इब्रानी 10

सिध बलिदान

1एता लःअय ची कनहुन जेकर रे हिजोअ वाला बेस जिनीस रअः उबूंल हेके, बकिर होना रअः असली भेस कनोआँ, होना कनहुन रअः मोताबिक हरेक साल मि बरन रेनअः बलिदान रकाबेआकु। कनहुन होना बलिदान तरअः उपासना याकु हुंकू के सिसिध एरे दड़ीआ। 2कोवान दो बलिदान चचढ़ाव एरे चबा ताहीकोआ? एता लःअय ची मिखेप सुध कोअ तरअः आ-अराधना कु आला भितरी मन, हुंकू के दोसी एरे ठहराव कुआ। 3नहाअः दो होना बलिदान तरअः हर बरीस पाप के उईहार चिआकु। 4एता लःअय ची बाछा आउर बकरा रअः बलिदान मयोम पाप के एरे मेटाव दड़ीआ।

5 # सिरिंग 40:6–8 हिना लःअय जे बेरा ईसु नोःआँ दुनिया रे हीःग ताहिनाय, हिमेरे कंहड़ी ताही लःअय,

“आम बलिदान आउर दान काम चाहव नेना,

बकिर ईङ लःअय मियांड होड़ो तेयार लअम।

6होम बलि#10:6 होम बलि जनवर के पुजा केते सेंगेल रे रोंगो जिजीराव के मेन गेआकु। आउर, पाप बलि तरअः आम काम खुस नेना,

7तेकर ईङ आउर कंहड़ी ताही लिईङ,

आउर धरम पुथी रे ईङ रअः बारे रे नोकान लिखा लअः एदनाआ, ‘ईङ नोआड़े एदानिङा।

ए परमेसर ईङ आम आला इकछा पुपुराव हीःग तानिङ।’”

8ख्रीस्त पहिल रेगी कंहड़ी ताही लःअय, “आम जामा बलिदान आउर भेंट आउर जामा होम बलि आउर पाप बलि, आम ना दो चहाव नेनाम आउर नाखुस नेनाम, रे होः गी बलिदान दो कनहुन रअः मोताबिक गी रका:बे केनाकु।” 9तेकर हुनी कंहड़ी लःअय “नेलेमे, ईङ आम आला इकछा पुपुराव लःअय हीःग तानिङ,” नोःआँ लकान हुनी मारी के हटाव केआय आउर नावाँ के आगु केआय। 10हिना लःअय परमेसर आला ईकछा रे मियेखेप ईसु ख्रीस्त आला होड़ो रअः भेंट रे आबु पबितर नाबु। 11#उइठ 29:38आउर जामे पुरोहित तिंगु केते रोज दिन सेवाय केनाकु आउर मि बरन रेनअः आउर घड़ी-घड़ी बलिदान रकाबे केनाकु, जे पाप के कहियो काय हटाव दड़ीआ। 12#सिरिंग 110:1बकिर पाप लःअय मियेखेप बलिदान रका:ब केते, हुनी जुग-जुग लःअय परमेसर आला जोम पखी सेन केते दुड़ूः नाय। 13आउर हिमीन तरअः गी हुनी आला नेल होराई याबु, ची हुनी आलकु बैरीकु के हुनी आला जांगा लतार कबजा रे दोहोकु। 14एता लःअय ची हुनी दो मियांड ठुका बलिदान तरअः जेके पबितरेआय, हुंकू के जुग-जुग लःअय सिध किदकुआय।

15नोःआँ लःअय पबितर आतमा होः आबु के गोवाही एमेआय, एता लःअय ची हुनी पहिल रेगी कंहड़ी ताही लःअय,

16 # जिर 31:33 ची परभु कंहड़ीआय,

“ची जे करार ईङ हुंकू लोः तोले ईङ होना नोःआँ हेके ची,

ईङ अपन कनहुन के हुंकू आला बुका रे लिखायिङ,

आउर हुंकू आला मन रे लगायिङ।”

