इब्रानी 9

दुनिया रअः तंबू

1पहिल रअः वाचा रे होः आ-अराधना रअः रिती ताहीना, आउर नोःआँ लकान पबितर ठाँव दुनिया रअः ताहीना। 2#उइठ 26:1–30; उइठ 25:31–40; उइठ 25:23–30नोःआँ रे मियांड तंबू ताहीना, तंबू रअः पहिला खंधा रे दिलखा आउर टिबुल आउर दान रका:ब रअः ला:ड ताहिना, आउर होना पबितर ठाँव कहलाआ। 3#उइठ 26:31–33आउर तंबू रअः दुसरा खंधा रे होना तंबू ताहीना, जे जामा तरअः अगम पबितर ठाँव कहलाआ। 4#उइठ 30:1–6; उइठ 25:10–16; उइठ 16:33; गन 17:8–10; उइठ 25:16; कन 10:3–5होना रे धुप जुजूल लःअय सोना रअः बिदी आउर चाईरो पखी सोना तरअः गरहाव ऊना वाचा रअः बकसा आउर नोःआँ रे मन्‍ना तरअः पेरे:ग उना सोना रअः बसान, आउर हारुन आला ठेंगा जेकर रे बाहा जोअ जो ताहीना, आउर करार रअः बरिया पटी ताहीना। 5#उइठ 25:18–22आउर लवकाव रे पेरे:ग उनकिन बरिया दूत जे छमा रअः ठाँव के अफड़ाअः तकिन रे डबाव ताही लअकिन। नुकिन आला मि-मियांड रअः बारे उऊदूअ रअः बेरा नहाअः कनोआँ।

6 # गन 18:2–6 जे बेरा नोःआँ चीज तेयार ना, होना तयोम पहिल तंबू रेदो पुरोहितकु रोज दिन बोलो केते अराधना रअः काम के कामी केनाकु। 7#लेवी 16:2–34बकिर तंबू रअः दुसरा खंधा रे बड़े पुरोहित साल रे मिखेप मयोम इदी केते बोल केनाय, होना के अनेःग लःअय आउर होड़कु लःअय जे का पाड़ी रे पापे केनाकु लःअय भेंट रकाबे केनाय। 8नोःआँ रे पबितर आतमा निआँ देखायाय, ची जब तक पहिला तंबू तिंगु ताना, हुमिन जगुत जामे तरअः अगम पबितर ठाँव रे इरकु बोल दड़ीआ 9नोःआँ नहाअः रअः जुग लःअय मियांड गाम हेके, होना भेंट आउर बलिदान रकाबेआय, अराधनायाकु आला भितरी मन सिध कनोआँ सेके दिसतारेआय। 10एता लःअय ची हुंकू जोजोम नुनू रअः जिनीस आउर किसीम-किसीम रअः ऊमोअ रअः रिती रेनअः अधार रे होड़ो रअः कनहुन हेके, जे जामा सुधराअ बेरा जगुत लःअय ठहराव लअः एदनाअ।

11बकिर जब ख्रीस्त हिजोअ वाला बेस-बेस जिनीस लःअय बड़े पुरोहित बनाव केते हीःग तनाय, दो हुनी आउर बड़े आउर जे सिध उना तंबू तरअः हीःग तनाय, जे तीः तरअः बनाव ऊना नलागे, बकिर नोःआँ दुनिया रअः नलागे। 12आउर बकरा आउर बाछाकु आला मयोम तरअः बनाव ऊना नलागे, बकिर अनेःग आला मयोम तरअः मियेखेप रे पबितर ठाँव रे बोलो नेनाय, आउर नोःआँ लकान आबु लःअय का-अन्तोः वाला छुटकारा के निसचित लःअय। 13#लेवी 16:15,16; गन 19:9,17–19पुरोहित बकरा आउर बाछा आला मयोम आउर बछिया रअः तोरे:ग छुँत होड़कु एड़े झिरकायाय आउर हुंकू आला कनहुन रअः मोताबिक होड़ो बाहरी भेस रे पबितर जुनोआ। 14जदि नोःआँ सच हेके दो ख्रीस्त आला मयोम, जे अपने के का-अन्तोः वाला आतमा रे परमेसर मड़ांग रे बेकासुर बलिदान रअः भेस रे रकाःब लःअय, आम आला भितरी मन के गोएःग ऊना काम तरअः एता लःअय एरे सुधेआ, जेकर से आम जिवीःड परमेसर के सेवाईमे।

