انجیل یوحنا 17
17
دعای عیسی
1بَعدِ ایی صُوَتا عیسی وِ آسِمو سِیلی کِرد وُ گُفت: «بواَ، او ساعت رَسِسَه. پسرتِه جَلال بَ تا پسرتَم تونِه جلال بَیهَ. 2وِرِ ایکه تُو اقتدارِ تمام بَشَرِ دیییَ وِ او تا وِ تمام اونایی که وِش عطا کِردی حیات ابدی بَیَه. 3وُ اینَ حیات ابدی که تونِه، تَنا خدایِ حقیقی، وَ عیسی مسیحِنِه که فِرسییِی بَشناسَن. 4مَه کارینِه که وِ مَه سِپُردی، وِ آخر رَسُنِم وَ وِ اییجور تونِه دِ رو زِمی جلال دام. 5پَ ایسه ای بواَ، تونَم مَنِه دِ حضور خُیِت جلال بَ همو جلالی که پیش اَ ایی که دنیا وِ وجود بیا دِ وَرِ تو داشتِم.
6مَه اسم تونِه وِ مَردُمی که دِ دُنیا وِ مَه بَخشی یِی آشکار کِردِم.اونا متعلق وِ تو بییِن وُ تو اونانِ وِ مَه بَخشییی وُ کلام تُونِه نیا داشتِن. 7ایسِه فَمِسِنَ که هر چی که وِ مَه بَخشییی وِ راسی اَ جانِوِ تُونَه. 8وِرِ ایکه کلامی نِه که وِ مَه سِپُردی وِ وُ اونا سِپُردِم، وُ اونا اونِه قَوول کِردن وُ مینِسِن که اَ طرف تو آمییَم وُ باور کِردن که تو مَنه فِرسییی. 9دعای مَه وِرِ اوناس،مَه نَه وِرِ دنیا بَلکه وِرِ اونایی دعا مُکُنِم که تو وِ مَه بَخشییی، وِرِ ایکه مُتِعَلِق وِ تونَن. 10هر چیی که متعلق وِ مَنهَ مال تُونَه وُ هر چیی که متعلق وِ تُونَه وِرِ مَنَه؛ وُ اَ اونا جلال پیا کِردِمَ. 11بیشتَر اَ ایی دِ دنیا نِمِمُونِم، امّا اونا هَنی دِ دنیا هِسِن مَه وَرِ تو میام. ای بُواِ قدّوس، اونان وِ قُدرَتِ اسم خُیِت که وِ مَه بَخشییِیی حفاظت کُ، تا یکی بان، هَمو جور که ایما یکی هِسیم. 12مَه اونان تا زِمانی که واشو بییِم، حفاظت کرِدِم، وَ اَ اونا وا قُدرَت اسم تو که وِ مَه بَخشییِی محافظت کِردِم. هوچ کامشو هَلاک نَوی، جز پسر هِلاکَت،تا نوشتۀ مقدّس انجام با . 13امّا ایسِه وَرِ تو میام، وَ ایی حَرفانِ زِمانی مُوئِم که هَنی دِ دنیا هِسِم، تا دِ شادی مَه لُوریزبان. 14مَه کلام تونِه دام وِشو، امّا دنیا اَزَشو نفرت داشت وِرِ ایکه متعلق وِ دنیا نیسِن، هَموجور که مَه متعلق وِ دنیا نیسِم. 15مَه نِماخام که اونانِ اَ ایی دنیا بُری، بَلکه ماخام اَ او شَریر حفاظَتِشو کُنی. 16اونا متعلق وِ ایی دنیا نیسِن،هَموجور که مَه متعلق وِ ایی دنیا نیسِم. 17اونان وَخف حقیقت کُ، کلام تو حقیقتَ. 18هَموجور که تو مَنِه وِ دنیا فِرسایی مَنِم اونانِ وِ دنیا فِرسیَم . 19مَه خُیِمهِ وِرِ خاطِرِ اونا وَخف مُکُنِم تا اونائَم وَخف حقیقت بَشَن.
20مَه فقط وِرِ اونا نِماخام، بَلکه هَمیجور وِرِ کِسایی ماخام که وِ واسطۀ کلام اونا وِ مَه ایمان میارَن، 21تا همَه یکی بان هَموجوری که تو ای بواَ دِ مَنی وُ مَه دِ تو. اوجور کُ که اونائَم اَ اِیما بان، تا دنیا باور کُنَه که تو مَنه فِرسایی. 22وُ مَه جلالی نِه که وِ مَه بَخشی یِی وِشو بَخشیم تا یکِی بان، هَموجور که اِیما یکی هِسیم . 23مَه دِ اونا وُ تُو دِ مَه. اوجور کُ که اونا هم کاملاً یکی بان تا دنیا بَنِسَوا که تو مَنه فِرسایی وُ اونانِ هَموجور دوس داشتی که مَنه دوس داشتی. 24ای بواَ، ماخام اونایی که وِ مَه بَخشییِی وا مَه بان، هَموجور که مَه هَسِم، تا جلالِ مَنه سیل کُنَن جلالی که تو وِ مَه بخشی یِی وِرِ ایکه قبلِ شروع دنیا مَنه دوس داشتی.
25ای بُواِ عادل، دنیا تونِه نِمِشناسَه امّا مَه تونِه مِشناسِم، وُ اینا فَمِسِنَ که تو مَنِه فِرسییی. 26مَه اسم تونِه وِ اونا شناسُنَم وُ مِشناسُنِم، تا محبتی که تو وِ مَه داشتی دِ اونائَم با و مَنِم دِ اُونا بام.»
Currently Selected:
انجیل یوحنا 17: NLBB
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company
