Popular Bible Verses from 2TH 2

Share

यादुच प्रकारता यवार तीकेलुच फसाया कुंडा; येनटीक की आ दिनमु काना पहिला विश्वासदी त्याग आय्यी इंगा वाड अनितीमान मनशी, नाश शेशेतोन कोडकु प्रकट आय्यी

हे प्रभुन प्रिय मंदीलाला, मी बद्दल मिम परमेश्वरकी धन्यवाद इस्ताम येनटीक की पवित्र आत्मा तीकेल पवित्र आय्यी सत्य मिंदुड विश्वासता परमेश्वर मिमलान प्रथम फळ आंका तारण इचांग निवडाशीनाड

वाड नाश शेशेतोन कोडकु, विरोधी इंगा यवान द्यावार लेकाते पुजा आंका आंटार, स्वतान आंदार काना फेद्दावोड शेशेतोड, आंटे निन परमेश्वर उंडान, इल्ला स्वताद प्रदर्शन शेस्केन परमेश्वर भवनला कुसनेतोड इल्ला उंडाड.

मना प्रभु येशु ख्रिस्त स्वता इंगा मना परमेश्वर आब्बाड यवाड मना मिंदा प्रेम शेस्ताड इंगा कृपाता सार्वकालिक शांती इंगा शिंगार आशा इच्चीनाड, मी मनलाक शांती इयाला इंगा मिमलान प्रत्येक शिंगार फनीला इंगा माटलाला मजबुत शेयाला.

इद्दे कारण उंडाद की वार असत्य मिंदा विश्वास फेट्टाला आंका परमेश्वर वार दिंटल्या वगाट भटकाय मतेद फनी शेशी

शैतान फनुला लेका अनिती वच्ची; आदी आन्नी प्रकारी खोटा सामर्थ्यलु, इंगा चिन्हल इंगा चमत्कारलु शेस्का वच्ची यवारदी नाश आयतुनाद वार वारदी तारण शेस्कुनाला आंका सत्य मिंदा प्रेम शेयालेद; दिनिचांग वारनी आदी आन्नी प्रकारता फसायमती.

येनटीक की अनितीद रहस्य इप्पुड पण फनी शेस्तुनाद, पण इप्पुड वगाड थांबाय मतेतोड उंडाड, वाड धुराम आय्यी नंताक दान थांबायमती फेट्टी