दिस.वचन 16

परमेसर आला खीस रेनअः सात कटोरा

1फिन ईङ परमेसर आला ओड़ाअ रे जाहें के जोर से हुंकू सातो सिरमादूतकु के नोकान कंहड़ी यअते अयुम लियीङ, “जु सेनपे आउर परमेसर आला बिपाईत रअः सातो कटोरा के धरती रे दुल गोअ तापे।” 2#उइठ 9:10हिना लःअय सुरू रिनी सिरमादूत सेन केते अपन कटोरा धरती रे दुल केदाय। आउर हुंकू होड़ एड़े, जेकर एड़े जनवर आला मरका थिना आउर हुनी आला मुरती रअः पुजाय केनाकु, आउर मि किसीम रअः गादुस आउर हासु वाला फोचका उडुंग ना। 3आउर दुसरा सिरमादूत अपन कटोरा समुदर रे दुल केदाय आउर होना गोएःग उनकु आला लकान मयोम बनाव ना, आउर समुदर रिनकु जामे जीव गोएःग नाकु। 4#उइठ 7:17–21; सिरिंग 78:44आउर तीसरा सिरमादूत अपन कटोरा नाई, आउर दाअः रेनअः सोंत रे दुल केदाय, आउर होना मयोम बनाव ना। 5आउर ईङ दाअः रिनी सिरमादूत के नोःआँ कंहड़ी यअते अयुम लियीङ, ची ए पबितर, जे एदानिया, आउर जे ताहिनाय, आम नेनेयाय वाला हेके, आउर आम नोःआँ नेयाय लअम। 6एता लःअय ची जे पबितर होड़कु आला, आउर आगमजानीकु आला मयोम तु ताही लअकु, आउर आम हुंकू के मयोम पियाव लिकुआम; एता लःअय ची हुंकू निआँ लाईक एदान कुआ। 7फिन ईङ बिदी तरअः नोःआँ सबद आयुम लिईङ, ची “हाँ, ए जामा तरअः सवांगिया परभु परमेसर! आम आला नेयाय ठीक आउर सच एदनाअ,”

8आउर चौथा सिरमादूत अनेःग आला कटोरा के सिंङ बोंगा रे दुल केदाय, आउर हुनी के होड़कु के सेंगेल लकान झोझोलाव रेनअः हक एमा लियाय। 9आउर होड़ मुरुक ताव रे झोलाव नाकु, आउर परमेसर आला नुमू जेके नोःआँ बिपाईत रेनअः हक एदनाआ, निन्दा लियाकु आउर हुनी आला म-महिमा लःअय मन काकु रूवाड़ लअः। 10#उइठ 10:21आउर पाचवाँ सिरमादूत अपन कटोरा हुनी जनवर आला राईज गदी रे दुल केदाय आउर हुनी आला राईज अंधार ना; आउर होड़कु बाथा रअः मारे अपन-अपन डाटा रिड़ी:ड दाकु। 11आउर अपन बाथा आउर फोचका रेनअः चलते सिरमा रिनी परमेसर आला निन्दा लअकु; आउर अपन-अपन काम तरअः मन काकु रूवाड़ लअः।

12 # जसा 11:15 आउर छटवाँ सिरमादूत अपन कटोरा बड़े नाई फुरात रे दुल लःअय आउर होना रअः दाअः रोहोड़ ना ची पुरूब तानकु राजा लःअय इसराइल हिजोअ लःअय होरा तेयार ना। 13आउर ईङ हुनी बड़े बोड़ा बिंङ आला आहा तरअः, आउर हुनी पहिला जनवर आला आहा तरअः आउर हुनी झुठा आगमजानी#16:13 झुठा आगमजानी झुठा आगमजानी दुसरा जनवर के उदूगेआय। आला आहा तरअः पेया असुध आतमाकु के रोटेकु लकान उड़ूंगोः नेल लिकुईंङ। 14-16#सं.मत्‍ती 24:43,44; सं.लुका 12:39,40; दि.वचन 3:3#2 राजा 23:29; जखरि 12:11नोःआँ चिनहा देदेखाव वाला मुवाँ आतमाकु हेके, जे गोटा दुनिया रिनकु राजाकु दुबाःड़े उडुंग केते निआँ लःअय सेनाकु ची हुंकू के जामा तरअः सवांगिया परमेसर आला होना बड़े दिन रअः लड़ाई लःअय जवार कु। आउर हुंकू, राजाकु के होना ठाँव रे जवार लिकुआकु, जेके इब्रानी भाखा रे हरमगिदोन मेन गेआकु।

नेलेपे, ईङ चोर लकान हिजोईंग; धनया एदानिया हुनी, जे फटि:ग ताही नोआय, आउर अपन गेन्दरअ के अपन लोः दोहोयाय, ची लंगटा अलुई दड़ान, आउर होड़कु हुनी के लंगटा आलकु निली।

17आउर सातवाँ सिरमादूत अपन कटोरा होय रे दुल लःअय, आउर पबितर ओड़ाअ रअः राईज गदी तरअः नोःआँ सबद जोर से आयुम नेना, ची “हुयाव चुकाव ना!” 18#दि.वचन 8:5; 11:13,19फिन मलकाअ, आउर ठेड़रे, आउर हादुड़ोः ताना, आउर मियांड मुरुक जोर भुईंडोल हुयाव नेना, ची जे बेरा तरअः मनवा आला सिरजाव धरती रे हुयाव ताना, हिमीन बेरा तरअः नोकान भुईंडोल कहियो का हुयाव थिना। 19#जसा 51:17आउर होना बड़े सहर पे खाँड़ाअ ना, आउर जाईत-जाईत रेनअः सहर नुर ना, आउर बेबीलोन रेनअः पाप के परमेसर उईहार लःअय ची हुनी अपन खीस रेनअः फुली दारू हुंकू के पियाव कु। 20#दि.वचन 6:14आउर जामा टापु अपन ठाँव तरअः ओचोअ ना; आउर बुरू टुंडू छपित ना। 21#उइठ 9:23; दि.वचन 11:19आउर सिरमा तरअः मि-मि मन रेनअः आरील होड़कु रे नुर नेना, आउर निआँ लःअय ची बिपाईत ढ़ेर गी भयभयान थिना, होड़कु आरील रेनअः बिपाईत रअः चलते परमेसर आला निन्दा लअकु।

Currently Selected:

दिस.वचन 16: ASR

Highlight

Copy

Compare