संत.मत्‍ती 24

ईसु बड़े बिनती ओड़ाअ उयुगोः रअः आगमजानी

1ईसु बड़े बिनती ओड़ाअ तरअः उडुंग केते सेनोः केनाय, ची हुनी आलकु चेला हुंकू बड़े बिनती ओड़ाअ रेनअः बड़े-बड़े बंगला के उ-ऊदुअ लःअय हुनी दुबाःड़े हीःग नेनाकु। 2ईसु हुंकू के बेता लिकुआय, “ईङ आपे के सचे कंहड़ीओ दिपीईंग, ची आपे नोःआँ जामा नेल दापे? बकिर नोःआँ टुकू तेंग रे टुकू एरे लादी ताहिनोआ, जामा के धसाव केआकु।”

बिपाईत रअः एहेबोः

(संत.मरकुस 13:1,2; संत.लुकास 21:5,6)

3जब ईसु जैतुन टुंगरी रे सोदोर केते दुड़ूः नाय, दो चेलाकु एकले ताही नेनाय हिमीन रे हुनी दुबाःड़े हीःग नेनाकु आउर बेता लियाकु। “आले के उदूगेमे नोःआँ ओका हिला हुयाव कोआ, आम आला हिजोअ आउर नोःआँ दुनिया रअः अन्तोः बेरा रअः एतान चिनहा हुयाव कोआ।”

4ईसु हुंकू के उतारा एमा लिकुआय, “चौंचित ताहिन पे, आपे के ओके होः आलकु बहकाव केपे। 5एता लःअय ची ढेर होड़कु ईङ आला नुमू रे हीःग कोआकु आउर कंहड़ी केआकु, ईङ ख्रीस्त हेके, आउर हुंकू ढेरकु के बहकाव किकुआकु 6आपे-आपे लड़ाई हेतरअ हुमाअ उपड़ीङोअ रेनअः खभाईर आयुमेआपे दो नोःआँ रे आलपे हदियाव कोअ, एता लःअय ची नोःआँ दो हुयाअः गी एदनाआ, बकिर निआँ अंतोः वाला नलागे। 7जाईत-जाईत रअः बिरोध रे जाईत बिरिःड कोआकु, आउर राईज एटाअ राईज रअः बिरोध रे बिरिःड कोआकु। ठाँव-ठाँव रे आकाल, आउर भुईंडोल हुयाव एका कोआ। 8नोःआँ जामा दुख बिपाईत रेनअः सुरू गी हुयाव कोआ।

9 # सं.मत्‍ती 10:22 “हिमीन बेरा होड़ आपे के सःब ची केते मुरुक सताव केपेआकु, आउर गोएःग केपेआकु। ईङ आला नुमू रअः चलते जामा जाईत आपे के घींड़ कोआकु। 10तब ढेर होड़ ठोकोर जोम केआकु, आउर हुंकू हुनी-नुई के सःब चिकु केआकु, आउर एटाअकु हुनी-नुई के घींड़ कोआकु। 11ढेर झुठा आगमजानी दिसतार कोआकु, आउर ढेर होड़कु के बहकाव किकुआकु 12एता लःअय ची अधरम बड़हाअ रअः चलते होड़कु आला पेरेम घटाव कोआ। 13#सं.मत्‍ती 10:22बकिर जे आखरी जगुत खातिर दोहोयाय, हिनी के उधार भेटाव कोआ। 14गोटा दुनिया रे सिरमा राईज रअः नोःआँ बेस खभाईर रअः परचार केआकु, जेकर से ची जामा जाईत रे नोःआँ रअः गोवाही भेटाअः, आउर हिमीन रे अंत हीःग कोआ।

मुरुक बड़े बिपाईत रअः सुरू

(संत.मरकुस 13:14–23; संत.लुकास 21:20–24)

