HEB 3
3
येशुड नियमशास्त्र इंगा फाता करार काना फेद्दावोड उंडाड — 3:1—10:18
प्रभु येशुड मोशेन काना महान उंडाड
1दिनिचांग हे पवित्र आक्का तम्मुळ्ळालाला, यवार मनाम स्वर्गीय पाचारणला भागीदार उंडाम, वार येशुन तीकुड सुडाला. वाड परमेश्वर प्रेषित इंगा महायाजक उंडाड, यवानदी मनाम अंगीकार शेस्ताम. 2परमेश्वर आंता घरानाला यल्ला मोशेड परमेश्वर जताक विश्वासयोग्य उंड्या आल्ले या परमेश्वर येशुन प्रेषित इंगा महायाजक आंका निवडाशीन्या वान जताक वाड विश्वासयोग्य उंड्या. 3यल्ला इल्लु काना इल्लु कट्टेतोनकी शेंगेम सन्मान उंटाद, आल्ले येशुड पण मोशेन काना शेंगेम सन्माननीय उंडाड. 4येनटीक की प्रत्येक इल्लु यवाडाना यवाड कटताड, पण यवाड आंताच कट्टीनाड वाड परमेश्वर उंडाड.
5परमेश्वर आंता घरानाला मोशेड इड सेवक रुपला शेंगेम विश्वासयोग्य उंड्या, परमेश्वरी माटलु याय भविष्यला आय्येय उंड्या, आटला बद्दल वाड मंदीक साक्ष इच्या. 6पण ख्रिस्त इड कोडकु रुपला परमेश्वर घरानाला विश्वासयोग्य उंडाड इंगा जर मनाम मना विश्वास इंगा आशा मिंदा घमंड शेस्ताम इंगा टीकाशी उंटाम, तर मनाम पण वानदी इल्लु उंडाम.
विश्वासयोग्यता
7येनटीक की मनाम परमेश्वर बिळ्ळु उंडाम आंका पवित्र आत्मा पवित्र शास्त्रला यल्ला आंटाद, आल्ले,
“इबद, जर मीर परमेश्वरदी आवाज इंटार,
8तर मी मनलु बिरसु शेयाकुंडा.
यल्ला मी पुर्वजलु मरु भुमीला परमेश्वरदी परीक्षा सुशेदेंक परमेश्वरकी विरोध शेशीर,#निर्गम 17:7; गणना 20:2,5,13.
9यंदु मी आब्बा तातागार नाद परीक्षा सुशी नाद कसोटी तिस्कुनीर,
इंगा आंदु वार चाळीस वर्ष नाय चमत्कारलु सुशीर.”
10दिनिचांग निन आ पिढी मिंदा कोफाम फडतीन,
इंगा निन आंटीन, “इ मंदी मनलु नेहमी भटकास्का उंटाय,
इ मंदी नाद दावा यप्पुडुच गुरतु फट्टालेद.”
11दिनिचांग निन कोफामला वट्टु येस्केन आंटीन,
“इ मंदी आ विश्राम स्थानलोंग याद निन इच्चीनान यप्पुडुच फोई शकायाक फोयार.”#गणना 14:21-23; अनुवाद 1:34-35.
आखरी नंताक विश्वासदी गरज
12हे ना विश्वासी आक्का-तम्मुळ्ळालाला, जिवंत परमेश्वरनी इडस्काडाला इंता अविश्वासदी दुष्ट मन मी दिंटल्योन्केल यवारदीच लेवाराद आंका सावधान उंडना.
13याड नंताक, “इबदोडदी” वेळ उंडाद आड नंताक, धीन्नाम वगामेगारकी हिम्मत इंडा, दिनिचांग की मी दिंटल्योन्टोड यवारुच पाप इचांग भटकायाराद इंगा मी मनलु बिरसु कावाराद. 14येनटीक की जर मनाम सुरवातकेल आखरी नंताक मना विश्वासला टीकाशी उंटे तर मनाम ख्रिस्तन सहभागी उंडाम. 15पवित्र शास्त्रला इल्ला राशीनेद उंडाद;
“इबद जर मीर वानदी आवाज इन्यार,
तर आप्पुड यल्ला मी पुर्वजलु परमेश्वरकी विरोध शेशीर;
आल्ला मीर मी मनलु बिरसु शेयाकुंडा.”
16यवार परमेश्वरदी आवाज इनीर पण वानकी विरोध शेशीर इल्ला यवार उंडीर? वारे मंदी लेकुंडीर येम यवारनी मोशेड मिसर देश लोन्केल बैटीक येका फोयन्या? 17इंगा वाड यवार मिंदा चाळीस वर्ष कोफाम फडीन्या? वार आंदार वारे लेकुंडीर येम, यवार पाप शेशीर इंगा यवारी फिनग्याल मरु भुमीला फडीनेय उंड्या.#गणना 14:29. 18यवार बद्दल परमेश्वर इल्ला वट्टु यस्कुनीन्या की वार ना विश्राम स्थानलोंग फोक फोयार? यवार वानदी आज्ञा तेम्पीर वारे लेकुंडीर येम?#स्तोत्रसंहिता 106:24-26. 19दिन मिंदकेल मनाम सुस्ताम की, आ मंदी परमेश्वर विश्राम स्थानलोंग वार अविश्वास इचांग फोई शकायाक फोईर.
Currently Selected:
HEB 3: WNT
Highlight
Copy
Compare
Share
Want to have your highlights saved across all your devices? Sign up or sign in
