दिस.वचन 14

पठरु आउर हुनी आलकु होड़

1 # जहेज 9:4; दि.वचन 7:3 ईङ फिन नेल लाईङ ची हुनी पठरु सियोन टुंगरी रे तिंगु तनाय। हुनी लोः मि लाख चौवालीस हजार होड़ एदान कुआ। जेकर समांग रे हुनी आला नुमू आउर आपाते आला नुमू लिखा लअः एदनाआ।

2आउर सिरमा तरअः ईङ के नोकान सबद आयुम नेना, जे ढेर दाअः तुयोअ लकान मुरुक घाघ साड़ीयोः रेनअः सबद, आउर जे सबद ईङ आयुम लाईङ होना नोःआँ लकान ताहिना, जे लकान सांरगी बजाव कु सांरगी बजाव दाकु। 3आउर हुंकू राईज गदी हेनाःड आउर चाईरो परानीकु हेनाःड आउर परधान कु मड़ांग रे मनाअ पे ची मियांड नावाँ सिरिंग सिरिंगे केनाकु। आउर हुंकू मि लाख चौवालीस हजार के बाई केते जे धरती तरअः किरिङ थिलकुआकु, ओके होः होना सिरिंग के काकु सिखाव दाड़ी केना।

4नुकू हुंकू हेके, जे आउराईतकु लोः काकु असुध ताना#14:4 आउराईतकु लोः काकु असुध ताना नोःआँ हुंकू के देखाव कुआय जे होड़ ईसु भाईर के अराधनाई याकु।, डिंड़ा गी एदान कुआ। नुकू हुंकू गी हेके, जहान ते होः पठरु सेनाय, नुकू हिनी लोः सेनाकु। नुकू परमेसर आउर पठरु लःअय सुरू जोअ हुयाअः लःअय मनवाकु तरअः किरिङ लिदकु हेके। 5#सेफ 3:13आउर हुंकू आला आहा तरअः कहियो झुठ का उडुंग थिना, हुंकू बेकासुर ताही नेनाकु।

पेया सिरमादूत

6आउर ईङ आउर मियांड सिरमादूत के सिरमा रेनअः ताला रे ओटांगोअ नेल लियीङ, जेकर दुबाःड़े धरती रे ताहीनोअकु के जामा जाईत आउर गोतोर आउर भाखा आउर होड़कु के सुसुनाव लःअय का-अन्तोः वाला बेस खभाईर ताही नेना। 7हुनी जोर से नोकान कंहड़ी लःअय, “परमेसर के बोरपे आउर हुनी आला महिमायपे, एता लःअय ची हुनी आला नेनेयाय रेनअः बेरा हीःग सोदोर ना, आउर हुनी आला आराधनायपे, जे सिरमा राईज आउर धरती आउर समुदर आउर दाअः रेनअः झरना के बनाव लःअय।”

8 # जसा 21:9; जिर 51:8; दि.वचन 18:2 आउर नोःआँ तयोम मियांड एटाअ सिरमादूत नोःआँ कंहड़ी यअते हीःग नेनाय “नुर ना, होना बड़े बेबीलोन नुर ना जे अपन बेलाज कामी रेनअः मोह माया रेनअः फुली दारू जामे जाईतकु के पियाव तदकुआय।”

9आउर हुंकिन बनार तयोम मियांड आउर सिरमादूत मुरुक जोड़ से नोःआँ कंहड़ी यअते हीःग नेनाय, आउर “जे हुनी जनवर आउर हुनी आला मुरती रेनअः पुजायाय आउर अपन समांग चाहे तीः रे हुनी आला मरका इदीयाय, 10#जसा 51:17; एहेः 19:24; जहेज 38:22दो हुनी के परमेसर आला खीस रेनअः फुली दारू हुनी आला खीस रेनअः कटोरा रे दुल लअः एदनाआ, नु केआकु आउर पबितर सिरमादूत हेनाःड आउर पठरु रेनअः हेनाःड सेंगेल आउर गंधक रेनअः बिपाईत रे नुर कोआकु। 11#जसा 34:10आउर हुनी आला बिपाईत रेनअः सुकूल जिनगी जुग-जुग ओटांग एका कोआ। जे हुनी जनवर आउर हुनी आला मुरती के पुजायाकु आउर जे हुनी आला नुमू रेनअः मरका इदीयाकु, हुंकू निदा ना सिंङ इरकु सथाआ।” 12पबितर होड़कु आला धीरज निआँ रे एदनाआ जे परमेसर आला हुकूम के मनाआकु आउर ईसु रे बिसवास दोहो याकु।

13आउर ईङ सिरमा तरअः नोःआँ सबद आयुम लाईङ ची “लिखाय मे, जे परभु रे बिसवास केते गोजोआकु, हुंकू नहाअः तरअः धनया एदान कुआ,”

पबितर आतमा कंहड़ीयाय, “हाँ, हुंकू अपन जामा खटाअ तरअः सथाव कोआकु, आउर हुंकू आला काम हुंकू लोः सेना।”

धरती रेनअः खिती

14 # दानि 7:13 ईङ नजाईर लाईङ आउर नेलेपे, मियांड पुँड़ी रिंबील नेलोअ ताना, आउर होना रिंबील रे मनवा होपोन लकान जाहें दुड़ूः तनाय, जेकर बोहोअ रे सोना रेनअः मुकूट आउर तीः रे धार दातरोम एदनाआ। 15#जोए 3:13फिन आउर मियांड सिरमादूत बड़े बिनती ओड़ाअ तरअः उडुंग केते हुनी तरअः, जे रिंबील रे दुड़ूः थिनाय, मुरुक जोड़ से हकाव केते बेता लियाय, “धरती रेनअः खिती बिली चुकाव ताना, इरोअ रेनअः बेरा हीःग सोदोर ना, हिना लःअय अपन दातरोम तरअः छेंव चलाव केते खिती इरेमे।” 16हिना लःअय जे रिंबील रे दुड़ूः थिनाय हुनी धरती रे अपन दातरोम चलाव लःअय, आउर धरती रेनअः खिती ईर लअकु।

17फिन आउर मियांड सिरमादूत होना बड़े बिनती ओड़ाअ तरअः उडुंग नेनाय जे सिरमा राईज रे एदनाआ, आउर हुनी दुबाःड़े होः धार दातरोम ताही नेना। 18फिन आउर मियांड सिरमादूत जेके सेंगेल रे हक ताही नेना, बिदी तरअः उडुंग नेनाय, आउर हुनी सिरमादूत के जेकर तीः रे चोख धार दातरोम ताही नेना, हुनी के जोड़ से बेता लियाय, “धरती रेनअः होना अंगुर जोअ बिली चुकाव ताना अपन धार दातरोम छेंव चलाव केते अंगुर लरंग रेनअः झोपा के इरेमे।” 19नोःआँ रे सिरमादूत अपन दातरोम तरअः धरती रे छेंव चलाव लःअय, आउर धरती रेनअः अंगुर लरंग रेनअः खिती जवार केते होना के परमेसर आला खीस रेनअः बड़े रस कुंड़ रे लगाव लःअय। 20#जसा 63:3; कलपा 1:15; दि.वचन 19:15सहर रेनअः बाहरी होना रस कुंड़ रे दाख झोपा के राउंदाव लअकु, आउर रस कुंड़ तरअः नुमिन मयोम उडुंग नेना ची घोंड़ा आला लगाम उसूल जगुत रकाःब ना, आउर साव कोस जगुत तुअ ना।

Currently Selected:

दिस.वचन 14: ASR

Highlight

Copy

Compare