مَرقُس 15
15
محاکمَه دِ حضور پیلاتُس
1دَم صُو فِورن سران کاهنا واردِ مشایخ وُ معلما تورات وُ تمام اَعضای شورا یهود نِشِسِن وِ مشورت وُ عیسانِه کَت بَسَه بُردِن وُ تحویل پیلاتُس دان. 2پیلاتُس ازِش پُرسی: «تُو پادشاءِ یهودی؟» عیسی جُواو دا: «تو ایجور گُفتی!» 3سران کاهنا تهمتای زیادی وِش مِزان. 4پیلاتُس هَنی ازِش پُرسی: «هوچ جُوآوی نَری؟ سِیل کُ چَنی وِت بُهتان مِزِنن!» 5امّا عیسی دیَه هوچ جُوآوی نَدا جوری که پیلاتُس تعجب کِرد.
6رسمِ پیلاتُس ایی بی که دِ دَمِ عید، یِه زندانی نِه وِ خواسِ مردِم آزاد کُنَه. 7دِ بین یاغیی آیی که وِ جُرمِ قتل دِ یِه آشوب، اِفتیَ ویِن زندان مردی وِ اسم بارْاباس بی. 8مَردِم آمان وَرِ پیلاتُس وُ درخواست کِردِن رَسمِ همیشِگیشِ وِرَشو وِجا بیارَه. 9پیلاتُس اَزِشو پُرسی: «ماخایید پادشا یهودنِه وِرَتو آزاد کُنِم؟» 10اینِنِ گُفت وِرِ ایکه مینِس سران کاهنا عیسانِه اَ رو حسودی وِش تسلیم کِردَن. 11امّا سران کاهنا جمعیت نِه تحریک کِردِن تا اَ پیلاتُس بَخوان وِ جا عیسی، بارْاباسِ نِه وِرَشو آزاد کُنَه. 12اوسِه پیلاتُس یِه دفعه دیَر اَزِشو پُرسی: «وا ایی مرد که شما اون پادشا یهود مینید چی کُنِم؟» 13یِه دفعهَ دیَر حَوار کِردَن که: «َمصلوبِش کُ!» 14پیلاتُس اَزِشو پُرسی: «چُنَ؟ چه گنایی کِردَه؟» امّا اونا بیشتَر حَوار کِردِن: «مصلوبِش کُ!» 15پَ پیلاتُس که ماخاس مرَدِمِ نِه راضیَ کُنه بارْاباسِ نِه وِرَشو آزاد کِرد وُ عیسانِه شَلاق زَا وُ فِرسا تا بَکَشَنِش وِ صلیبِ.
ریشخَن کِردِن عیسی
16او وخت سَروازا عیسانِه بُردِن وِ صَحنِ کاخ، یعنی مَقَّر والی، وُ تمام گُردانِ سَروازانِه هَم هِنا کِردَن. 17اوسِه رَدای ارغوانی کِردَن وَرش وُ تاجی اَ خار بافتِن وُ هَشتِن سَرِش. 18وَ جِلُوش تعظیم کرِدِن وُ مِگُفتن: «دُرود وِ پادشا یهود!» 19وُ وا چُو مِکُفتن دِ سرِش وُ تُف مناختِن دِ روش دِ بِراوَرش زانو مِزان وُ تعظیم مِکِردن. 20بَعدِ ایکه مسخِرش کِردِن لواس ارغوانی نِه اَ وَرِش دِراوُردِنُ، لِواسِ خُیِشِه کِردِن وَرِش. بَعد اونِه بُردِن دَر تا بَکَشَنِش وِ صلیب.
عیسی وِ رو صلیب
21اونا رَگُذری وِ اسم شَمعون اَ مردِم قیرَوانِ که بُواَ اسکندر وُ روفُس بی وُ اَ سَرِ زِمی میاما مجبور کِردِن تا صلیبِ عیسانِه بَلَ رو گُردَشُ بُورَ. 22پَ عیسانِه بُردِن وِ جایی وِ اسم جُلجُتا، که معنیش مِشَه محل جُمجُمَه. 23اوسِه وِش شِرآوِ قاطی کِردَه وِ مُر دان امّا عیسی قَوول نَکِرد. 24اوسِه کَشی یِنِش وِ صَلیب وُ لِواساشِ دِ مینِه خُیِشُو تقسیم کِردِن، وِرَ معلوم شیَن سهم هر کامیناشو پِشک اِناختِن.
