Popular Bible Verses from तितुस 3

Share

बकिर जब आबु आली उ-उधार अवला परमेसर आला माया, आउर मनवाकु रे हुनी आला दुलार दिसतार नेना दो, पेरेम दिसतार नेना दो हुनी आबु के उधार एम लःअय, नोःआँ उधार आबु आला धरम रेनअः काम तरअः का हुयाव नेना, बकिर अपन दया मोताबिक थिलाआय, आउर नावाँ जनम रेनअः उमोअ आउर पबितर आतमा तरअः नावाँ बनाअः रअः चलते नोःआँ उधार हुयाअः ताना। परमेसर आबु रे पबितर आतमा के आबु आली उ-उधार अवला ईसु ख्रीस्त रअः चलते ढेर एम तदाय। नहाअः दो परमेसर आबु के अपन दया तरअः बेकासुर ठहराव तदबुआय, जेकर से ची जे आबु आसराय केनाबु होना का-अन्तोः जिनगी रेनअः हाक के नाम सकायाबु।

होड़कु के याईद एकाः चिकुमे ची राजाकु आउर हाकिमकु आला कबजा रे ताहिनकु। हुंकू आला हुकूम के मनाअ कु। जामा बरान रेनअः बेस काम के का-कामी लःअय तेयार ताहिन कु। ओके आला होः आलपे निन्दा के, झा-झागड़ा कु कोवान हुयाअः चाही, सलोर हुयाअः चाही, आउर जामे होड़कु लोः बेस केन बेवहारेकु।

बकिर मुरखाई रेनअः कंहड़ी उपड़ीनोः, आउर झगड़ा, खानदान रेनअः चरचा, मुसा आला कनहुन रेनअः बाबत रे कंहड़ी उपड़ीङोअ तरअः बंचाव ताहिन पे, एता लःअय ची होना बे-फयदा आउर बेकार हेके।

जे होड़ छिट-फुट चिआय, हुनी के मिसा चाहे बार-खेप समझाई पे, होना तयोम हुनी तरअः लंका रे ताहिन पे।