انجیل یوحنا 15
15
مَه درخت مُوِ حقیقیِم
1«مَه درختِ مِوُ حقیقیِم و بُواَم باغِوونَ. 2هر شاخهای اَ مَه که میوَه نیارهَ اونِه قطع مُکُنَه وُ هر شاخهای که میوَه بیارَه، اونِه هَرَس مُکُنهَ تا بیشتَر میوَه بَیَه. 3شما هَمی ایسه وِ خاطر کلامی که وِ شما گُفتِمَ پاکید. 4دِ مَه بَمُونید وُ مَنِم دِ شما مِمُونِم. هَموجور که شاخَه اَیَر وِ درخت مِوُ نَمُونَه نمِتُونَه اَ خُیِش میوَه بیَه شمانَم اَیَر دِ مَه نمُونید نمِتونید میوَه بیارید.
5مَه درخت مِوُ هِسِم وُ شمانَم شاخه آ اونید. کسی که دِ مَه مِمُونَه وُ مَه دِ او، میوۀ زیاد میارَ وِرِ ایکه جدا اَ مَه هوچی نمِتونید کُنید. 6اَیَر کِسی دِ مَه نَمُونَه، مِثِ شاخهایَ که مِنازَنِش دور وُ خُشک مِشَه. شاخه آی خُشک شییَنِه جَمع مُکُنَن وُ دِ آتِش مِنازنُ مِسوزُنَن. 7اَیَر دِ مَه بَمُونید وُ کلام مَه دِ شما بَمُونَه، هر چیی که ماخایید،بَخوایید که وِرَتو مِشهَ. 8جلالِ بواِ مَه دِ اینَ که شما میوۀ زیاد بیارید وُ ایی جور شایِردِ مَه مِشید.
9هَموجور که بواَ مَنِه دوس داشتَه، مَنِم شمانِ دوس داشتِمَ دِ محبت مَه بَمُونید. 10اَیَر دستورا مَنِه نیا دارید دِ محبتِ مَه مِمُونید؛ جوری که مَه دستورا بواِ خُیِمهِ نیا داشتِم وُ دِ محبت او مِمُونِم. 11ایی صُوَتانِ وِ شما گفتِم تا شادی مَه دِ شمانَم با، وُ شادی شما کامل با.
12دستور مَه اینَ که یِکدیَرِ محبت کنید هَموجور که مَه شمانِ محبت کرِدِمَ. 13محبتی بزرگتَر اَ ای وجود نَرَ که کِسی جُونِه خُیِشِه دِ را دوساش فَدا کُنَه. 14دوسا مَه شمانید اَیَر هَر چیئیکِه که وِ شما حکم مُکُنِم انجام بَئید 15دیَه شمانِه غُلام نمِخُونِم وِرِ ایکه غُلام اَ کارا اروابِش خَوَر نَرَ. بَلکه شمانِ دوسِ خُیِم مِخونِم وِرِ ایکه هَر چیی که اَ بواَ شِنُفتِم، شمانَم واخَوَر کِردِمَ. 16شما نَوییِید که مَنه انتخاب کردِید بَلکه مَه شمانِ انتخاب کِردِم وُ قرار دام تا بَرید وُ میوَه بیارید وُ میوۀ شما بَمونَه، تا هر چیی که اَ بواَ وِ اسم مَه بَخوایید وِ شما عطا کُنَه. 17دستور مَه وِ شما اینَ که یکدیَرِنَه مُحَبَت کنید.
نفرت دنیا اَ مُریدا عیسی
18اَیَر دنیا اَ شما نفرت دارَ، وِ یاد داشتَواید که قبلِ شما اَ مَه نفرت داشتَه. 19اَیَر متعلق وِ دنیا بیید دنیا کَسایِ خُیِشِ دوس مَشتا. اما وِرِ ایکه متعلق وِ دنیا نیسین، وِرِ ایکه مَه شمانِ دِ دنیا انتخاب کِردِم دنیا اَ شما نفرت دارَ. 20کلامی نِه که وِ شما گُفتِم وِ یاد داشتَواید: ”غُلام اَ اَروابِ خُیِش بزرگتَر نیسا.“ اَیَر مَنِه آزار دان شمانَم آزار مییَن وُ اَیَر کلام مَنه نیا داشتِن، کلام شمانَم نیا مَرَن. 21امّا تَمامِ اینانِ وِرِ خاطِرِ اسم مَه وا شما مُکُنَن وِرِ ایکه او که مَنِه فِرسیَ نِمِشناسَن. 22اَیَر نیامیَ ویم وُ وا اونا صُوَت نکِردَ وییم گنایی نَشتِن امّا ایسِه دیَه بونِه ایی وِرِ گناآشو نَرَن. 23کِسی که اَ مَه نفرت داشتَوا اَ بواَمَم نفرت دارَ. 24اَیَر دِ مینِشُ کارایی نَکِردَ وییم که جز مَه هوشکه نَکِردَ، گنایی نَشتِن امّا ایسِه وا ایکه او کارا نِه دییِنَ، هَم اَ مَه وَ هم اَ بُواَم نفرت دارَن. 25اییجور، کَلامی که دِ توراتِ خُیِشُو آمیَ وِ انجام مِرَسَه که: ”بی دلیل اَ مَه نِفرَت داشتِن.“
26امّا وَختی او یاوَر که اَ وَرِ بواَ وَرِ شما مِفِرسِم بیایَ، یعنی روحِ حقیقت که اَ بُواَ میا، او خُیِش دِ بارَه مَه شهادت مییَه. 27وَ شمانَم باید شهادت بیید وِرِ ایکه اَ اَول وا مَه بی یِید.»
Currently Selected:
انجیل یوحنا 15: NLBB
Highlight
Copy
Compare
Share
Want to have your highlights saved across all your devices? Sign up or sign in
@ 2026 Korpu Company
