Popular Bible Verses from दिस.वचन 14

Share

आउर ईङ सिरमा तरअः नोःआँ सबद आयुम लाईङ ची “लिखाय मे, जे परभु रे बिसवास केते गोजोआकु, हुंकू नहाअः तरअः धनया एदान कुआ,” पबितर आतमा कंहड़ीयाय, “हाँ, हुंकू अपन जामा खटाअ तरअः सथाव कोआकु, आउर हुंकू आला काम हुंकू लोः सेना।”

पबितर होड़कु आला धीरज निआँ रे एदनाआ जे परमेसर आला हुकूम के मनाआकु आउर ईसु रे बिसवास दोहो याकु।

हुनी जोर से नोकान कंहड़ी लःअय, “परमेसर के बोरपे आउर हुनी आला महिमायपे, एता लःअय ची हुनी आला नेनेयाय रेनअः बेरा हीःग सोदोर ना, आउर हुनी आला आराधनायपे, जे सिरमा राईज आउर धरती आउर समुदर आउर दाअः रेनअः झरना के बनाव लःअय।”

आउर हुंकिन बनार तयोम मियांड आउर सिरमादूत मुरुक जोड़ से नोःआँ कंहड़ी यअते हीःग नेनाय, आउर “जे हुनी जनवर आउर हुनी आला मुरती रेनअः पुजायाय आउर अपन समांग चाहे तीः रे हुनी आला मरका इदीयाय, दो हुनी के परमेसर आला खीस रेनअः फुली दारू हुनी आला खीस रेनअः कटोरा रे दुल लअः एदनाआ, नु केआकु आउर पबितर सिरमादूत हेनाःड आउर पठरु रेनअः हेनाःड सेंगेल आउर गंधक रेनअः बिपाईत रे नुर कोआकु। आउर हुनी आला बिपाईत रेनअः सुकूल जिनगी जुग-जुग ओटांग एका कोआ। जे हुनी जनवर आउर हुनी आला मुरती के पुजायाकु आउर जे हुनी आला नुमू रेनअः मरका इदीयाकु, हुंकू निदा ना सिंङ इरकु सथाआ।”

ईङ फिन नेल लाईङ ची हुनी पठरु सियोन टुंगरी रे तिंगु तनाय। हुनी लोः मि लाख चौवालीस हजार होड़ एदान कुआ। जेकर समांग रे हुनी आला नुमू आउर आपाते आला नुमू लिखा लअः एदनाआ।

आउर ईङ आउर मियांड सिरमादूत के सिरमा रेनअः ताला रे ओटांगोअ नेल लियीङ, जेकर दुबाःड़े धरती रे ताहीनोअकु के जामा जाईत आउर गोतोर आउर भाखा आउर होड़कु के सुसुनाव लःअय का-अन्तोः वाला बेस खभाईर ताही नेना।

आउर नोःआँ तयोम मियांड एटाअ सिरमादूत नोःआँ कंहड़ी यअते हीःग नेनाय “नुर ना, होना बड़े बेबीलोन नुर ना जे अपन बेलाज कामी रेनअः मोह माया रेनअः फुली दारू जामे जाईतकु के पियाव तदकुआय।”