مَتّی 3
3
یحیی تعمیددهندَه، ری مسیحی که با بای آمادَه مِ
1نُمِ اَ روژَلَ یحیااِ تعمیددهندَه ظاهر بی. اَوَ نُمِ بیُااُونِ یهودیَه موعظَه مَکِردی و 2مِتی: «تواَ کَن چیکِ پاتشاهی آسِمُون نزیکَ!» 3یَ هر اَوَسَ که اِشعیا پیغمبر دربارِاِئی موشی:
«دَنگِ اَوَ که نُمِ بیُااُون
هُاوارَ مَکیشی:
ری خداوندَ آمادَه کَن
و ریَلِ اَوَ راس کَن.»
4یحیی کِراسی اَژ پشم شتِر وَری بیتی و کمربنی چرمی مَبَستیَ کمری، و غذااِئی، مَلَق و حَسَلِ صحرا بی. 5مردمُون اورشلیم و سرتاسرِ منطقَه یهودیَه و اَژ گِشتِ منطقَه دِرِوَرِ رواِ اردن، گِشتِن مَچانَ لای 6و وَگناهَلِ گُوژِن اعترافَ مَکِردِن، نُمِ رواِ اردن وَدَسِ اَوَ غسل تعمید مَگِرتِن.
7امّا یحیی وخدی آیمَلِ فِرِاِئی اَژ شیخَلِ فرقَلِ فریسی و صَدّوقی دیتی که ماهاتِنَ اُورَ که اَوَ تعمیدَ ماتی، فِتیَه آنَ: «اِ حَفیزادَل! کی وَهُمَ هُشتار داتی تا اَژ غضبی که وَرِ ریتُونَ، بیهاینُون؟ 8پس کارَلی بِکَن که نیشُون بِ، تواَ کِردینُونَ 9و لا گُوژِتُون نوشِن ”بُاواَ هیمَ ابراهیمَ.“ چیکِ وَهُمَ موشِم خدا مِتِنی اَژ اِئی بَردَلَ اُویلَلی اَرا ابراهیم دُرُس کِ. 10حتی هر اِسگِإیژَ تیشَ ناتیَسَر ریشَ دارَلَ. پس هر داری که میوه خو ناری، مِرینی و مُااُوژینیَ نُمِ آگِر.
11مِ هُمَلَ اَرا تواَ، وَآاُو تعمیدَ مَم؛ امّا اَوَ که بعد اَژ مِ مای قویتِرَژ مِنَ و مِ حتی لائق نیم که چارُقَلِ بَنی اَوَ جِفت کَرم. اَوَ هُمَلَ وَروحالقدس و آگِر تعمیدَ مِ. 12اَوَ شَن گُوژیَ وَدَس دیری و خَرمُون گُوژیَ پاکَ مِ و گَنِم گُوژیَ نُمِ اَمبار جمَع مَکَری، امّا کیَه نُمِ آگِری که هرگِس کور نِمُاو، مَسُوزُنی.»
غسل تعمید عیسی
13اِیندا عیسی اَژ منطقَه جلیل یاهاتَ رواِ اردن تا اَژ دَسِ یحیی تعمید بِگِری. 14امّا یحیی تقلا کِردی جِلِاِئی بِگِری و فِتیَه اَوَ: «یَ مِنِم که با اَژ تو تعمید بِگِرِم، اِسگَ تو لا مِنَ ماین؟» 15عیسی جواُو داتی فِتی: «بیلَ اِسگَ هُنَ بو، چیکِ اَرا هیمَ دُرُس یَسَ که حُکم خدااَ تمُوم و کمال انجوم بِإیمُون.» پس یحیی راضی بی. 16وخدی عیسی تعمید گِرتی، هرَلَزَ اَژ آاُو یاهاتَ دَشت. هرَ مِقَ آسِمُون وا بی و یحیی روح خدااَ دیتی که مِثادِ کَمُوتَری یاهاتَ هار و نیشتیَ ری عیسی. 17اِیندا اَژ آسِمُون دَنگی یاهات که «یَسَ کُرِ عزیزِم که اَژ اَوَ خیلی راضیِم.»
Currently Selected:
مَتّی 3: NLV
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
