Tutulan Karajana Imamen 7
7
Pamindara mangasuang nyawaan
12“Jaji ati’en jalu ipamindaraang itiang tanda sikamaamanen dinen iala mangasuang nyawa lo’a i Yahuwe, arung isorongang bea inang roti bulat kosanen ragina yang ibarokang nanna inyaken. Maminna dinen arung andian bea dinen roti apipi’ na’anen iragi ipaliti nanna inyaken maminna itutung. Maminna dinen, arung andian bea roti ipolaan nanna tepung palin alusen yang imeang inyaken laloang ipasa’ maam-maam. 13Maminna dinen arung andian bea roti araragi ipolaan nanna tepung palin alusen yang ipasa’ maam-maam, iawa sarata nanna pamindara mangasuang nyawaan dinen. 14Roti dinen arung iawa tata sera maira baranana itiang pamindaraka’, awan pameangka’ lo’a i Yahuwe.
“Jaji roti dinen padari imam ampunaan barik, ampuna imam yang mamirikangen dara’ pamindaraka’ yang itiang tanda sikamaamaka’ nanna i Yahuwe. 15Isi’ inatang dari pamindara tanda sikamaamanka’, yang itiang mangasuang nyawaan, arung aso dinen bua ikaanna. Na’an pande andian arantang sampai makapen.
16“Kenang sarana ati’en pamindara itiang mangasuang nyawaan. Poangsi ati’en pamindara dinen iawa kole’a andianna bayaka’ lo’a i Yahuwe, atau pamindara dari kamaamanna ateka’ poang, laan paratoranna. Isi’ jalu ipamindaraangen dinen ikaan bua di aso dinen, poangsi ati’en andianpi tunanna, pande bea ikaan di aso kaduaan. 17Aso kataluun rabarik ati’en andianpi tunanna arung itutung barik. 18Ati’en andian ikaanen di aso kataluun, dinen na’an mainya’ dasialoi kole’a i Yahuwe. Pamindara dinen na’an mawa berkat lo’a tau yang mawaan. Tau angkaanen dinen barik yang tanggung jawapen lo’a sala’a dinen.
19“Awan isi’ inatang, ati’en tadua’ lo’a jalu na’anen barese, na’an pande ikaan. Arung akaus itutung. Poangsi isi’ inatang bareseen, intain poang maminen barese pande daia angkaan. 20Poangsi pamindara tanda sikamaamanen nanna i Yahuwe dinen, isi’ inatang yang maminen ilaanang itiang lo’a i Yahuwe, ati’en dakaan kole’a tau na’anen barese, tau dakagaringangen dabelena kole’a Yahuwe, tau angkaanen dinen arung ilaanang lo’a tau banuana. Na’an pande lagi’ ianggap sama kanturunan nanka’. 21Umpamana andiankin manjaput kotoran dari mantuariin atau ijaput inatang na’anen kuanggap barese, yang kupase’ang ikaan dinen, maminkin padari kotor di jolona aroku’. Kapi jalu ai ijaputen, kapi kotoran dari mantuariin, kapi inatang na’anen barese, na’ankin pande angkaan isi’ inatang dari pamindara tanda sikamaamanen nanna i Yahuwe. Intain angkaanen lo’a jalu maminen ilaanang itiang lo’a i Yahuwe, ti’ mamin padari kotor di jolona arona i Yahuwe kole’a jalu dajaputen, daia arung ilaanang lo’a tau banuana. Na’an pande lagi’ ianggap sama kanturunan nanka’.”
22Jaji manjarumpi i Yahuwe lo’a baki’ Musa, 23“Awa jarumku’ di’en lo’da’ ambata gulungan anak kanturunanna baki’ Israel. Ada’ dakaanna inyak sapiin, inyak dombaan atau kambingen. 24Inatang idua’angen ikin yang maminen mate ataupun maminen dasarikang kole’a inatang paita’en, bele poang ipakaina ikin inyaka. Ada’ poang ikaanna. 25Ati’en inatang yang pandeen ipamindaraang lo’a i Yahuwe awan pamindara jalu itutungen, ati’en inyaka dinen dakaan, tau angkaanen dinen arung ilaanang lo’a tau banuana. Na’an pande lagi’ ianggap sama kanturunan nannin. 26Kenang bea soal angkaanen dara’. Kapi disa poang kosan lalako’annin, na’an pande ikaan dara’ inatang atau burungen. 27Intain angkaanen dara’, tau dinen arung ilaanang lo’a tau banuana. Na’an pande lagi’ ianggap sama kanturunan nannin.”
Currently Selected:
Tutulan Karajana Imamen 7: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
