Di Mulakata 46

Baki’ Yakub paanak-anak paampu-ampu mamalin lo’a Mesir

1Jaji tarangkat lo’a dinen baki’ Israel nanna ambata gulungan jaluna. Lamba’ ira paanak-anak, paampu-ampu nanna ambata gulungan suro’anna mamalin lo’a Mesir. Jaji barik mondok lo’a Berseba, sengka’ bea inang mamola pamindarana lo’a Alatala yang dasembaan kole’a baki’ Isak, amana baki’ Yakub.

2Jaji malamen barik andian jalu paitang kalena lo’a baki’ Israel. Andian Alatala manjarum lo’a, “Yakub, O Yakub,” ingka kenang mangalonga.

“Indi’angak,” ingka kenang baki’ Yakub.

3“Iak lalo di’en Alatala yang dasembaan kole’a ama’ Isakjo. Ada’ko kalanggananen mamalin lo’a Mesir. Kole’a inang ona’ kanturunannu kupabayu’ padari banua baraa’en. 4Sarataak tambaan nannu lo’a Mesir. Kenang bea dinen ti’ko mamin inang, pastiko kuawa mole’ bua lo’a di’en. Ona’ di matenu, i Yusup manuntuaniin lo’a bangkayoannu,” ingka kenang Alatala lo’a manjaruma.

5Maminna dinen barik baki’ Yakub tarangkat dari Berseba. Daawa kole’a araanaka sarata araanakda’, arabainyeda’. Dauwatang kausa di garobaken dinen, garobak yang dapaawaangen kole’a Raja Mesir itiang paawaan lo’da’. 6Daawa kausa ambata inatangda’, ambata kamusan jalu dadua’angen inang di Kana’an, mamalin paanak-anak paampu-ampu lo’a Mesir. 7Jaji mantuariin yang daawaan lo’a Mesir kole’a baki’ Yakub, samuana ambata kanturunanna. Ambata anaka ampuna babaka babainyeen samuana daawa lo’a Mesir.

8Jaji yang tambaan lo’a Mesir, baki’ Yakub nanna ambata kanturunanna ia di’en. Yang mulakataan, baki’ Ruben anaka baki’ Yakub yang atoaan. 9Anaka baki’ Ruben ialalo i Henok, i Palu, i Hesron nanna i Karmi.

10Maminna dinen baki’ Simeon anaka baki’ Yakub. Anaka baki’ Simeon ilalo i Yemuel, i Yamin, i Ohad, i Yakin, i Sohar, i Saul. Baki’ Saul dinen anaka nanna babainye tau Kana’an.

11Maminna dinen baki’ Lewi. Anaka baki’ Lewi ialalo i Gerson, i Kehat, i Merari.

12Maminna dinen baki’ Yehuda. Anaka baki’ Yehuda ialalo i Sela, i Peres, i Serah. Andian bapi anaka yang mateenjo inang di Kana’an, i Er nanna i Onan. Anaka baki’ Peres dinen ialalo i Hesron nanna i Hemul.

13Maminna dinen baki’ Isakar. Anaka baki’ Isakar ialalo i Tola, i Pua, i Ayub, i Simron.

14Maminna dinen baki’ Sebulon. Anaka baki’ Sebulon ialalo i Sered, i Elon, i Yahleel.

15Samuana anamen dinen anaka baki’ Yakub nanna piang Lea, daparanakangen inang di Mesopotamia. Andian bapi anaka sera, babainyeen. I Dina asanna. Jaji ambata anaka nanna ampuna nanna piang Lea, samuana tiga pulo’ tiga bayu’a.

16Maminna dinen baki’ Gad. Anaka baki’ Gad ialalo i Sipon, i Hagi, i Suni, i Esibon, i Eri, i Arodi nanna i Areli.

17Maminna dinen baki’ Aser. Anaka baki’ Aser ialalo i Yimna, i Yiswa, i Beria. Andian bea anaka babainyeen, i Serah asanna. Andian anaka i Beria ialalo i Heber, i Malkiel.

