दिस.वचन 15

आखरी बिपाईत लोः सिरमादूत

1फिन ईङ सिरमा रे मियांड आउर बड़े आउर छकरित चिनहा नेल लाईङ, माने कि सात सिरमादूत जेकर दुबाःड़े सात आखरी बिपाईत ताही नेना, एता लःअय ची होना चबा जुनोः रे परमेसर आला मुरुक खीस रेनअः आखरी एदनाआ।

2हिमीन रे ईङ सेंगेल मेसा उना काँच रेनअः लकान मियांड समुदर के नेल लाईङ, आउर जे होड़ हुनी जनवर रे आउर हुनी आला मुरती रे आउर हुनी आला नुमू रेनअः संखेया तरअः जीताव थिनाकु, हुंकू के होना काँच रेनअः समुदर हेनाःड परमेसर आला ढेर बगरा सांरगी के इदी केते तिंगु उनकु नेल लिकुईंङ। 3#उइठ 15:1हुंकू परमेसर आली बंधाउवा मुसा आला सिरिंग, आउर पठरु आला सिरिंग, सिरिंग-सिरिंग कंहड़ी केनाकु,

“हे जामा तरअः सवांगिया परभु परमेसर,

आम आला काम महान आउर अचरज एदनाआ,

हे जामा जाईत-जाईत कु रिनी राजा,

आम आला चाइल ठीक आउर सचा एदनाआ।”

4 # जिर 10:7; सिरिंग 86:9 “हे परभु, ओके आम तरअः इरकु बोरा आउर

आम आला नुमू रेनअः इरकु महिमाया?

एता लःअय ची आम गी पबितर एदान मेआ।

जामा जाईत हीःग केते

आम आला आराधना केआकु,

एता लःअय ची आम आला नेयाय रेनअः काम दिसतार ना।”

5 # उइठ 38:21 नोःआँ तयोम ईङ नेल लाईङ ची सिरमा रे गोवाही रअः तंबू रेनअः पबितर बिनती ओड़ाअ के उघड़ाव लअकु, 6आउर हुंकू सातो सिरमादूत जेकर दुबाःड़े सातो बिपाईत ताही नेना, मलमल रेनअः सुध चमकदार गेन्दरअ आउर सोना रेनअः पाटी छाती रे तोल उनकु पबितर बिनती ओड़ाअ तरअः उडुंग नेनाकु। 7हिमीन रे हुंकू चाईर परानी मेसे मियांड हुंकू सातो सिरमादूत के परमेसर, जे जुग-जुग जिवीःड ताही नोआय, आला मुरुक खीस तरअः पेरेःग उना सोना रेनअः सात कटोरा एमा लिकुआय, 8#उइठ 40:34; 1 राजा 8:10,11; 2 इति 5:13,14; जसा 6:4आउर परमेसर आला महिमा आउर हुनी आला सवांग रअः चलते पबितर बिनती ओड़ाअ सुकूल रे पेरेःग ना, आउर जब तक हुंकू सातो सिरमादूत आला सातो बिपाईत का चबायोः जगुत ओके होः पबितर ठाँव काकु सेन दाड़ी नेना।

Currently Selected:

दिस.वचन 15: ASR

Highlight

Copy

Compare