Nyut a Lakana 3

Kwena balj jo me Caradic

1“Baŋ amalaika a lwak oye an ame tye i Caradic co ni mano:

“Man kop a ŋat ame tye i cuny Obaŋa abiro, kede acer abiro.

“‘An aŋeo ticci ducu; itye i nyin me bedo kwo, aco kono ito giri oko. 2Co oko, imok gin a pwod tye baŋi, ame doŋ mito to oko, dok atek; pien mom anwoŋo ticci moro ame icobo kakare i nyim Obaŋana. 3#Mat. 24.43-44; Luk. 12.39-40; Nyut 16.15Po koŋ i kom gin ame omii kede ame iwinyo; gwok ennono, dok iŋut. Ka ce ikwero co oko, abino bino bala akwo, kun mom iŋeo caa ame abino tuno kede i komi. 4Kadi bed amanno, pwod itye kede jo anonokkoro i Caradic, ame mom ru olilo rukgi. Gin bino wot karacel kede kun oruko ruk atar, pien gin oromo. 5#Yaa 32.32-33; Jab. 69.28; Nyut 20.12; Mat. 10.32; Luk. 12.8Ŋat ame oloo obino ruke kittono i ruk atar, dok daŋ mom abino weyo nyiŋe i buk me kwo. Abino tuco nyiŋe i nyim Pappa, kede i nyim omalaika mere. 6Ŋat a tye kede yit, myero owiny kop ame Cuny Acil okobo baŋ lwak oye an ducu.’

Kwena baŋ jo me Piladelpia

7 # Ica. 22.22; Yubu 12.14 “Ban amalaika a lwak oye an ame tye i Piladelpia co ni mano:

“Man kop a ŋat acil kede me ateni, ame tye kede agony a Daudi, ŋat ame ka oyabo, ŋattoro mom dok bino cego, dok ka ocego, ŋattoro mom dok bino yabo.

8“An aŋeo ticci ducu. Nen, doŋ aketo i nyimi doggola ame oyabo, ame ŋattoro mom twero cego. Aŋeo ni tekoni nok, ento kadi amanno, ityeko mako koppa, dok pe ru ikwero nyiŋa. 9#Ica. 49.23; 60.14; 43.4Nen ba, abino miyo jo me eryoŋet a Catan ame miye ni gin Ojudaya, aco kun nono, pien gin ogoba, nen, abino miyogi bino ryebere piny i te tyeni, me gin oniaŋ ni an kara amari. 10Pien yin imako koppa me diyo cuny, an daŋ abino gwoki oreme i kare me omo yic ame abino i wi podo luŋ, me temo jo ame bedo i wi lobo. 11Abino oyotoyot. Lid atek gin ame itye kede, me ŋattoro kur ma tok kwogoni oko. 12#Nyut 21.2; Ica. 62.2; 65.15Ŋat ame oloo, abino miyo doko pagi i ot Obaŋana, daŋ mom dok bino ya iye. Abino coyo i kome nyiŋ Obaŋana, kede nyiŋ boma Obaŋana, en Jerucalem anyen ame bino piny ya i polo i baŋ Obaŋana kede dok nyiŋa anyen an ikoma. 13Ŋat a tye kede yit, myero owiny kop ame Cuny Acil okobo baŋ lwak oye an ducu.

Kwena baŋ jo me Laodikia

14 # Caro. 8.22 “Baŋ amalaika a lwak oye an ame tye i Laodikia co ni mano:

“Man kop oya i baŋ Amen, ame en acaden ame genne kede me ateni, gin ducu ame Obaŋa oketo ogeye i kome.

15“ ‘An aŋeo ticci ducu. Yin mom iŋic, mom daŋ ilyet gire. Onwoŋo twero bedo ber kono iŋic onyo ilyet. 16Pi bedoni amomor, kun mom ilyet, mom iŋic daŋ, abino ŋuli gira oko i doga. 17Yin ikobo ni, “An gira a won abar, an doŋ alony oko, mom doŋ tye ginnoro ame amito.” Aco kono mom iŋeo ni yin ŋat ame piny oloo, icono jo, yin acan, waŋi oto, ibedo onoro. 18Pi mano amii ryeko me wilo i baŋa jabu acil ame olio i mac, me ite doko alonyo. Wil daŋ i baŋa boŋŋi atar me arukani me wumo lewic me bedoni onoro kur nen, kede dok yattoro me awira i waŋi, me inen piny. 19#Caro. 3.12; Eb. 12.6An gira agoo jo ame amaro, apwonyogi; myero doŋ iket teko, iŋut oko. 20Nen, acuŋ i dogolla kun atwomo. Ka ce ŋattoro owinyo dwona, eka te yabo doggola, abino katto baŋe, eka ate cem kede kun en daŋ camo keda. 21Ŋat ame oloo, abino miyo en bedo karacel kade i kom me locca, kite acalo an rik aloo, eka ate bedo wan i Pappa i kom me loccere. 22Ŋat ame tye kede yit, myero owiny kop ame Cuny Acil okobo baŋ lwak oye an ducu.’ ”

Currently Selected:

Nyut a Lakana 3: La79

Highlight

Copy

Compare