ESODƆS 38
38
Babla Ofiɛ Asaaɔta Oleɔta Akyikye
1Baayɔ akesia kowoso baabla ofiɛ asaaɔta oleɔta akyikye, lɛtaka lɛnya labla nkpaa nna-anɛɛkpa-akuɔ. Asi nwu ana labla kyɛkyɛ. Lɛkaana nkpaa nkuɛnsĩ-anɛɛkpa-akuɔ, lɛblɛfɛ kafɔɔ nkpaa nkuɛnsĩ-anɛɛkpa-akuɔ. 2Baabla lɛkya baatika di akɔ ana nwu dibiala suoto. Nioso kowoso kunwii suoto baawola akya nwu ku oleɔta akyikye kowoso nwu baadiki. Baayɔ lɛbɔɔsaa batĩi oleɔta akyikye nwu. 3Abɔɔsaa baayɔ baabla akpɛnsaa lɛnya amuu, abukii, basoofi ku babɛɛsi ku sina amunikĩisaa ku ɔtɔ akpetesaa. 4Baabla lɛbɔɔsaa baakaasa di oleɔta akyikye nwu nkpo suoto diadie ni kaalɔ dialaase nintɛɛ. 5Baabla abɔɔsaa nkɔnii baatika di akɔ nwu ana suoto diamufũ sewoso nwu siaklee. 6Bawola akesia sewoso, baayɔ lɛbɔɔsaa batĩi sĩ. 7Baayɔ sewoso nwu nkpo baakpee di nkɔnii nwu kamɛ, siasiɛ di oleɔta akyikye nwu nkpo kakyɛ ka ku kakyɛ ka, baatɔɔkɛnkɛ nya nii. Ntaaboo baayɔ baawola, otuu late kaamɛ.
Baabla Abɔɔsaa Ɔsɛfɛ
8Baabla abɔɔsaa ɔsɛfɛ nwu ku abɔɔsaa lɛsɔse ninwu. Basanko ba niatɔɔbla ni ɔkpɛ di Lɛkpaayo le Mansi ni kayoko awɛwɛ baayɔ baabla nwu.
Kaflɔnkɔ Nwu Nkpo Otofo
9Nni kamaa baabla kaflɔnkɔ nwu nkpo. Kala lɛkyɛ lɛkaana labla nkpaa kɔlafa afosi anɔɔ, baayɔ abula fututu fɛnɛnɛɛ baasaka, 10ku akpaka afosi anyɔ ku abɔɔsaa asɔse afosi anyɔ, ku koto fututu amufũsaa ku aniisaa di akpaka nwu suoto. 11Katoo lɛkyɛ kafɔɔ lɛkaana labla nkpaa kɔlafa afosi anɔɔ ku akpaka afosi anyɔ ku abɔɔsaa asɔse afosi, ku koto fututu amufũsaa ku nkɔnii di akpaka nwu suoto.
12Di kufĩ kamɛɛkɔ, dibula nwu kanɛ labla nkpaa afosi akuɛnsĩ, baabla akpaka lefosi ku asɔse lefosi ku koto fututu amufuũsaa ku aniisaa di sewoso nwu suoto. 13Di kufĩ katunkɔ kafɔɔ, diabla nkpaa afosi akuɛnsĩ nkpaa nnɔɔ. 14Abula kanɛ labla nkpaa afosi anyɔ nkpaa nnyɔ anɛɛkpa akuɔ di kakyɛ kanwii di kayokontũ, akpaka atiɛ ku asɔse atiɛ lawɛ nya. 15Nkpo kafɔɔ di kakyɛ nyɔɔfa abula kanɛ labla nkpaa afosi anyɔ nkpaa nnyɔ anɛɛkpa akuɔ di kɔba kaflɔnkɔ nwu kayokontũ nɛ, akpaka atiɛ ku asɔse atiɛ lawɛ nya. 16Abula ya amuu niasaka aakyi ni kaflɔnkɔ nwu labla fututu fɛnɛnɛɛ baaloso nii. 17Akpaka nwu asɔse lale abɔɔsaa. Amufũsaa ku aniisaa di akpaka nwu lale koto fututu, baayɔ koto fututu baatĩi nya nsintɛɛ; nioso akpaka nwu amuu di kaflɔnkɔ nwu lawɛ koto fututu aniisaa.