18Samuana anam belasen dinen de’i kanturunanna baki’ Yakub nanna piang Silpa. Piang Silpa dinen pangkama piang Lea yang dameangen kole’a baki’ Laban lo’a piang Lea.

19Maminna dinen anaka baki’ Yakub nanna piang Rahel, i Yusup nanna i Benyamin. 20Andian anaka baki’ Yusup dinen inang di Mesir anaka nanna piang Asnat. Piang Asnat ialalo dinen anaka i Potipera di banua On. Anaka baki’ Yusup ialalo dinen i Manase nanna i Epraim.

21Andian anaka baki’ Benyamin, i Bela, i Beker, i Asibel, i Gera, i Naaman, i Ehi, i Ros, i Mupim, i Hupim, i Ared.

22Samuana dinen de’i kanturunanna baki’ Yakub nanna piang Rahel, andian ampat belas samuana.

23Maminna dinen baki’ Dan. Andian anaka baki’ Dan ialalo i Husim.

24Maminna dinen baki’ Naptali. Andian anaka baki’ Naptali, i Yaseel, i Guni, i Yeser, i Silem.

25Samuana tujuun dinen de’i kanturunanna baki’ Yakub nanna piang Bilha. Piang Bilha ialalo dinen pangkama piang Rahel yang dameangen lo’a kole’a baki’ Laban.

26Jaji barik ambata gulungan tau tambaan dinen nanna baki’ Yakub mondoken lo’a Mesir dinen, andian anam pulo’ anam samuana. Na’an tamasok arabainyena araanaka. 27Anaka baki’ Yusup yang maminen iparanakangen inang dua. Jaji barik samuana dinen paraampuna baki’ Yakub tuju pulo’ mantuariin mamalinen lo’a Mesir.

28Jaji barik ira dinen de’i, to mondok lo’a Mesir, baki’ Yehuda dasuro’ tajolo lo’a baki’ Yusup mainto’ datamuna dalanna lo’aan daerah Gosen. Maminna barik datamu dalanen baru’ ira lamba’ lo’a Gosen. 29Mondok di Gosen rabarik baru’ dinen baki’ Yusup manjarum lo’a suro’anna, dasuro’ kamasang kalena kandara’anna. Laloang lamba’ pasidua’ang kalena nanna amana inang di Gosen. Sidua’ barik nanna amana dinen, dadakap amana, danangisi. Balaun jaji anangisa.

30Jaji barik manjarum baki’ Israel dinen, “Na di’ maminki’ sidua’ anake,” ingka kenang. “Mateak la’a rabarik yang maminenki’ sidua’. Kutamuna tio’u,” ingka kenang jaruma baki’ Israel lo’a baki’ Yusup.

31Maminna dinen manjarum baki’ Yusup lo’a arakakana, lo’a arina, lo’a ambata arasairunna, “Tajoloak lo’a raja Mesir. To’ kujarumang mondokin. Jaji ti’enak mamin mondok lo’a ona’, kenang manjarumku’ lo’a, Mamin mondok ama’ku’, mondok sairunku’ yang lalako’enjo di Kana’an. 32Jaji ira dinen samuana karaja manuntuani inatang. Daawa ambata gulungan dombana, gulungan kambinga, gulungan sapina nanna ambata kamamasana,” uka’ kenang ona’ lo’a rajaan. 33Jaji barik daparajari dinen ira, “Ti’enak mamin mondok lo’a rajaan, ti’enkin dakalong, ti’ ingka, Ai karajanin? ingka kenang. 34Karajanam manuntuani ambata sapi dombakam. Dinen lalo karajanam dari keke’am mondok di baraanam tarangkat dari nanna arabakinam memen, ikin kenang lo’a, mainto’kin dapat dinen lalako’ di Gosen. Kole’a tau panuntuani inatangen dinen lalo yang manyuro’ ka’ garing-garingan urang Mesiren,” ingka kenang baki’ Yusup lo’da’.

Currently Selected:

Di Mulakata 46: EBE

Highlight

Copy

Compare