OMAPSALOME 145
145
Ehambelelo omolwouwa waKalunga
Eimbilo lehambelelo, laDavid.
1Onda hala ndi ku fimaneke, Kalunga kange, ohamba,
nokutanga edina loye alushe fiyo alushe.
2Keshe efiku onda hala, ndi ku tange,
nokuhambelela edina loye alushe fiyo alushe.
3Omwene, Oye omunene nonakufimanekwa unene,
nounene waye ihau konekeka.
4Oludalo limwe nali hepaululile likwao oilonga yoye,
noli shiivifwe oinenelonga yoye i neenghono.
5Onda hala okupopya oshinge shefimano loye,
ame ndi imbe oikumwifalonga yoye.
6Eenghono depangelo loye da tilika, do nadi udifwe,
noinenelonga yoye ya fimana,
onda hala ndi i hepaulule.
7Efimano lefilonghenda loye linene
nali twalwatwalwe,
nouyuki woye nau tangwe nenyakuko.
8Omwene oku na onghenda nolukeno,
oha tale onheni noku yadi ouwanghenda.
9Kalunga omuwa kwaaveshe,
nohole yaye ya nyananana
kovashitwa vaye aveshe.
10Omwene, oishitwa yoye aishe nai ku hambelele,
novayuki voye nave ku fimaneke;
11nava fimaneke oshinge shouhamba woye,
vo va tange eenghono doye.
12Ovana vovanhu va shiivifwe oilonga yoye yoixuna
noshinge shouhamba woye.
13Ouhamba woye ou li po tau kalelele fiyo alushe
nepangelo loye fiyo okomapupi aeshe.
14Omwene, omuyakeli waaveshe tava punduka,
naava va nyongamekwa koufiye,
ohe va nyongamununa.
15Omesho aaveshe otae ku dakamene,
ndele ove to va pe eendja davo pefimbo lado.
16Oto kamutulula eke loye
ndele to palula oinamwenyo aishe kohokwe yoye.
17Omwene omuyuki meendjila daye adishe,
nomunanghenda mokulonga kwaye akushe.
18Omwene oku li popepi naaveshe,
have mu ifana,
aveshe ava have mu ifana moshili.
19Ava, have mu tila, ote va wanifile eshi va hala,
nonghuwo yavo ohe i udu, ndele te va xupifa.
20Omwene oha amene aveshe, ava ve mu hole,
ndelenee ovadudu aveshe ote va kombo po.
21Okanya kange naka udife efimano lOmwene,
noishitwa aishe nai tange edina laye liyapuki
alushe fiyo alushe.
Currently Selected:
OMAPSALOME 145: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
