तितुस 2

सचे उपदेस

1बकिर आम नोकान बात के सिखाव कुमे, जे सचा उपदेस रेनअः मोताबिक एदनाआ। 2आउर सेंयाड़ हेरेलकु के सिखाव कुपे ची हुंकू धीरज आ-अदर लकान, समझदार, आउर बिसवास पेरेम आउर धीरज रे पका हुयाअः चाही। 3निआँ लकान सियांड़ी लाईंकु के सिखाव कुपे, ची हुंकू आला चाईल-चलान, पबितर होड़कु आला लकान हुयाअः चाही, आउर ए-एगेर, दोस ला-लगाव वाला आउर झारा-दारू रअः बंधाउवा कोवान हुयाअः चाही बकिर बेस बात के सि-सिखाव वाला हुयाअः चाही। 4जेकर से ची जे जवान लाईंकु के सिखाव सकाव कु ची अपन हेरेल आउर अपन चेंगाकु तरअः दुलार दोहोय कु। 5आउर अपन के काबु रे दो-दोहो, पबितर, ओड़ाअ के बेस-केन चचलावी, बेस आउर अपन हेरेल रेनअः कबजा रे ताहिनोअ वाला हुयाअः चाही जेकर से ची परमेसर आला बचन रेनअः आलु निन्दा योअ। 6निआँ लकान गी जवान कोड़ाकु के होः समझाव कुपे ची अपने के काबु दो-दोहो वाला हुयाअः चाही। 7आउर हुंकू के जामा बात रे खुदे बेस काम रे नमुना बनाव केते देखायपे, आपे आला उपदेस रे एतान दाग होः आलु हुयाअः चाही, आउर गंभीर हुयाअः चाही। 8आपे आला कंहड़ी नोकान निमान हुयाअः चाही, ची जाहें होः बुरा आलकु कंहड़ी दाड़ी के, जेकर से ची बिरोधी आबु रे दोस ललगाव लःअय एतान होः आलु नाम केते लाज जुनोय।

9बंधाउवाकु के समझाव कुपे ची अपन-अपन गोमके आला आधीन रे ताहिन कु। हुंकू के जामा बात रे खुस एका कुपे, उलटाव केते जबाप आलपे एमा किकु। 10आलपे चोर के, बकिर जामा बरान रे बि-बिसवास लकान आउर भलाई देखायपे, जेकर से ची जामा बात रे आबु आली उ-उधार अवला परमेसर आला उपदेस रेनअः सोभा एमे।

11एता लःअय ची परमेसर आला दया जामा मनवा आला छुटकारा लःअय दिसतार ताना। 12नोःआँ तरअः आबु के सिख भेटाआ ची आबु नोकान जिनगी इरबु जिवीडोः ची जेकर जिनगी रे परमेसर कनियाँ, आउर दुनिया रेनअः जामा किसीम रअः रिझ-रंग के पु-पुरा नामाकु बकिर नोःआँ जुग रे अपन के काबु रे दो-दोहो धरमिकता आउर भकती रे जिनगी बितायबु। 13आउर होना धनया आसरा चाहे अपन महान परमेसर, उ-उधार अवला ईसु ख्रीस्त आला महिमा रअः दिसतारोः रेनअः होरा नेल आसरायपे। 14#सिरिंग 130:8; उइठ 19:5; कन 4:20; 7:6; 14:2; 1 पत 2:9हुनी आबु लःअय अपने के एमा लिबुआय। जेकर से ची हुनी जामा बरान रअः अधरम तरअः आबु के छुटकारा दाड़ी बुआय। आउर अपन चुनाव लिनकु होड़कु आला भेस रे, अपन लःअय आबु के सुध बुआय। जे होड़ बेस काम का-कामी लःअय जुरजुट एदान कुआ। 15नोःआँ बात के पुरा हक लोः कंहड़ी मे, आउर ढाढ़स एमा कुमे, डपटाव एका कुमे, जाहें आम के आलकु तुछ मे।

Currently Selected:

तितुस 2: ASR

Highlight

Copy

Compare