18Abula nwu di kaflɔkɔ nwu kayoko labla bluu, n-ya niɛbla ni fɛ ɔsɛɛ ku asɛɛle bɔmbɔ ku abiene fɛnɛnɛɛ losole di saalosotɛ laloso nii. Kanɛ labla nkpaa afosi atiɛ, lɛtaka kafɔɔ nkpaa-nkuɛnsĩ-anɛɛkpa-akuɔ fɛ abula ya di kaflɔnkɔ nwu, 19ku akpaka ana ku abɔɔsaa asɔse ana. Amufũsaa ku aniisaa lɛnya, koto fututu baayɔ baabla nya, baatĩi nsintɛɛ lɛnya kafɔɔ ku koto fututu. 20Lɛkpaayo nwu abula ayee amuu ku n-ya niɛmana kaflɔnkɔ nwu eekyi nii, abɔɔsaa baayɔ baabla nya.
Asaa Ya Baablako Ni Lɛkpaayo Nwu Ɔkpɛ Nkuntaa
21Nnya asaa ya baablako ni ɔkpɛ nkuntaa di lɛkpaayo nwu nkpo suoto, kanya ninii Lɛkpaayo nwu, di Mose lata kufuofa basuɔtɔ bawo di Lewi leyo kamɛ alɛ baka asaa ya baablako ni ɔkpɛ, baakpana nya batɛ. Aron oletatɛ obisuɔtɔbi Itamar niayila kaanya baakpana asaa nwu. 22(Besalel wɔ ninle ni Uri obisuɔtɔbi ale ni Hur ɔwa, aakye ni Yuda leyo kamɛ, niabla lɛsaa biala di SAATE nwu lata ni Mose kufiofa. 23Kyakaakotɛ nɔɔ niale Ahisamak obisuɔtɔbi Oholiab wɔ niakye ni Dan leyo kamɛ, aye mmle okle manwola asaa mandiki ni di asaa suoto. An-yɔ oleteku bluu ku nwɔ niɛbla ni fɛ ɔsɛɛ ku oleteku sɛɛle bɔmbɔ ku sibiene ɔfɛnɛnɛɛ anloso abula.) 24Koto sɛɛle ko kumuu di asaaɔta ɔtakatɛsa ɔkyɔɔ baablako ni ɔkpɛ di Lɛkpaayo nwu suoto lɛpɔ labla bakilo kakpe di mmle okle manklapoosa ni asaa di lɛklapoosaa lɛma kanya.
25Koto fututu ko kumuu di batii nwu lata ni baaka ni lɛpɔ labla bakiloo nkpe ntiɛ alafa ana. Di mmle okle manklapoosa ni asaa di lɛklapoosaa lɛma kanya. 26Baaka ni basuɔtɔ ba bamuu niafũ ni alɛɛ afosi-anyɔ, lɛpɔ labla basuɔtɔ nkpe alafa-akuɔ nkpe ntiɛ, alafa-anɔɔ-afosi-anɔɔ. Obiala lɛma lata koto ko baatika nii. 27Baayɔ koto fututu nkpe ntiɛ-alafa-ana baamufũ akpaka nwu ku Lɛkpaayo nwu abula, baabla asɔse kɔlafa, lɛsɔse biala baayɔ koto fututu bakiloo afosi atiɛ bakilo bana baabla. 28Baayɔ koto fututu bakiloo afosi atiɛ bule baabla amufũsaa baata akpaka nwu, baatĩi nsintɛɛ nɔɔ, baabla kafɔɔ aniisaa lɛnya.
29Abɔɔsaa asaaɔta ɔtakatɛsa ɔkyɔɔ wɔ di batii nwu lata nii kafɔɔ lawo bakiloo nkpe nnyɔ-alafa-ana bakiloo afosi-anyɔ-banɔɔ. 30Baayɔ nya baabla Lɛkpaayo le mansi ni kayoko asɔse ku abɔɔsaa oleɔta akyikye nwu ku abɔɔsaa ya baasana ni ku akpɛnsaa nɔɔ amuu. 31Baayɔ abɔɔsaa nwu baabla akpaka ya baase baakyisa ni kaflɔnkɔ nwu asɔse ku kaflɔnkɔ nwu kayoko asɔse ku Lɛkpaayo nwu ayee amuu ku abula nwu niamana kaflɔnkɔ nwu aakyi nii.
Currently Selected:
ESODƆS 38: SNW
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation
