انجیل یوحنا 21
21
آشکار شییَن عیسی وِ هَف تا اَ شایِردا
1بَعدِ ایی اِتفاقا عیسی یِه دَفَعه دیَر خُیِشِه دِ لُوِ دریاچۀ تیبریَه وِ شایِردا نِشُو دا. او ایجور دیار شد: 2یِه رو شَمعون پِطرُس، توما معروف وِ لِفونَه نَتَنائیل اَ اَهالی قانای جلیل، پسرا زِبدی وُ دوتا شایِردِ دیَر وا هم بییِن. 3شَمعون پِطرُس وِشو گُفت: «مَه مِرِم وِ صید ماییی.» اونا گُفتِن: «اِیمانَم وا تو میاییم.» رفتِن دَر وُ سُوآرِ قایقِ شوئِن. امّا دِ او شُو چیی صید نَکِردِن. 4نَزیک صُو عیسی وایسیَ وی دِ لُو خُشکی،امّا شایِردا نَفَمسِن که عیسیَ. 5عیسی وِ اونا گُفت: «ای اولادا چیی وِرَ خُوردِن نَرید؟» جُواو دان: «نَه!» 6گُفت: «تورنِه وِ سمتِ راسِ قایقِ بَنازید که پیا مُکنید.» اونا ایجور کِردِن وُ اَ زیادی ماییی نَتونِسِن تورِنِه مین قایق بَکَشن. 7شایِردی که عیسی دُوسِش داشت، وِ پِطرُس گُفت: «خداوندَ!» شَمعونِ پِطرُس وَختی شِنُفت که خداوندَ، زو لِواسِشِه دُورِ خُیِش پیچُن وِرِ ایکه اونِ اَ وَرِش دِراوُردَ وی وُ خُیِشِه اِناخت مین دَریاچَه. 8امّا بقیه شایِردا وا قایق آمان دِ حالی که تورِ پر اَ مایینِه وا خُیِشُو مِکَشین،وِرِ ایکه فاصِلَشو وا ساحل نَزیکِ صد متر بی.
9هَمی که وِ ساحل رَسِسِن، دییِن آتِشی وا زِغال روشنَ وُ ماییی هَشتَ شیَ روشُ نُونَم هِسا. 10عیسی وِشو گُفت: «اَ او مایییا که اَلانَ گرِفتید بیارید.» 11شَمعونِ پِطرُس وِ مین قایقِ رَفت وُ تورنهِ کشی وِ ساحل . تورْ پر از مایییا قِوُیی بی، وِ تعداد صد و پنجاه وُ سه تا ماییی. وَ وا ای که شمارِ مایییا وِ ایی حد زیاد بی، تور نَدِرس. 12عیسی وِشو گُفت: «بیاید زیرقِیلو بَخورید.» هوچ کام اَ شایِردا جرأت نَکِرد اَ او بَپرسَه، «تو کی هِسی؟» وِرِ ایکه مینِسِن که خداوندَ. 13عیسی جِلو آما نُو نِه وُرداشتُ وِ اونا دا،هَمی جور ماییی نِه. 14ایی بار سوم بی که عیسی بَعدِ زِنَه شین اَ مُرداآ وِ شایِردا خُیِش آشکار مِشُد.
صحبَت کِردِنِ عیسی وا پِطرُس
15بَعدِ زیرقِیلو عیسی اَ شَمعونِ پِطرُس پُرسی: «ای شَمعون، پسر یونا، آیا بیشتَر اَ اینا مَنِه مُحَبَت مُکُنی»؟ او جُواو دا: «بله خداوند؛ تو مینی که دوسِت دارِم.» عیسی وِ او گُفت: «وِ بَره آی مَه خوراک بَ.» 16بار دوم عیسی اَ او پُرسی: «ای شَمعون، پسر یونا، آیا مَنه مُحَبَت مُکُنی؟» جُواو دا: «بله خداوند؛ مینی که دُوسِت دارِم.» عیسی گُفت: «گوسوَنای مَنه چُوپُونی کُ.» 17بار سِوم عیسی وِ او گُفت: «ای شَمعون، پسر یونا، آیا مَنه دوس داری؟» پِطرُس اَ ایکه عیسی سه دفعهَ اَ او پرسی، «آیا مَنه دوس داری؟» غُصَه دار شد وُ جُواو دا: «ای خداوند، تو همه چی نِه مِینی تو مِینی که دوسِت دارِم.» عیسی گُفت: «وِ گوسوَنای مَه رسیدِگی کُ. 18وِ راسی ، وِ تو مُوئِم، وَختی که جِوُوتر بییی کمر خُیِتِه موَستی وُ هر جا که ماخاسی مِرفتی امّا هَمی که پیر بَشی دساته وا مُکنی وُ یکی دیَر قَتِ موَنَه، وُ وِ جایی که نِماخایی مُورَنِت.» 19عیسی وا ایی حَرف اشارَه مِکِرد کِه پطرس باید وا چِجور مُردِنی خدانِه جَلال مِدا. اوسِه عیسی وِ او گُفت: «دُمِه مَه بیا.»
20پِطرُس وُریَشت وُ دیی او شایِردی که عیسی دُوسِش داشت دارَ دُمِه اُونا میا. او هَمونی بی که دِ وَخت شام وِ سینه عیسی تکیه زا وُ اَ او پُرسِی «آقا کیَه که تونِه تسلیم دُشمن مُکُنه؟» 21وَختی پِطرُس اون دیی، اَ عیسی پُرسی: «آقا اوسِه او چی مِشَه؟» 22عیسی وِش گُفت: «اَیَر بَخوام تا وُریشتِن مَه باقی بَمُونَه، وِ تُو چِه؟ تو دِ دُمِه مَه بیا!» 23بَعد، ایی چِوُ افتا دِ مینه برارا که او شایِرد نِمِمیرَ دِ صُورَتی که عیسی وِ پِطرُس نَگفت که او نِمِمیرَه بَلکه گُفت «اَیَر بَخوام تا وُریشتِن مَه باقی بَمُونَه، وِ تُو چه؟»
24ایی هَمو شایِردیَ که وِ ایی چیا شهادت مییَه وُ اینانِ نوشتَه. ایما مِینیم که شهادت او راسَ.
خاتمه
25عیسی کارای زیادِ دیَری هَم کِرد که اَیَر یک وِ یک نوشتَه مِشُد گُمو نِمِکُنِم که حتی تمام دنیا هَم وِرِ او نوشتهآ جا داشت.
Currently Selected:
انجیل یوحنا 21: NLBB
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company
