مَتّی 22
22
مَتَل جَشتِ عروسی
1عیسی اَدُوارَه وَمَتَل اَگَردِ آنَ قِصَ کِردی، فِتی: 2«پاتشاهی آسِمُون، مِثادِ پاتشاهی کَ که اَرا کُرِ گُوژی جَشت عروسی گِرتی. 3اَوَ خذمتکارَلِ گُوژیَ رِ کِردی تا هَنا کَنَ آیمَلی که دعوت بینَ تا بانَ نُمِ جَشتَ، امّا آنَ نَخواستِن بان. 4اِیندا خذمتکارَلِ تِرِكی رِ کِردی و فِتی: ”وَآیمَلی که دعوت بینَ بوشِن اِسگَ شُمَ حاضر کِردِمَ، گال و گواَرَلِ چاقِ مَسِمَ سر بِریمَ و گِشتِ چی حاضرَ. پس بورِنَ نُمِ جَشتِ عروسی.“ 5امّا آنَ هَمیَت ناتِن و هر کُم چِنَ ریِ گُوژِن، یَکی چیَ سر زمینی و یَکی تِرِکیژ سر تجارتِ گُوژی. 6باقی آیمَلی که دعوت بینَ خذمتکارَل اَوَ گِرتِن و اَگَردِ آنَ وَبیشرمی رفتار کِردِن و آنَلَ کُشتِن. 7پاتشاه آگِر اَژ سری چیتی، سَروازَل گُوژیَ رِ کِردی و اَ قاتلَلَ کُشتی و شهر آنَلَ آگِر داتی. 8اِیندا فِتیَه خذمتکارَلِ گُوژی: ”جَشت عروسی حاضرَ، امّا کسَلی که دعوت بین لاهاقَت ناشتِن. 9پس بِچِنَ میدونِ شهر و هر که پیا کِردینُون اَرا جَشت عروسی دعوت بِکَرِن.“ 10خذمتکارَل چِنَ نُمِ کوچَل و هر کسی پیا کِردِن، چِ خو و چِ گَن وَگَردِ گُوژِن آاُوردِن، جوری که تالار عروسی اَژ میمُونَل پِر بی.
11امّا وخدی که شاه اَرا دیِنِ میمُونَل یاهاتَ نُمِ مجلسَ، پییائی دیتی که جِنِکِ عروسی وَری نِإیتی. 12اَژِنی پِرسیتی: ”اِ رفیق، چُطِر بیجِنِکِ عروسی یاهاتینَسَ اِیرَ؟“ اَ پییا جواُواِئی ناشتی. 13اِیندا پاتشاه فِتیَه خذمتکارَلِ گُوژی: ”دَس و پائی بِإنِنی و اَوَ نُمِ تِریکی بُاوژِنَ دَشت، جائی که گیری و دِنُونریچَسَ.“ 14چیکِ فِرَن آیمَلی که دعوت بینَ، امّا آیمَلی که نیشُون بینَ کَمِن.»
سوال دربارَه خراج داتِن
15اِیندا شیخَلِ فرقَه فریسی چِنَ دَشت وَگَردِ یَک نَشقَه کیشان که چُطِر اَوَ وَقِصَلِ گُوژی بُاوژینی نُمِ تَلَه. 16آنَ شاگردَلِ گُوژِن اَگَردِ طرفتارَلِ هیرودیس رِ کِردِنَ لا عیسی و فِتِن: «استاد، مَزانیمُون پییائی راسگوإیکین و ری خدااَ وَدُرُسی تعلیمَ مِإین و اَژ کسی باکی نِرین، چیکِ کَمِت وَظاهر نییَه. 17پس نظرِ گُوژِتَ وَهیمَ بوش؛ آیا خراج داتِن وَامپراطورِ روم جایزَ یا نَه؟» 18عیسی که نیت گَنِ آنَلَ مَزِناستی، فِتی: «اِ ریاکارَل، اَراچَ مِنَ امتحُونَ مِإینُون؟ 19سکهاِئی که اَگَردِ اَوَ خراجَ مِإینُون نیشُونِ مِ بیَن.» آنَ سکَه یِ دیناری وَبینی داتِن. 20عیسی اَژ آنَ پِرسیتی: «نَشق و نُوم کی ها ری اِئی سکَه؟» 21جواُو داتِن: «هِنِ امپراطور رومَ.» عیسی فِتیَه بینِن: «پس هِنِ امپراطورَ وَامپراطور بیَن و هِنِ خدااَ وَخدا.» 22وخدی آنَ یَ شِنَفتِن، ماتِنَ بِرد و عیسااَ هیشتِنَ جا، چِن.