15 # दानि 9:27; 11:31; 12:11 “जब आपे बड़े बिनती ओड़ाअ रे ‘नासोः पखी इदी वाला भयभयान घींड़ जिनीस के पबितर ठाँव रे तिंगु ओना नेल केआपे,’ जेकर चरचा आगमजानी दानिएल ताही लःअय ची (पढ़ाः कु समझाव जुनोःकु।) 16हिमीन रे जे जाहुदिया रे एदान कुआ हुंकू के बुरु तेंग रे नीर जुनोः चाही। 17#सं.लुका 17:31जे साड़ुम तेङ रे रकाःब उनकु ओड़ाअ भीतरी तरअः जहान जिनीस ईदी लःअय आलकु अड़गु कोअ। 18जे ओत ते एदान कुआ, हुंकू अपन गेन्दरअ इईदी लःअय आलकु रूवाड़ कोअ। 19हिमीन बेरा जे आउराईत भारी गतार रे एदानिया चाहे जेकर नुनू चेंगा एदान कुआ, हुंकू लःअय होना दिन मुरुक भय-भयान हुयाव कोआ। 20नोःआँ राबांग बेरा चाहे सथाअ हिला नीर आलु हुयाअः लःअय आपे बिनती पे। 21#दानि 12:1; दि.वचन 7:14एता लःअय ची हिमीन बेरा नोकान बेरा हीःग कोआ, परमेसर जे हिला दुनिया के सिरजाव लःअय, हेन हिला तरअः लेईकेते नहाअः जगुत नोःआँ लकान बिपाईत का हुयाव ताना, आउर ना, ओका हिला होः एरे हिजोआ। 22होना हिला के परभु एरे घटाव ताकेआ होले ओके मनवा होः इरकु बंचाव कोआ, बकिर हुंकू निबाड़ लिनकु होड़ खातिर, होना बेरा के घटाव लःअय। 23हिमीन बेरा, जाहें आपे के, ‘नोआँड़े ख्रीस्त एदानिया’ चाहे ‘होनाःड़े ख्रीस्त एदानिया,’ बेता पेआकु दो हुंकू के आलपे बिसवास किकु। 24एता लःअय ची हिमीन बेरा झुठा ख्रीस्त आउर झुठा आगमजानीकु दिसतार कोआकु, आउर चिनहा आउर छकरित कामी केआकु आउर मुरुक बड़े-बड़े काम कामी केआकु, हुयाव सकाअ होले निबाड़ लिनकु केहोः बहकाव किकुआकु। 25नेलेपे, आपे चौंचित ताहिनोः लःअय ईङ आपे के जामा जिनीस के पहिल रेगी उदूः तद पेईङ।

मनवा होपोन रअः आउर मिखेप हिजोअ

26 # सं.लुका 17:23,24 “जदि जाहें आपे के कंहड़ीआकु, ‘नेलेपे, हुनी रिड़िगया बुरु रे एदानिया,’ दो होनाःड़े आलपे सेन कोअ, चाहे ‘हुनी नोःआँ कुठली रे एदानिया,’ दो आलपे बिसवास के। 27एता लःअय ची जे लकान बिजली पुरूब तरअः उडुंग केते, पछिम जगुत लवकाआ, हिना लकान गी मनवा होपोन रअः हिजोअ हुयाव कोआ।

28 # सं.लुका 17:37 “जे एड़े मुरदा ताही कोआ होनाःड़े कनहार जवार कोआकु।

29 # जसा 13:10; जोए 2:10,31; 3:15; दि.वचन 6:12; जसा 13:10; जहेज 32:7; जोए 2:10; 3:15; जसा 34:4; दि.वचन 6:13 “हिमीन बेरा होना बिपाईत तरअः तयोम, तुरते सिंङ बोंगा कड़िया कोआय, आउर चानु होः एरे मरसालेआ, सिरमा तरअः इपील नुरू कोआकु, आउर सिरमा रेनअः सवांग हिलाव कोआ। 30#दानि 7:13; जखरि 12:10–14; दि.वचन 1:7आउर सिरमा रे मनवा होपोन आला चिनहा नेल कोआ, ओत रिनकु जामा राईज रिनकु छाती हुमाअ केआकु, आउर मनवा होपोन के मुरुक सवांग आउर महिमा लोः सिरमा रेनअः रिम्बिल रे हिजोअ नेल कियाकु। 31हुनी तुरही रअः जोर आवाज तेरे आनेःग आलकु सिरमादूतकु के कुलगोःड किकुआय। आउर सिरमा रेनअः नोःआँ छोर तरअः होना छोर जगुत गोटे तरअः निबाड़ लिनकु के नाम जवार कि कुआकु।

नोःआँ ओका हिला हुयाव कोआ।

(संत.मरकुस 13:28–31; संत.लुकास 21:29–33)

