तितुस 3
3
ख्रीस्तीय होड़कु आला चाईल-चलान
1होड़कु के याईद एकाः चिकुमे ची राजाकु आउर हाकिमकु आला कबजा रे ताहिनकु। हुंकू आला हुकूम के मनाअ कु। जामा बरान रेनअः बेस काम के का-कामी लःअय तेयार ताहिन कु। 2ओके आला होः आलपे निन्दा के, झा-झागड़ा कु कोवान हुयाअः चाही, सलोर हुयाअः चाही, आउर जामे होड़कु लोः बेस केन बेवहारेकु।
3एता लःअय ची आबु होः पहिल रे निर-बुधी आउर हुकूम का-आयुम वाला, आउर भरम रे पड़ाव थिनाबु। आउर खराब रिझ-रंग रेनअः अभिलासा रे, भोग-बिलास रअः बंधाउवा रे ताही नेनाबु। आबु दुस्टता आउर हिसंगा रे अपन जिनगी बिताय केनाबु। आबु के होड़कु घिंड़ोः केनाकु आउर आबु होः हुनी-नुई लोः घिंड़ोः केनाबु। 4बकिर जब आबु आली उ-उधार अवला परमेसर आला माया, आउर मनवाकु रे हुनी आला दुलार दिसतार नेना दो, 5पेरेम दिसतार नेना दो हुनी आबु के उधार एम लःअय, नोःआँ उधार आबु आला धरम रेनअः काम तरअः का हुयाव नेना, बकिर अपन दया मोताबिक थिलाआय, आउर नावाँ जनम रेनअः उमोअ आउर पबितर आतमा तरअः नावाँ बनाअः रअः चलते नोःआँ उधार हुयाअः ताना। 6परमेसर आबु रे पबितर आतमा के आबु आली उ-उधार अवला ईसु ख्रीस्त रअः चलते ढेर एम तदाय। 7नहाअः दो परमेसर आबु के अपन दया तरअः बेकासुर ठहराव तदबुआय, जेकर से ची जे आबु आसराय केनाबु होना का-अन्तोः जिनगी रेनअः हाक के नाम सकायाबु।
8नोःआँ सचे बात हेके, आउर ईङ चहाईंग ची आम नोःआँ बात रेनअः बारे डिढ़ते कंहड़ी मे, निआँ लःअय ची जे परमेसर रे बिसवास तदाकु, हुंकू बेस-बेस काम रे लगाव ताहिनोअ रअः धेयान दोहोय कु। जे बात बेस आउर मनवा आला फयदा लःअय हेके। 9बकिर मुरखाई रेनअः कंहड़ी उपड़ीनोः, आउर झगड़ा, खानदान रेनअः चरचा, मुसा आला कनहुन रेनअः बाबत रे कंहड़ी उपड़ीङोअ तरअः बंचाव ताहिन पे, एता लःअय ची होना बे-फयदा आउर बेकार हेके। 10जे होड़ छिट-फुट चिआय, हुनी के मिसा चाहे बार-खेप समझाई पे, होना तयोम हुनी तरअः लंका रे ताहिन पे। 11नोःआँ पाड़ी केते ची नोकान होड़ भटकाव केते पाप दाय। आउर आनेःग खुद के दोसी ठहराव दाय।
आखरी रअः बात
12 #
प्रे.कामी 20:4; इफि 6:21,22; कोलो 4:7,8; 2 तिमु 4:12 जब ईङ आपे दुबाःड़े आरतेमिस चाहे तुखिकुस के कुलगोःडियीङ, दो ईङ दुबाःड़े निकुपुलिस हिजोअ रेनअः तुरते कोसिसेपे, एता लःअय ची हिनाःड़े राबांग बि-बिताव रेनअः फैसला तदिङ। 13#प्रे.कामी 18:24; 1 कुरि 16:12ओकिल जेनास आउर अपुल्लोस के हुंकिन आला होरा डिडोगोअ लःअय जे कुछ दरकार एदनाआ, हुंकिन लःअय आपे भरपुर सरा-जमा जुटाव उई पे, जेकर से ची हुंकिन के एतान बात रेनअः होः घटी आलु हुयाव कोअ। 14आबु आलकु होड़ के होः बेस काम रे लगाव ताहिनोअ लःअय सिखाअः चाही। जेकर से ची खास दरकार कु के मदाईत एमा सकाव कु। जेकर से ची हुंकू आला जिनगी बेकामा आलु हुयाव कोअ।
15ईङ आलकु गातीकु आला आम के जोहार आउर जे बिसवास रअः चलते आबु तरअः दुलार दोहो याकु, हुंकू के जोहार, आपे जामा रे दया हुयाव एकान।
Currently Selected:
तितुस 3: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
