तितुस 1

1ईङ पौलुस, परमेसर आली बंधाउवा आउर ईसु ख्रीस्त आली प्रेरित हेके। ईङ परमेसर पखी तरअः निबाड़ लिनकु आला बिसवास के म-मजगुत लःअय, परमेसर लाईक जिनगी जिवीडोः पखी इ-इदी वाला सचाई रेनअः गेयान रे ब-बढ़ाव लःअय कुलगोःड लिनी हेके। 2नोःआँ सचाई का-अन्तोः जिनगी रेनअः आसरा एमेआय। नोःआँ का-अन्तोः जिनगी रअः बारे रे परमेसर सि-सिरजाव तरअः पहिल रेगी वादा थिलाआय, परमेसर कहियो झुठ काय कंहड़ीया। 3आउर परमेसर ठीक बेरा सिरे अपन बेस-खभाईर के परचार रअः चलते दिसतार लःअय। ईङ पौलुस, जे ईङ के जिमा लअः नोःआँ बेस-खभाईर के आबु उ-उधार अवला परमेसर आला हुकूम मोताबिक परचार दिंग।

4 # 2 कुरि 8:23; गला 2:3; 2 तिमु 4:10 तीतुस आला नुमू रे जे बिसवास रेनअः सझेदार दो-दोहो रेनअः चलते ईङ आली सचा होपोन हेके, बाबा परमेसर आउर आबु आली उ-उधार अवला ख्रीस्त ईसु पखा तरअः आम के सानती आउर दया भेटाव एकायोअ।

क्रेते टापु रे तीतुस आला कामी

5ईङ आम के क्रेते टापु रे निआँ लःअय बाईःग तु थिलमिईंग ची, होनाःड़े जे अधुरा एदनाआ सेके सुधाराव गुलतामे आउर ईङ आला हुकूम मोताबिक जामा सहर रे कलीसिया रिनकु पुरखाकु के ठहराव कुमे। 6#1 तिमु 3:2–7मियांड हाकिम आला नोकान गुन हुयाअः चाही, जेके बेकासुर हुयाअः चाही, आउर हुनी आली मियांड ठुका लाईं हुयाअः चाही, हुनी आलकु चेंगाकु के बिसवासी हुयाअः चाही, आउर रिझ-रंग वाला चाहे हुकूम के का मनाअ वाला कोवान हुयाअः चाही। 7एता लःअय अध्यकछ के परमेसर आली भंडारी हुयाअः रअः चलते बेकासुर हुयाअः दरकार एदनाआ। अध्यकछ के ढिंठाई चाहे कैराहा, मतवाड़, झा-झगड़ा वाला, थोड़हे कामी रे लोभी कोवान हुयाअः चाही। 8बकिर गु-गुतिया वाला, भलाई के चहाअ वाला, समझाअ वाला, ने-नेयाय वाला, पबितर आउर अपन के काबु दो-दोहो वाला चाही। 9आउर बि-बिसवास लकान बचन रे, जे धरम-उपदेस रेनअः मोताबिक एदनाआ, असथीर ताहिन, ची बेस सिकछा तरअः उपदेस एमा सकाव कु, एटाअकु के ढाढ़स एमा दड़ीकु आउर कंहड़ी उपड़ीङोअ कु आला आहा के बधराव दाड़ी चाही।

10एता लःअय ची आगम होड़ जे ढिंठ, बकवासी आउर धोखा एमोअ कु एदान कुआ। खास केते खतना के जोड़ एमोः वाला। 11हुंकू आला आहा के खा-खपाव चाही, एता लःअय ची हुंकू ढिबुवा का-कामी लःअय, जे बात के कोवान सि-सिखाव चाही होना के सिखाव केते जामा ओड़ाः के चौपट गोअ तआकु। 12हुंकू आली आगमजानी मेसे मियांड नोकान कंहड़ी तदाय ची “क्रेते टापु रिनकु जामा बेरा झुठा कंहड़ीआकु, खपतान जनवर, कुड़ही पेटु एदान कुआ।” 13नोःआँ गोवाही दो सचा एदनाआ, हिना लःअय हुंकू के पुरकस डपटाव कुपे ची हुंकू बिसवास रे मजगुत जुनोअकु। 14आउर जाहुदीकु आला कथा आउर गाम आउर हुंकू होड़कु आला हुकूम रे मन आलपे लगाव के, जे सचाई तरअः भटकाव नाकु। 15सुध होड़ लःअय जामा जिनीस सुध एदनाआ, बकिर असुध आउर अबिसवासीकु लःअय एतान होः सुध कनोआँ, एता लःअय ची हुंकू आला सोंच-बिचार आउर भितरी मन बनार असुध एदनाआ। 16हुंकू कंहड़ीआकु, ची आले परमेसर के पाड़ी आले, बकिर अपन काम तरअः हुनी के इनकारियाकु, एता लःअय ची हुंकू तुछ आउर हुकूम का मनाअ वाला एदान कुआ, आउर जहान बेस काम जुकूर कनिकुआ।

Currently Selected:

तितुस 1: ASR

Highlight

Copy

Compare