32“अंजीर सिङ तरअः नोःआँ गाम सिखाःपे। होना रेनअः डाईड़ नरम जुनोआ आउर होना रे पलहुवा योआ, होले आपे जेठ रेनअः दिन सोदोर ना के पाड़ी आपे। 33हिना लकान नोःआँ जामा घटना हुयाआ के नेलेआपे, दो होना दिन सोदोर ना के पड़ीपे, होना दिन हेनाःड रेगी एदनाआ, बकिर दुवार रेगी एदनाआ। 34ईङ आपे के सचे बेताः दिपीईंग ची नोःआँ परिया रअः अन्तोः तरअः पहिल रेगी नोःआँ जामा बात हुयाव कोआ। 35सिरमा आउर धरती टगाव जुनोः, बकिर ईङ आला कंहड़ी एरे टागाआ।

चौंचित ताही पे

(संत.मरकुस 13:32–37; संत.लुकास 17:26–30,34–36)

36“होना हिला के ओके होः काकु पड़ीआ, ना सिरमादूतकु आउर ना होपोन गी, परमेसर भाईर पड़ीआय। 37#एहेः 6:5–8जे नूह बेरा हुयाव ताहिनेना, हिना लकान मनवा होपोन रअः हिजोअ बेरा हुयाव कोआ। 38जलप्रलय हुयाअः तरअः पहिल रे नूह जहाज रे देजोः जगुत होड़कु जोम नु, आउर बिहायोः केनाकु। 39#एहेः 7:6–24जब तक जलप्रलय का हीःग ताहिना आउर होना जामाकु के काय तु इदी लिकुआ जगुत, ओके केहोः नोःआँ रअः पता का ताहिना। हिकान गी मनवा होपोन रअः हिजोअ बेरा हुयाव कोआ। 40हिमीन बेरा बारहोड़ हेरेल ओत रे ताही कोआकिन, हुंकिन मेसे मिहोंड़ के इदी कियाकु, आउर मिहोंड़ के बाई कियाकु। 41बनहोंड़ आउराईत जानता किंदराव केआकिन, दो मिहोंड़ के इदी कियाकु, आउर मिहोंड़ के बाई कियाकु। 42हिना लःअय आपे चौंचित ताहिन पे, एता लःअय ची आपे कापे पड़ीताना ची आपे आली परभु ओका हिला हिजोई एदानिया। 43#सं.लुका 12:39,40नोःआँ बेस केन बुझाव कोअपे जदि ओड़ाअ रिनी मलिक के पता ताहिकोआ दो चोर इकिन बेरा हिजोआय, दो हुनी बिरिःड ताही कोआय आउर आनेःग ओड़ाअ रे एरे चोर ची ताकेआ। 44हिना लःअय आपे तेयार ताहिन पे, एता लःअय ची जे बेरा आपे हुनी हिजोअ रअः कापे सोंचाव तआ हिमीन बेरा मनवा होपोन हीःग कोआय।

ईमानदार आउर बयमान धाँगड़

(संत.लुकास 12:41–48)

45“ओके नोकान ईमानदार आउर समझदार बंधाउवा एदानिया जेके हुनी आली गोमके अपन बंधाउवाकु रे नेनेल लःअय ओके के मुखिया दोहो कियाय, जेकर से ची हुनी ठीक समय रे जो-जोम लःअय एमा कुआय। 46जेके हुनी आली गोमके हिजोआय दो हिकान गी कामी यअते नामीयाय, हुनी बंधाउवा धनया एदानिया। 47ईङ आपे के सचेगी कंहड़ीओ दिपीईङ, मलिक हुनी बंधाउवा के आएंग आला अपन जेतना धन-खुरजी रेनअः देखा-तखा लःअय दोहो कियाय। 48बकिर जदि हुनी बयमान बंधाउवा आनेःग मन रे कंहड़ीआय, ईङ आली गोमके हिजोअ रे दिरीः दाय, 49आउर हुनी बंधाउवा गाती तेके हु-हुमाअ आउर मतवाड़ीकु लोः जोम नुनू एहेःब केदाय। 50दो हुनी बंधाउवा आली गोमके नोकान दिन रे हीःग कोआय, जब हुनी, हुनी रअः हिजोअ के काय नेल आसरा तअः आउर नोकान बेरा रे हीःग कोआय ची हुनी एरे पाड़ी दड़ीआ। 51तब हुनी के, मलिक मांअ खांड़ाः चिकु केआय, आउर ढोंगीकु लकान डांड़ एमा कियाय। होनाःड़े हुंकू ईयाम केआकु आउर डाटा रिड़िःग एका केआकु।

Currently Selected:

संत.मत्‍ती 24: ASR

Highlight

Compare

Copy