سؤال دربارَه زِنیبیِنِ مِردیَل
23نُمِ اَ روژَ، شیخَلِ فرقَه صَدّوقی که مِتِن مِردیَل زِنی نِمِن، یاهاتِنَ لای و اَژِنی سوالی کِردِن، 24فِتِن: «استاد، موسیاِ پیغمبر فِتِسیَ هیمَ که اَگَر پییائی بیاِلاد بِمِری، بِرااِئی اَ ژَنِ بیوَه با بُوازی تا اَژ اَوَ اَرا بِرا گُوژی نسلی بیلَجا. 25اِسگَ، اَنُمِ هیمَ هفت بِرا بین. بِرا اوّلی ژَن گِرتی و مِرد و چیکِ اُویل ناشتی، ژَنِ بیوِاِئی اَرا بِرا گُوژی هیشتیَ جا. 26اَرا دوّمی و سوّمین، تا هفتِمین بِراإیژ هُنَ بی. 27آخِرسَر، اَ ژَنیژَ مِرد. 28اِسگَ، نُمِ قیامت، اَ ژَنَ هُمسرِ کُمُنی اَژ اَ هفت بِرااَ مُاو، چیکِ گِشتِن اَ ژَنَ هاستِنَ؟»
29عیسی جواُو داتیَ آنَ: «هُمَ اشتباه مَکِإینُون، چیکِ نَه اَژ کِتُواَلِ مقدّس چیئِی مَزانینُون و نَه اَژ قدرتِ خدا! 30نُمِ قیامت، کسی نَه ژَنَ مَگِری و نَه شیَ مِ، بلکم گِشتِن مِثادِ فرشتَلِ آسِمُونِن. 31امّا دربارَه زِنیبیِن مِردیَل، یعنی نُمِ تورات نَخوانتینُونَ که خدا وَبینِتُون چَ فِتِسی؟ 32اَوَ فرمایشت کِردِسی که، ”مِنِم خدااِ ابراهیم و خدااِ اسحاق و خدااِ یعقوب“. اَوَ نَه خدااِ مِردیَل، بلکم خدااِ زِنیَلَ.» 33مردم وخدی اِئی قِصَلَ شِنَفتِن، اَژ تعلیم اَوَ بِلِإیژِنِن یاهات.
کَلِنگتِرین حُکم
34امّا وخدی شیخَلِ فرقَه فریسی شِنَفتِن که عیسی چُطِر وَجواُواِ گُوژی دَمِ شیخَلِ فرقَه صَدّوقیَ بَستیِسی، اَگَردِیَک جمع بین. 35یَکی اَژ آنَ که قاضی بی، وَاِئی نیتَ که عیسااَ امتحُون کِ، اَژِنی پِرسیتی: 36«اِ استاد، کَلِنگتِرین حُکم شریعت کُمُنیَ؟» 37عیسی جواُو داتی: «”خداوند خدااِ گُوژِتَ وَتمُومِ دل وَتمُومِ گُون وَتمُومِ فکرِ گُوژِت دوسِت داشتوت.“ 38یَ اوّلین و کَلِنگتِرین حُکمَ. 39دوّمین حُکمیژ مِثادِ حُکم اوّلَ: ”هُمساتَ مِثادِ گُوژِت دوسِت داشتوت.“ 40گِشتِ تورات و نیوِیشتَلِ پیغمبرَلَ وَری اِئی دو حُکمَ پایارَ.»
مسیحی که با بای کُرِ کیَه؟
41وخدی که فریسیَل دِرِ یَک جمع بین، عیسی اَژ آنَ پِرسیتی: 42«دربارَه مسیحی که با بای نظرِتُون چیَ؟ اَوَ کُرِ کیَه؟» آنَ وَعیسی فِتِن: «کُرِ داوودَ.» 43عیسی فِتی: «پس چُطِر داوود وَهدایت روح خدا، اَوَ خداوندَ مَخوانی؟ چیکِ نُمِ کِتُواِ زبور داوودَ موشی:
44”خداوند فِتیَه خداوندِم:
بِنیشَ دَسِ راسِ مِ
تا دشمنَلِتَ بُاوژِمَ ژیرِ پالِت.“
45پس اَگَر داوود اَوَ خداوندَ مَخوانی، چُطِر اَوَ مِتِنی کُرِ داوود بو؟» 46إیجورَ، هیشکس نِتِنِستی جواُواِ اَوَ بِ و اَژَدُما دَ کسی جرأت نَکِردی اَژِنی سوالی بِکَری.
Currently Selected:
مَتّی 22: NLV
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
