Tutulan Karajana Imamen 19
19
Ukum Sapulo’en nanna insa’-insa’ parinta bokanen
1Jaji manjarum bapi i Yahuwe lo’a baki’ Musa, 2“Awa jarumku’ di’en lo’a ambata anak kanturunanna baki’ Israel. Arungkin tio’ barese kole’a’ iak i Yahuwe, Alatala yang isembaan ikin, bareseak.
3“Arungkin paduli lo’a indu-amanin sera-seranin. Arungkin parandam lo’a adat aso Sangarianen yang ipakaien di aso Sabaten. Pal. 20:8-11. Taantalinganin kole’a iak lalo di’en i Yahuwe manjarumen, Alatala yang isembaan ikin.
4“Ada’ mamalinangen tujuan manyembanin lo’a jalu ipolaan nanna tanganen. Ada’ polaang kalenin jalu isembaan dari amas atau basi yang isitaken dinen. Taantalinganin lo’ku’ kole’a iak lalo di’en i Yahuwe Alatala yang isembaan ikin.”
....................
9“Ati’enkin matam di umanin, mangapulungang mole’a, ada’ akaus ikatam ikin sampai mondok lo’a biringa. Ada’ bea ibaliki mala ambalina. 10Di kobon anggurenpi ada’ ibaliki, ada’ mala dato’a. Dinen arung irantang ikin itiang lo’a tau tio’ mamase’en, itiang lo’a tau suku bokan yang lalako’en antaranin dinen. Taantalinganin kole’a iak lalo di’en i Yahuwe yang manjarumen lo’in, Alatala yang isembaan ikin.
11“Ada’ mangaliten.
“Ada’ pako-akoon.
“Ada’ makalen sera lo’a seraan.
12“Ada’ mala asanku’ itiang pakarasang lo’a jarum panganung-nganungu. Dinen lalo yang pajau’en lo’a asanku’. Taantalinganin, iak lalo di’en i Yahuwe yang manjarumen lo’in, Alatala yang isembaan ikin.
13“Ada’ parugi lo’a kawannu atau marampas jaluna.
“Ada’ taanna gajina anak buanu, ada’ masanen mina’ poang to’ ibayara.
14“Ada’ mangutukiin lo’a tau babongen. Ada’ bea manjoloien lo’a tau bautaan mainto’ tatorona. Arungkin tio’ atakuten lo’ku’ Alatala yang isembaan ikin. Taantalinganin kole’a iak lalo di’en i Yahuwe yang manjarumen lo’in.
15“Ti’en andian pakara yang to’ iputusiin, ada’ iparabora. Ada’ mangamuroangen lo’a tau sala’en kapi tau masikinen, kapi tau maamen tio’a. Arung idurusi nanna baloloken.
16“Ada’ urait kalaut mawa jarum patuturiin. Ada’ mamola basa ai-aien yang pandeen manyuro’ bahaya lo’a tauen.
17“Ada’ mangalibakangen lo’a arakawannu ilalam atenu. Ati’en umpamana andian sala’, arung ijarumi terus-terang mainto’ daikin na’ankin tamba tadalit ilalam basa sala’a.
18“Ada’ bainginen to’ mamalas kasala’an tau. Ada’kin sitaro’an ate sera lo’a seraan. Balu’ai mangasaangka’ lo’a diri’ka’ arung awan dinen bea pangasaangka’ lo’a tauen. Taantalinganin kole’a iak lalo di’en i Yahuwe yang manjarumen lo’in.”
....................
31“Ada’ki’ manyari panamu lo’a balianen yang datamuun pasidua’ang kalena nanna sumangat tau mateen, iawa sijaruman. Kole’a ti’en ilola’ani ikin basa awan dinen, manyuro’ poang lo’in padari ajau’ di aroku’. Taan talinganin lo’ku’, kole’a iak lalo di’en i Yahuwe yang manjarumen, Alatala yang isembaan ikin.
32“Arungkin manyialo nanna maamen lo’a tau uwananen. Arung ipaduli ikin tau atoaan, na kenang ipadulina ikin Alatalanin. Taan talinganin kole’a iak lalo di’en i Yahuwe yang manjarumen.
33“Ati’en andian tau suku laanen yang lalako’en nannin di negerinin, ada’ iparinsa’ina ikin. Ada’ lola’anga jalu ajau’en lo’a. 34Tau suku bokanen yang lalako’en nannin arung ianggap sama awan tau barasalen dari nannin. Balu’ ai pangasaangin sama diri’in, arung awan dinen bea pangasaangin lo’a. Kole’a daikinpi ijoloon lalako’ di banua tau inang di negeri Mesir.
35“Panyukat yang ipakaien ikin ada’ ibeda-bedana. Ada’ akeke’en sapadua, baraa sapadua, arengan sapadua, aborat sapadua. Kapikin manyukat langkena raana, kapikin manimbang, kapikin mangulak, arung balolok samuana. 36Dasinnin arung balolok. Batu panimbangen arung balolok. Kulakin nanna literin arung balolok. Taantalinganin kole’a iak lalo di’en i Yahuwe yang manjarumen, Alatalanin yang mawaan lo’in minsaluanen lo’a negeri Mesir.
37“Arung iparandam ikin parintaku’. Arung ilola’ani ambata gulungan ukum adatku’ kole’a iak lalo di’en i Yahuwe yang manjarumen lo’in.”
Currently Selected:
Tutulan Karajana Imamen 19: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
