Di Mulakata 36

Di’en tutulanna kanturunanna baki’ Esau

1Baki’ Esau dinen, ia bea yang daasanen i Edom. Jaji tutulanna ambata kanturunanna baki’ Esau kenang. 2Baki’ Esau arainye lo’a tau banua Kana’an. Yang seraan i Ada anaka i Elon urang Het. Yang kaduaan, i Oholibama anaka i Ana, ampuna i Sibeon urang Hewi. 3Andian bapi yang kataluun, i Basmat anaka baki’ Ismael, arina Nebayot.

4Jaji anaka piang Ada nanna baki’ Esau, i Elipas. Anaka piang Basmat, i Rehuel. 5Anaka piang Oholibama, i Yeus, i Yaelam nanna i Korah. Samuana dinen anaka babakaan yang daparanakangen di Kana’an.

6-7Jaji barik baki’ Esau marantang dinen lo’a baki’ Yakub. Kole’a tana’ yang dakosaniin dinen na’an lagi’ sumana. Kole’a bayu’ to kamaamanda’ duaan. Kosan bea kaananna gulungan inatangda’. Jaji daawa gulungan ambata bainyena, anaka, ambata gulungan mantuariin nanna inatanga. Ambata gulungan kakaya’anna yang dakule’en inang di Kana’an akaus daawa. Daawa mamalin lo’a negeri bajao’en lo’a kosanna arina. 8Jaji baki’ Esau lalako’ di gulungan ukiten di daerah Seir. Andian bapi asanna baki’ Esau dinen, i Edom asanna.

9Jaji tutulanna urang Edom dinen yang tau lalako’en di gulungan ukiten di daerah Seir, kanturunanna baki’ Esau dinen, kenang. 10-13Jaji anaka baki’ Esau dinen, anaka nanna piang Ada, i Elipas asanna. Andian barik lima anaka baki’ Elipas dinen, i Teman, i Omar, i Sepo, i Gaetam nanna i Kenas. Andian bapi babainye malola’en lo’a baki’ Elipas, i Timna asanna. Jaji andian anaka nanna piang Timna dinen, i Amalek asanna.

Andian anaka baki’ Esau nanna piang Basmat dinen, i Rehuel. Baki’ Rehuel barik andian anaka ampat, i Nahat, i Serah, i Sama, nanna i Misa.

14Andian anaka baki’ Esau nanna piang Oholibama anaka i Ana, i Yeus, i Yaelam, i Korah. Piang Oholibama dinen anaka i Ana, ampuna i Sibeon.

15Jaji ambata tau atoaan antarana gulungan anaka baki’ Esau kenang. Dari anaka baki’ Esau yang atoaan, baki’ Elipas andian anaka yang dapakaien, i Teman, i Omar, i Sepo, i Kenas. 16Andian bea i Korah, i Gaetam, i Amalek. Samuana ira dinen kanturunan dari nanna baki’ Esau nanna piang Ada yang dapakaien di Edom.

17Andian bapi tau atoaan dari anaka baki’ Esau, baki’ Rehuel asanna. Anaka i Rehuel yang dapakaien, i Nahat, i Serah, i Sama, i Misa. Samuana dinen kanturunan dari nanna baki’ Esau nanna piang Basmat yang dapakaien di Edom.

18Andian bapi tau atoaan dari anaka baki’ Esau nanna piang Oholibama, ialalo i Yeus, i Yaelam, i Korah. Dinen samuana kanturunan dari nanna piang Oholibama anaka i Ana. 19Jaji kenang gulungan anaka baki’ Esau yang tau dapakaien.

20-21Jaji indi’angen barik tutulanna ambata kanturunanna i Seir urang Hori yang panduduk asli inang. Asanna dinen i Lotan, i Sobal, i Sibeon, i Ana, i Dison, i Eser, i Disan. Dinen samuana urang Hori yang padariin tau atoaan.

22Jaji gulungan anaka i Lotan ialalo i Hori nanna i Heman. Andian arina i Lotan babainyeen, i Timna asanna.

23Jaji anaka i Sobal, i Alwan, i Manahat, i Ebal, i Sepo, i Onam.

24Anaka i Sibeon de’i, i Aya nanna i Ana. I Ana ialalo dinen mandua’angen mata danum yang danuma dinen aduruk. Dadua’ang di kosan ateengen nanga dauluanga ambata kaledaina amana.

25Anaka i Ana, ialalo i Dison nanna arina babainyeen, i Oholibama asanna. 26Rabarik anaka i Dison, i Hemdan, i Esiban, i Yitran, i Keran.

27Maminna dinen anaka i Eser ialalo i Bilhan, i Saawan, i Akan.

28Anaka i Disan, ialalo i Us nanna i Aran.

29-30Jaji kanturunan urang Hori dinen yang tau atoaan, ialalo i Lotan, i Sobal, i Sibeon, i Ana, i Dison, i Eser nanna i Disan. Ialalo ambata tau dapakaien antarana urang Hori di negeri Seir.

Tutulanna ambata raja Edom

31Jaji kenang ambata rajaan yang mangkamen di negeri Edom nampina andian rajana urang Israelen.

32Yang seraan, Raja Bela anaka i Beor yang mangkamen inang, tau barasal banua Dinhaba.

33Mate barik Raja Bela, yang manyurangen lo’a, i Yobab anaka i Serah dari banua Bosra.

34Mate barik Raja Yobab, yang manyurangen lo’a, i Husam dari daerah Teman.

35Mate barik Raja Husam, yang manyurangen lo’a, i Hadad anaka i Bedad dari banua Awet. Ialalo malawanen lo’a i Midian, manalo inang di daerah Moap.

36Mate barik Raja Hadad, yang manyurangen lo’a, i Samla dari banua Masreka.

37Mate barik Raja Samla, yang manyurangen lo’a, i Saul dari banua Rehobot, yang di biring sungeen.

38Mate barik Raja Saul, yang manyurangen lo’a, i Baal-Hanan anaka i Akbor.

39Mate barik Raja Baal-Hanan, yang manyurangen lo’a i Hadar dari banua Pahu. Bainyena i Hadar, i Mehetabul, anaka i Matred, ampuna i Mesahab.

40Indi’angen barik asanna ambata kanturunanna baki’ Esau yang padariin tau atoaan. Isatat malola’ani kanturunanna nanna kosan lalako’anna. Andian i Timna, i Alwa, i Yetet, 41i Oholibama, I Ela, i Pinon, 42i Kenas, i Teman, i Mibsar, 43i Magdiel, nanna i Iram. Ialalo dinen ambata tau dapakaien di Edom atau Esau malola’ani kosan lalako’anda’ dinen.

Currently Selected:

Di Mulakata 36: EBE

Highlight

Copy

Compare