Popular Bible Verses from दिस.वचन 3

Share

नेलेपे, ईङ दुवार रे तिंगु केते ठोकठोकाव दिङ, जदि जाहें ईङ आला सबद अयुम केते दुवार उघड़ायाय, दो ईङ हुनी दुबाःड़े भितरी हीःग केते हुनी लो: घोटो जोमेईङ आउर हुनी ईङ लो:।

ईङ आपे आला काम के पाड़ीईङ ची आपे ना दो ठंड़ापे आउर ना लोलो, बेस ताही कोआ ची आपे ठांड़ चाहे लोलो ताही कोआपे। हिना लःअय ची आपे सुसुमापे, आउर ना ठंड़ापे आउर ना लोलो, ईङ आपे के अपन आहा तरअः ऊउलगाव वाला एदानिया।

ईङ जे जे लो: दुलार दोहोयीङ हुंकू के डापटाव कुईङ आउर हुकूम ममनाव ची वाला बनाव कुईङ, हिना लःअय जलदी से फरहारोअपे आउर पाप तरअः मन रूवाड़ेपे।

ईङ आम आला काम के पाड़ीईङ, नेलेमे, ईङ आम मड़ांग रे मियांड दुवार जीःग तु तदिङ, जेके ओके होः इरकु जापुःड दड़ीआ, आम आला सवांग थोड़ेअ केन दो एदनाआ, सेरे होः आम ईङ आला वचन रेनअः पलान तदाम आउर ईङ आला नुमू रेनअः इनकार काम लआ।

जे जीताआय, ईङ हुनी के अपन लो: अपन राईज गदी रे दुड़ूगियीङ, जे लकान ईङ होः जीताव केते अपन बाबा लो: साँघे हुनी आला राईज गदी रे दुड़ूः निङ।

आपे जे कंहड़ीआपे ची आले धनगाराले, आउर गीरहत नाले, आउर आले के एतान जिनीस रेनअः होः घटकमी कनोआँ, बकिर नोःआँ कापे पाड़ीआ ची आपे अभागा आउर गिरल-परल आउर रांगे:ग तेताङ आउर अंधरा आउर लंगटा एदान पेआ।

आपे ईङ आला खातिर रेनअः वचन के थंभाव तदापे, हिना लःअय ईङ होः आपे के सताव रेनअः होना बेरा बंचाव पेईङ जे दुनिया रे तहिनोअ कु के परीकछा लःअय गोटा धरती रे हिजोअ वाला एदानिया।

ईङ जलदी गी हिजोअ वाला एदानिङा, जे आपे दुबाःड़े एदनाआ होना के थंभाव तापे ची आपे आला मुकूट के जाहें होः आलकु रेःग के।

चौंवचित ताहिन पे, आपे मेसे जे बाकी एदनाआ आउर जे गोजोअः वाला एदनाआ, होना के मजगुतेपे, आपे आला चाइल चलन के अपन परमेसर आला नजाईर रे ईङ पुरा काईङ नाम लाईङ।