2TH 2
2
परमेश्वर दिनमु बद्दल सुधारना — 2:1-12
विनाश कोडकु
1हे आक्का तम्मुळ्ळालाला, मना प्रभु येशु ख्रिस्तद वच्चेद इंगा वान मुंदार मनाम वगातळा आय्येद दिन बद्दल मिम मिक इल्ला विनंती शेस्ताम की, 2मीर लगेच दचकाशी यरस्कुनाकुंडा; प्रभुनदी दिनमु वच्ची टेकाशीनाद, इल्ला शप्पे आत्माता, लेकाते मा तीकेल वच्चीने वचनता लेकाते पत्रता यरस्कुनाकुंडा; 3यादुच प्रकारता यवार तीकेलुच फसाया कुंडा; येनटीक की आ दिनमु काना पहिला विश्वासदी त्याग आय्यी इंगा वाड अनितीमान मनशी, नाश शेशेतोन कोडकु प्रकट आय्यी; 4वाड नाश शेशेतोन कोडकु, विरोधी इंगा यवान द्यावार लेकाते पुजा आंका आंटार, स्वतान आंदार काना फेद्दावोड शेशेतोड, आंटे निन परमेश्वर उंडान, इल्ला स्वताद प्रदर्शन शेस्केन परमेश्वर भवनला कुसनेतोड इल्ला उंडाड.#यहेज्केल 28:2; दानिएल 11:36-37.
5यप्पुड निन मी जताक उंटीन आप्पुड निन मिक इ माटलु शप्पींटीन इदी मिक ध्यानाम लेद येम? 6वाड निवडाशीनेय वेळला प्रकट कावाला, इंगोगो वेळला कावाराद, आंका याद माटा दान थांबाय मतताद, आदी मिक यरका उंडाद. 7येनटीक की अनितीद रहस्य इप्पुड पण फनी शेस्तुनाद, पण इप्पुड वगाड थांबाय मतेतोड उंडाड, वाड धुराम आय्यी नंताक दान थांबायमती फेट्टी; 8आप्पुड वाड अनितीमान मनशी प्रकट आय्यी, वान प्रभु येशुड वान नोटल्योन श्वासता नष्ट शेशी इंगा वान आगमन तेजता नष्ट शेशी;#ईयोब 4:9; यशया 11:4. 9शैतान फनुला लेका अनिती वच्ची; आदी आन्नी प्रकारी खोटा सामर्थ्यलु, इंगा चिन्हल इंगा चमत्कारलु शेस्का वच्ची 10यवारदी नाश आयतुनाद वार वारदी तारण शेस्कुनाला आंका सत्य मिंदा प्रेम शेयालेद; दिनिचांग वारनी आदी आन्नी प्रकारता फसायमती. 11इद्दे कारण उंडाद की वार असत्य मिंदा विश्वास फेट्टाला आंका परमेश्वर वार दिंटल्या वगाट भटकाय मतेद फनी शेशी; 12यंता मंदी सत्य मिंदा विश्वास फेट्टार, पण अनितीता आनंदीत आयतार वार आंदारकी दंड शिक्काला आंका इल्ला आय्यी.
वार भाग्यसंदर्भला ध्यानाम — 2:13-17
विश्वासला टीकाशी निलना
13हे प्रभुन प्रिय मंदीलाला, मी बद्दल मिम परमेश्वरकी धन्यवाद इस्ताम येनटीक की पवित्र आत्मा तीकेल पवित्र आय्यी सत्य मिंदुड विश्वासता परमेश्वर मिमलान प्रथम फळ आंका तारण इचांग निवडाशीनाड;#अनुवाद 33:12; इफिस 1:4-5; १पेत्र 1:1-5. 14परमेश्वर मिमलान मिम शप्पीने सुवार्ताता मना प्रभु येशु ख्रिस्तद गौरव प्राप्त शेशी तिस्कुना फिल्चीनाड.
15दिनिचांग हे आक्का तम्मुळ्ळालाला, टीकाशी निलना इंगा याद शिक्षण मिम मा नोरता इंगा मा पत्रलाता इच्चीनाम, आदी मजबुत फट्टी फेटना. 16मना प्रभु येशु ख्रिस्त स्वता इंगा मना परमेश्वर आब्बाड यवाड मना मिंदा प्रेम शेस्ताड इंगा कृपाता सार्वकालिक शांती इंगा शिंगार आशा इच्चीनाड, 17मी मनलाक शांती इयाला इंगा मिमलान प्रत्येक शिंगार फनीला इंगा माटलाला मजबुत शेयाला.
Currently Selected:
2TH 2: WNT
Highlight
Copy
Compare
Share
Want to have your highlights saved across all your devices? Sign up or sign in
