दिस.वचन 10

सिरमादूत आउर छोटे किताःब

1फिन ईङ मियांड आउर मुरुक सवांगिया सिरमादूत के जे रिंबील उयु केते सिरमा तरअः आड़गुन नेल लियीङ। हुनी आला बोहोअ रे ठुंड़ी बिंङ ताही नेनाय। हुनी आला मेःड मुहांड़ सिंङ बोंगा लकान आउर हुनी आला जांगा सेंगेल रेनअः खुंटा लकान ताही नेना। 2हुनी आला तीः रे मियांड खोलाव उना छोटे किताःब ताही नेना। हुनी अपन जोम जांगा समुदर रे आउर पेंका जांगा धरती रे दोहो लःअय। 3आउर नोकान जोर से गुल लःअय, जे लकान कूल गरजाआय, आउर जब हुनी गुल लःअय दो रिंबील हादुड़ रेनअः सात गोड़ सबद आयुम नेना। 4जब सातो रिंबील हादुड़ आयुम चबाअः ना, दो ईङ लि-लिखा वाला ताही निनिंग, बकिर सिरमा तरअः नोःआँ आयुम नेना, “जे बात हादुड़ रेनअः होना सात सबद तरअः आयुम तदाम होना के आलुम बहास के, आउर आलुम लिखाय।” 5#उइठ 20:11; कन 32:40; दानि 12:7; आमो 3:7जे सिरमादूत के समुदर आउर धरती रे तिंगुन नेल थिलयीङ, हुनी अपन जोम तीः सिरमा राईज पखा आलगाव लःअय, 6आउर जे जुग-जुग जिवीःड ताही नोआय, आउर जे सिरमा के आउर जे होना रे एदनाआ, आउर धरती के आउर जे होना रे एदनाआ, आउर समुदर के आउर जे होना रे एदनाआ सिरजाव लःअय, हिनी आला कसम जोम केते कंहड़ी लःअय, “नहाअः दो आउर एरे दिरी योआ। 7बकिर सातवाँ सिरमादूत आला तुरही ओ-ओङ रे, हुयाअः वाला सबद रेनअः बेरा रे परमेसर आला उकु उना मन रेनअः विचार होना बेस खभाईर मोताबिक जे हुनी अपन बंधाउवा आगमजानीकु के सुनाव लिकुआय, पुरा हुयाव कोआ।” 8#जहेज 2:8—3:3जे सबद के ईङ सिरमा तरअः क-कंहड़ी आयुम थिलीईंङ, हुनी फिन ईङ लोः बतियाव दाय, “जु, जे सिरमादूत ओत आउर समुदर रे तिंगु तनाय, हुनी आला तीः तरअः, होना खोलाव उना पुथी के इदीमे।” 9ईङ सिरमादूत दुबाःड़े सेन केते बेता लियीङ, “नोःआँ छोटे किताःब ईङ के एमाईङ मे।” हुनी ईङ के बेता लिङाय, “नोःआँ के जोमेमे, नोःआँ आम आला लाहीःग के दो हाटी केआय, बकिर आम आला आहा रे हुरूमुसू लकान लामुङ आदा केआम।” 10हिना लःअय ईङ हुनी सिरमादूत आला तीः तरअः होना छोटे किताःब इदी केते जोम लाईङ, होना ईङ आला आहा रे लामुङ दो आदा नेना, बकिर ईङ जब होना के जोम चुकाव निंग दो ईङ आला लाहीःग गटगट कड़ुवा: ना। 11हिमीन रे ईङ के नोकान बेता लिङाकु, “आम के ढेर होड़कु के, आउर जाईत, आउर भाखा आउर राजाकु रेनअः बारे रे फिन अ-आगमजानी पड़ाव कोआ।”

Currently Selected:

दिस.वचन 10: ASR

Highlight

Copy

Compare