दिस.वचन जान-चिनहार
जान-चिनहार
जोहन आला दिसतार वचन नावाँ कनहुन रअः आखरी पुथी हेके। नोःआँ के होः प्रेरित जोहन दोवारा मसी आला जनम रअः लगभग 96 साल तयोम लिखा लअः हेके (1:1 )। हुनी जोहन लिखा लअः बेस खभाईर तेकर पेया चिठी, 1 जोहन, 2 जोहन, तेकर 3 जोहन होः लिखा लःअय। जोहन के होना मेसे मियांड रअः भेस रे होः पाड़ी केनाकु जेके ईसु दुलारी केनाय (सं.जोह 13:23)। हुनी प्रकासित रेनअः पुथी के पतमुस टापु रे ताहिनोअ तुली लिखा लःअय, एता लःअय ची ईसु आला बेस खभाईर रेनअः परचार रअः काम रेनअः चलते हुनी के देस तरअः उडुंग लियाकु (कड़िया दाअः) रेनअः सजा एमा थिलयाकु (1:9 ) दिसतार वचन के लि-लिखा रअः तयोम जोहन आला मतलोब थिना ची पढ़ाअकु ईसु ख्रीस्त प्रति बिसवास जुकूर बनाल ताहिन कु तेकर हुनी रे आसरा दोहो वाला ताहिन कु, एता लःअय ची ईसु आला दोबारा हिजोअ हेनाडा (1:3; 22:7)। हुनी सधारन भेस रे जामे बिसवासीकु लःअय लिखा लःअय तेकर अध्याय 2—3 रे खास केते सात कलीसिया के लिखा लःअय। जोहन अपन लिखा लअः बात के आगमजानी याय (1:3 ) तेकर अपन दरसन रे नेल लआ बात के उउदूः लःअय हुनी ढेर चिनहा रेनअः इस्तेमालेआय। नोःआँ पुथी मारी कनहुन रअः थोड़ेक हिस्सा, खास केते जखरि 6:1–8 तरअः मिलअ-जुलाआ। सात तुरही तेकर सात कटोरा होः परमेसर दोवारा मिसर रे भेजाव लआ बिपाईत तरअः ढेर मिलाअ जुलाआ (उइठ 7—9)। दिसतार वचन आखरी रअः बेरा के उदूगेआय, जेकर रे ईसु जिताव कोआय तेकर होना रे भरोसा दो-दोहोकु जामेकु हुनी लोः का-अन्तोः बेरा जगुत जिवीःड ताही कोआकु। नोःआँ पुथी के अपन चेतावन तेकर आसरा लःअय इदीयाबु ची ईसु फिन रूवाड़ दराईया।
रुपरेखा
1. जोहन नोःआँ उदूः यअते सुरू याय ची हुनी ओके हेके, तेकर हुनी एता लकान हिजोअ वाला दिन रे हुयाअः वाला दरसन के नाम लःअय (1:1—1:20)
2. हुनी ईसु तरअः सीधे नाम लआ मियांड संदेस के सातो कलीसिया के उदूः कुआय। (1:1—3:22)
3. फिन हुनी सात मुहर (4:1—8:5), तेकर सात तुरही रेनअः बखानेआय (8:6—11:19)।
4. होना तयोम जोहन चेंगा तेकर सात बोहोअ वाला बोड़ा बिंङ ताला रे लड़ाई रेनअः बखानेआय (12:1—14:20)
5. फिन हुनी खीस रेनअः सात कटोरा रअः बारे लिखायाय (15:1—16:18)
6. तब जोहन सिरमा रे हुयाव नेना लड़ाई रे अपन मुदाई रे परमेसर आला जीत रेनअः बखानेआय
7. आखरी रे हुनी सिरमा नावाँ धरती रअः बखानेआय (21:1—22:21)
Currently Selected:
दिस.वचन जान-चिनहार: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0