Nyut a Lakana 4
4
Pako Obaŋa i polo
1Icennere ka man otum, an dok aneno doggola moro i polo ame tye twolo. Eka dwon me agege ame rik awinyo, kun kobo keda bala apel, te kobba ni, “Yitto malo kan, me anyutti gin a bino timere i ŋe man,” 2#Ejek. 1.26-28; 10.1Cucuttono Cuny Acil oyuto tamma oko, ate neno kom me loc ame ocibo i polo, kun ŋattoro obedo iye. 3Ŋat ame obedo iye-naca lilia, bala jacipa kede kamelio, kun etaloka a calli emeradi omano kom loccere. 4Eka kome me loc ocele pyeraryo wie aŋwen te guro kom loccaca, kun odoŋe pyeraryo wie aŋwen obedo i wigi, ame orukere i boŋŋi atar, kede tok jabu me kwogo tye i wigi. 5#Yaa 19.16; Nyut 8.5; 11.19; 16.18; Ejek. 1.13; Nyut 1.4; Jek. 4.2Doŋ i kom me loccaca ya iye gin a memenya bala kot, dok dwon winyere iye, kede mwomwoca bala me kot. I nyim kom loc, mac rao abiro tye alyel iye, ame gin cuny Obaŋa abiro. 6#Ejek. 1.22; 1.5-10; 10.14Eka dok i nyim kom loccono onwoŋo tye iye gin ame nen bala nam me araŋ acil bala gweŋe amimila.
Dok leyi aŋwen akwo, a waŋgi omoo atata tuŋ nyimgi kede tuŋ ŋegi ocuŋ omano kom loc i ŋete tuŋŋi i tuŋŋi. 7Lee akwo me agege calli eŋatu, lee akwo me aryo mere calli twon, lee akwo me adekkere nyime calli i me dano, eka lee akwo me aŋwennere cal i cur a twarre. 8#Ejek. 1.18; 10.12; Ica. 6.2-3Leyi aŋwen akwo-ni, acel acel i akinagi tye kede bwome abicel abicel, waŋgi omoo ata ta, omano komgi luŋ i oko kede i yie. Icen kede iwor gin mom oweko wer ni,
“Rwot Obaŋa Won Twer Ducu cil, cil dok cil,
en ame yam tye con, ame tye, dok bino bio!”
9Kare ducu ame leyi akwo-nu mio kwogo kede woro kede pwoc baŋ ŋat ame obedo i wi kom me loc ca, ame perakino wan i waŋ, 10odoŋe pyeraryo wie aŋwen oonyere piny i nyime, en ŋat obedo i wi kom loc, te woro ŋat ame perakino waŋ i waŋ, dok obolo tokgi me kwogo i nyim kom loc kun owero ni,
11“Rwotwa kede Obaŋawa,
yin i myero me nwoŋo kwogo kede woro kede teko,
pien yin en a rik iketo jami luŋ,
daŋ pi mitti en omio gin otye,
daŋ en omio rii oketegi.”
Currently Selected:
Nyut a Lakana 4: La79
Highlight
Copy
Compare
Share
Want to have your highlights saved across all your devices? Sign up or sign in
Lango New Testament © Bible Society of Uganda, 1979.