25ساعت نُه صُو بی که اونِه کَشیِن وِ صلیب. 26رو تَخصیر نامَش نِوشتَه وین: «پادشاءِ یهود.» 27دُو یاغی نِه هم واش کَشیِن وِ صلیب، یکی دِ طرف راس وُ یکی دِ طرف چپ. 28[وِ ایی ترتیب او نوشتِۀ کِتُآوا مقدّس حَقیقَت پیا کِرد که مُوئَه: «او اَ خطاکارا وِ حساو آما.»] 29اونا که اَ اونچو رَد مِشوئِن سَراشونِ تَکُو مِدانُ وا بد و بیرا وُ ناسِزا مِگُفتِن: «ای...تُو که ماخاسی معبدِنِ خِراو کُنی و سه روزَ اونِ هَنی بَسازی، 30خُیِتِه نجات بَ وُ اَ صلیب بیا دامو!» 31سران کاهنا وُ معلما تورات هَم دِ بین خُیِشُو مسخِرش مِکِردن وُ مِگُفتن: «باقی نِه نجات دا امّا خُیِشِه نِمِتُونه نجات بَیهَ! 32ایسه بَلید مسیحِ موعود، پادشا اسرائیل، اَ صلیب بیا دامو تا بُویینیمِش وُ وِش اِیمان بیاریم.» او دُو نَفرَم که وا او مَصلوب شیَ ویِن وِش بد وُ بیرا مِگفتن.
مُردِنِ عیسی
33اَ ساعت دُوازَ ظُر تا سِه بَعَظُر، ظُلَماتی تمام اوسَرزِمی نِه گرفت دِ وَر. 34دِ ساعتِه سِه بَعظهُر، عیسی وا صدا بُلَن فریاد کَشی: «ایلوئی، ایلوئی، لَمّا سَبَقْتَنی؟» یعنی «خدای مَه خدای مَه چُنَ مَنِه رَها کِردی؟» 35عده ای اَ اونا که اُونچو بیئِن هَمی که اینِنِ شِنُفتِن گُفتِن: «گوش کنید ایلیای نبی نِه هِنا مُکُنَه.» 36پَ شخصی دُوئِس جلو وُ اسفنجی اَ شِراو تُرشِسَه پر کِرد وُ وِ سَرِه چُویی هَشتُ بُرد نَزیک دونِ عیسی تا بَنوشَه وُ گُفت: «بَلید بُویینِم ایلیا میا اونِ اَ صلیب بیارَه دامو؟» 37پَ عیسی وا صدا بُلن نَفَسِ آخِرِ کَشی. 38اوسِه پردۀ معبد اَ بالا تا دامو دُو تیکهَ شُد. 39هَمی که فرمانده سَروازا که دِ بِراوَر عیسی وایسیَ وی دیی که او چطُور جُو دا،گفت: «وِراسی ایی مرد پسر خدا بی.»
40عده ای اَ زَنا اَ دور سِیل مِکِردن. دِ مینِه اونا مریمِ مَجْدَلیّه، مریم نِنِۀ یعقوب کوچوک وُ یوشا، وُ سالومَه هم بییِن. 41ایی زَنا وَختی عیسی دِ جلیل بی، مُریدِش بییِن وُ وِش خدمت مِکردِن خیلی اَ زَنا دیَریَم که وآردِش وِ اورشلیم آمیَ وین اونچو بییِن.
دَفن عیسی
42او روز ، روزِ «آمادَه کِردِن»، یعنی روزِ قبلِ شَبّات بی. پَ دَم اِیوارَه 43یوسف نامی اَ مردِم رامَه، که عُضو محترمی دِ شورا یهود وُ چِش وِ را پادشایی خدا بی، جُرَت کِرد وُ رَفت وَرِ پیلاتُس وُ جِنازَ عیسانِه خواس. 44پیلاتُس که باور نمِکرِد عیسی وِ ایی زویی مُردَ با فرماندَ سَروازاِن هِنا کِرد تا بُویینَه عیسی جُو دیَه یا نَه. 45هَمی که ازِش شِنُفت که ایجورَ جِنازَ عیسانِه دا وِ یوسف. 46یوسف هَم پارچه ای اَ کتُون خَریی وُ جِنازَ نِه اَ صلیب اُوُرد دامونُ پیچُنش دِ مینِه او پارچَه کَتُون وُ هَشتِش دِ مَقوِره ای که اَ سنگ تِراشِسَ شیَ وی. بَعد سنگ قِویینی قِل دا در مَقوِرَه. 47مریمِ مَجْدَلیّه وُ مریم، نِنَه یوشا، دییِن که عیسانِه کُجا هَشتَ.
Currently Selected:
مَرقُس 15: NLBB
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company
