OMAPSALOME 146
146
Elao lomulineekeli wOmwene
1Halleluya!
Omwenyo wange, tanga Omwene!
2Onda hala okutanga Omwene
omafiku ange aeshe,
nokwiimbila Kalunga kange, fimbo ndi li po.
3Oidale hai mu lineekele,
havanhu, ava vehe nekwafo nande.
4Omuku ngeenge wa pwa mo muvo,
otava shunwa medu
nefiku tuu olo, omadiladilo avo kae po vali.
5Omunelao ou, ekwafo laye ngeenge olo
Kalunga kaJakob,
nelineekelo laye ngeenge te li tula mOmwene,
Kalunga kaye,
6ou omushiti weulu nedu,
nomeva efuta naashishe eshi shi li mo,
ou omudiinini fiyo alushe,
7omupopili wovafininikwa,
nomupaluli wovanandjala.
Omwene Oye omumangululi wovamangwa.
8Omwene omutwikululi wovapofi.
Omwene omunyongamununi
wovanyongamekwa koufiye.
Omwene omuhokwi wovayuki.
9Omwene omwaameni wovanailongo.
Oye omuyakeli weefiye nowovafiyekadi;
ndelenee Ye omutwali moxwati wondjila yeembudi.
10Omwene Oye ohamba fiyo alushe,
Sion oove, Oye Kalunga koye fiyo alushe.
Halleluya!
Currently Selected:
OMAPSALOME 146: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