15हिना लःअय ख्रीस्त नावाँ करार रअः मियांड बिचवाई पाड़ी नेनाय, जेकर से जेके राअः कुआय हुंकू का-अन्तोः वाला जिनगी रअः हक नाम दाड़ीकु, जेके परमेसर करार ताही लःअय। नहाअः दो नेलेपे, पहिल रे ताही लअकु होना वादा रअः अधीन पाप तरअः हुंकू के छोछोड़ाव लःअय भुगताव रअः भेस रे गोएःग नाय। 16एता लःअय ची जे दुबाःड़े करार ठहराव लअः एदनाआ होनाःड़े करार ठठहराव वाला कु आला मराईन होः हुयाअः जरूरी एदनाआ। 17एता लःअय ची नोकान करार गोजोअः रे पका एदनाआ, आउर करार ठठहराव वाला जिवीःड ताही नोआय, हुमिन जगुत करार काम रअः का ताहिनोआ। 18हिना लःअय पहिल रअः वाचा होः बेगर मयोम रअः का ठहराव नेना। 19#उइठ 24:6–8एता लःअय ची जे बेरा मुसा जामे होड़कु के मि-मियांड कनहुन रअः हुकूम सुनावऊ लिकुआय, दो हुनी बाछाकु आउर बकराकु आला मयोम इदी केते, दाअः आउर जरलया ऊन आउर सोहों खाता सिंङ दुबा रेनअः डाईड़ रे जोबराव केते होना पुथी रे आउर होड़कु रे छिटकाव लःअय। 20आउर कंहड़ी लःअय, ची “नोःआँ होना करार रअः मयोम हेके, जेकर हुकूम परमेसर आपे लःअय एम लःअय।” 21#लेवी 8:15आउर नोःआँ रिती रे तंबू आउर सेवा रअः जामे समान लकान रे मयोम छिटकाव लःअय। 22#लेवी 17:11आउर कनहुन रअः मोताबिक मि-मियांड जामे जिनीस मयोम रे सुधेआकु आउर बेगर मयोम तू ते छमा का हुयाआ।

ख्रीस्त आला मयोम तरअः पाप छमा

23हिना लःअय दरकार एदनाआ ची सिरमा रअः जामा जिनीस रेनअः चिनहा भाईर थिना, होना जामा जिनीस जनवर आला मयोम रे सुधे, बकिर सिरमा रअः जिनीस दो नोःआँ तरअः बेस से बेस बलिदान रे सुसुध रअः दरकार ताहिनेना। 24एता लःअय ची ख्रीस्त होना तीः रे बनाव लअः पबितर ठाँव रे जे सचे पबितर ठाँव रअः नमुना हेके, काय बोलो नेना, बकिर सिरमा राईज रेगी बोलो नेनाय, जेकर से ची आबु लःअय नहाअः परमेसर मड़ांग रे नेलोए। 25बड़े पुरोहित मयोम इदी केते जे आएंग आला का ताहिना, जामा बरीस जामे तरअः अगम पबितर ठाँव रे बोल केनाय, ईसु लःअय नोःआँ लेकन घड़ी-घड़ी बलिदानोअ रअः दरकार कनोआँ। 26जदि नोकान हुयाव तकोआ दो, दुनिया रअः सिरजअः तरअः गी हुनी के एकसम ससाईत उठाव पड़ाव ताही ताकोआ, बकिर नहाअः दो जुग रअः आखरी रे मियेखेप दिसतार नेनाय, जेकर से ची हुनी खुदे अनेःग आला बलिदान रे पाप के मेटाय। 27आउर नोःआँ लेकन मनवाकु लःअय मिखेप गोजोअः आउर होना तयोम नेयाय रअः हुयाअः ठहराव लअः एदनाआ। 28#जसा 53:12निआँ लेकन गी ख्रीस्त होः गी ढ़ेर बगरा पाप के गोगोअ लःअय मिखेप बलिदान नेनाय, आउर जे होड़ हुनी आला आसरा नेलेआकु, हुंकू आला उ-उधार लःअय आउर मिखेप बेगर पाप रअः नेल कोआय।

Currently Selected:

इब्रानी 9: ASR

Highlight

Copy

Compare