दिस.वचन 17

बड़े छंद बायसी

1 # जिर 51:13 जे सातो सिरमादूत सात कटोरा इदी ताही लअकु हुंकू मेसे मिहोंड़ ईङ दुबाःड़े हीःग केते बेता लिङाय, “नोनते एला, ईङ आम के हुनी ढ़ेर बायसी आला डांड़ उदूऊ मेईङ, जे मुरुक दाअः तेंग रे दुड़ूः तनाय। 2#जसा 23:17; जिर 51:7धरती रिनकु राजाकु हुनी लो: बेलाज कामी लअकु, आउर धरती रिनकु हुनी आला बेलाज काम रेनअः फुली दारू नु केते बुल नाकु।” 3#दि.वचन 13:1तब हुनी ईङ के आतमा रे चड़री टुंगरी रे इदी किदङाय, आउर ईङ होनाःड़े मियांड आउराईत के मियांड जरलया रंग रिनी जनवर रे दुड़ूः उनी नेल लियीङ। जनवर आला गोटा होड़ो रे परमेसर आला निन्दा रेनअः नुमू लिखा लअः थिना। हुनी आला सात गोड़ बोहोअ आउर दस गोड़ दिरींग थिना। 4#जिर 51:7नुई आउराईत जरलया आउर गोला रंग रेनअः गेन्दरअ सोलोंग थिलाआय, आउर सोना आउर मनिक्या किमती टुकू आउर मोती तरअः सिंगराव थिनाय, आउर हुनी आला तीः रे मियांड सोना रेनअः कटोरा थिना जे घींड़ जिनीस तरअः आउर हुनी आला बेलाज काम रेनअः असुध जिनीस तरअः पेरे:ग थिना। 5आउर हुनी आला समांग रे नोःआँ नुमू लिखा लअः थिना “भेद-बड़े बेबीलोन धरती रिनी बेलाज कामीई आउराईतकु आली आउर घींड़ घींड़ जिनीस रिनी एंगा।”

6आउर ईङ हुनी आउराईत के पबितर होड़कु आला मयोम आउर ईसु आला नुमू रेनअः चलते गोएःग लिनकु गोवाह कु आला मयोम नुनू रेनअः चलते बुल उनी नेल लियीङ।

आउर हुनी के नेल केते ईङ छकित निङ। 7हुनी सिरमादूत ईङ के बेता लिङाय, “आम एता लःअय छकित नाम? ईङ आम के नुई आउराईत, आउर हुनी जनवर आला भेद उदूः मिईङ। जेकर एड़े हुनी दे:ग तनाय, आउर जेकर सात गोड़ बोहोअ आउर दस गोड़ दिरींग एदनाआ, आम के भेद उदूः तदमेआय। 8#दानि 7:7; दि.वचन 11:7; सिरिंग 69:28जे जनवर आम नेल तदियाम, नुई पहिल रेदो ताहिनाय, बकिर नहाअः दो कनियाँ, आउर अनथाह गहीड़ तरअः उडुंग केते हुनी नास कोआय, आउर धरती रे ताहिनोअ कु जेकर नुमू दुनिया रअः सिरजअः बेरा तरअः जिनगी रअः पुथी रे का लिखा ताना, नुई जनवर नेल केते, पहिल रे ताहिनाय, आउर नहाअः कनियाँ; आउर फिन हीःग कोआय, छकरित कोआकु। 9नोःआँ समझअ लःअय बेस बुधी चाही निआँ मोका एदनाआ। होना सातो बोहोअ सात गोड़ बुरू हेके, जेकर रे हुनी आउराईत दुड़ूः तनाय। हुंकू सातो राजा हेके। 10आउर होना सातो बोहोअ हुंकू सातो राजा होः हेके, पाँच झन दो हुयाव चुकाव तानाकु, आउर मियांड एदानिया, आउर मियांड नहाअः जगुत काय हीःग ताना, आउर जे बेरा हीःग कोआय, दो थोड़ेक बेरा जगुत हुनी आला ताहिनोअ होः दरकार एदनाआ। 11आउर जे जनवर पहिल रे ताहिनाय, आउर नहाअः कनियाँ, हुनी खुदे आठवाँ राजा हेके; आउर हुंकू सातों मेसे मियांड हेके, आउर नसोअ वाला एदानिया। 12#दानि 7:24आउर जे दस गोड़ दिरींग आम नेल लअम हुंकू दस राजा हेके; हुंकू नहाअः जगुत राईज काकु नाम लअः; बकिर हुंकू जनवर लो: झलक बदे राजा लकान हक नाम केआकु। 13हुंकू मि-चित कोआकु, आउर हुंकू सवांग आउर हक हुनी जनवर के एमा कियाकु। 14नुकू पठरु लोः लड़ाई कोआकु, आउर पठरु हुंकू रे जीताव कोआय; एता लःअय ची हुनी परभु कु आली परभु आउर राजाकु आली राजा हेके, आउर जे राअः लिनकु आउर निबाड़ लिनकु आउर बिसवासी हुनी लोः एदान कुआ, हुंकू होः जीताव कोआकु।”

15फिन हुनी ईङ लोः कंहड़ी लःअय, ची जे दाअः आउर दाअः एकला आम नेल लअम, जेकर रे बाइसी दुड़ूः तनाय, हुंकू होड़, आउर तुंदरा, आउर राईज, आउर भाखा हेके। 16आउर जे दस गोड़ दिरींग आम नेल लअम, हुंकू आउर जनवर हुनी बाइसी लो: खीस दोहो केआकु, आउर हुनी के लचार आउर लंगटी कियाकु; आउर हुनी आला सिकार के जोम केआकु, आउर हुनी के सेंगेल रे तियांग कियाकु। 17एता लःअय ची परमेसर हुंकू आला मन रे नोःआँ जोजना लगाव केआय, ची हुनी आला जोजना के पुराव केआकु; आउर जे बेरा जगुत परमेसर आला बचन आलु पुरायोअ, हुमिन जगुत मि मन केते अपन-अपन राईज जनवर के एमा गुल ताई। 18आउर हुनी आउराईत, जेके आम नेल तदियाम होना बड़े सहर हेके, जे धरती रिनकु राजाकु रे राईजेआय।

Currently Selected:

दिस.वचन 17: ASR

Highlight

Copy

Compare