malakukan pajalananya mulaa kota Yerusalem dan kota Yerikho sabuah kota di provinsi Yudea. Di tongah jalan para parampok malopas pakaiannya dan maalap uras am tege ka inya, rang manukuhnya dan manigalkannya lalam kaadan honaa matii. 31Tapalujur, araa saurang imam Yahudi malalui jalan iyah. Metuh iaa mailaa urang am taluka tabaring di sisi jalan, inya malalui sisi jalan am bukan. 32Kemudian saurang kalaki mulaa suku Lewi datang malalui jalan am samah dan mailaa kalaki am tabaring ka sisi jalan. Namun metuh iaa mailaa urang am jarii ditukuh iyah, iaa jam malaluinya mulaa sisi jalan am bukan. 33Namun araa urang Samaria am agii lalam pajalanan lalu jalan iyah, Metuh iaa mailaa urang iyah, iaa marasa sihaa ka inya. 34Lalu urang Samaria iyah manguangnya, maurusnya honii binya zaitun dan anggur lalu magobat lukanya. Iaa lalu manaikan urang iyah katingi keledainya dan manaingnya ka suti pangginapan lalu marawat urang iyah.” 35Suung arinya sahompan inya ingkas maningalkan pengginapan, urang Samaria iyah maluarkan duitnya dua koin perak dan mamoriikannya ka am hompu penginapan iyah sammil bapaner: “Tolong rawatlah urang am taluka itii. Jaka biayanya lobih mulaa itii, aku akan mambayarnya mulaa metuh aku baulang kotiikan.” 36Lalu, Yesus bapaner: “Manurutmu, sapakah antaraa toluu urang iyah, urang am baii samahkan kalunen am jatu mulaa urang am konaa rampok iyah?” 37Jawab Pangajar hukum Musa iyah: “sihaailah urang am mampailaa belas kasih Ka inya,” Lalu ujaa Yesus: “Ingkaslah, dan karuhlah hal am samahkan camiyah.”
Maria dan Marta
38Metuh Yesus dan murid-murid-Nya lalam pajalanan, sampailah iaa disabuah banua. Diyah araa saurang labini am banama Marta manarima Yesus dan murid-murid-Nya di dangaunya. 39Marta mahompu saurang manyari Maria. Maria am duru damping kaki Yesus dan tarus manongarkan Yesus bapaner. 40Sedangkan Marta sibuu malayani rang. Lalu Marta mangguang Yesus dan bapaner: “Tuhan, hontakah Ikam paduli bahwa manyari labiniiku maubahkan aku malayani Ikam saurang kanirii? Suruhlah inya mambantuku!” 41Tatapi, Tuhan manjawabnya: “Marta, Marta, kolai kuatir dan manyusahkan diriimu dengan banyaa masalah. 42Tatapi bayaa suti meh am perlu, Maria jarii mamilih bagian am lobih baii, dan bagiannya iyah hontaa akan tahuu di alap mulaa inya.”
Currently Selected:
Lukas 10: ATV
Highlight
Copy
Compare
Share
Want to have your highlights saved across all your devices? Sign up or sign in
Tamuan Bible by Beyond Translation is licensed under Creative Commons Attribution-ShareAlike 4.0 License.