17 # जिर 31:34 आउर होना तयोम हुनी कंहड़ीआय, “ईङ हुंकू आला जामे पाप के आउर अधरम काम के कहियो इरिंग उईहारेआ।” 18जदि जामे पाप छमाः ना दो, आपे लःअय कहियो बलिदान रअः दरकार कनोआँ।

परमेसर आला मड़ांग रे हिजोअ

19हिना लःअय ए बोको बोयहा कु, जब ईसु आला मयोम तरअः आबु के होना जामे तरअः पबितर ठाँव रे बोलोयोअ लःअय मजगुत भरोसा एदनाआ। 20जे होना परदा तरअः माने कि हुनी आला होड़ो तरअः गी, मियांड नावाँ तेकर जिनगी होरा उघड़ाव केदाय। 21आउर आबु दुबाःड़े नोकान पुरोहित एदानिया, जे परमेसर आला ओड़ाअ रिनी हाकिम हेके। 22#लेवी 8:30; जहेज 36:25हिना लःअय आबु अपन सचा मन आउर पुरा बिसवास लोः आउर भितरी मन रअः दोस ललंका लःअय बुका के झिरकाव केते, पाप रअः दोस तरअः छोड़ाव केते, आउर अपन होड़ो के राङ-राङ दाअः तरअः बुहाल केते, बेकासुर भितरी मन तरअः पका बिसवास केते परमेसर दुबाःड़े सेनाबु। 23दो एला जे आसरा के आबु नेलेआबु, आबु का टगअ वाला डिढ़ तरअः होना रे सान्तोक ताहीनोआबु, एता लःअय ची जे वादा तदाय होना बि-बिसवास लकान एदनाआ। 24दो एला, आबु पेरेम आउर बेस कामी रे हुनी-नुई के जोड़ चिकुआबु नोःआँ बात के धेयानेआबु। 25आले आला गिरजा बाइठकी रे हिजोअ आलपे बाई के। जे लकान ची थोड़ेक केदो होनाःड़े का हिजोअ रअः आदत पड़ाव ना। बकिर आबु केदो जामेकु के ढाढ़स ची चाही, आउर जे लकान ची आपे नेलेआपे, ची परभु आला दिन हेनाःड दराआ लःअय आपे के नोःआँ के बगरा ककामी एदनाआ।

26सचाई रअः पहचान नाम केते होः गी, जदि आबु जाइन बुइझ केते होः पापेआबु, दो दोबारा पाप लःअय बलिदान का बंचाव ताना। 27#जसा 26:11हाँ, डांड़ रअः मियांड भयभयान आसरा नेनेल आउर सेंगेल रअः धिनकाअ बंचाव ताना, जे परमेसर आलकु बिरोधी कु के जिराव किकुआय! 28#कन 17:6; 19:15जे मुसा आला कनहुन के काकु मनाआ, हुंकू के बारहोंड़ चाहे पे-होड़ गोवाही रअः मोताबिक, बेगर मायाते हुंकू के गोएःग कुआकु। 29#उइठ 24:8सोचायपे, हुनी होड़ उकिन बगरा डांड़ रिनी हकदार हुयाव कोआय। परमेसर आली होपोन के तिरसका-रियाय, आउर करार रेनअः मयोम के जेकर दोवासते हुनी के पबितर थिलकुआय, छुँत पाड़ी लियाकु आउर दया रिनी पबितर आतमा के अनादर लियाकु! 30#कन 32:35; कन 32:36एता लःअय ची आबु परमेसर के पाड़ीआबु, जे कंहड़ी लःअय “बदला ईइदी ईङ आला काम हेके, एता लःअय ची ईङ गी डांड़ एमा किकुईंग” आउर नोःआँ ची “परभु अनेःग आलकु होड़ के नेयाय किकुआय।” 31जिवीःड परमेसर आला तीः रे पड़ाअ भयभयान बात हेके!

32आपे होना बिताव ऊना दिन के खेयालेपे, जब आपे ख्रीस्त आला मरसाल के पाड़ी केदापे नोःआँ रअः चलते दुख रे होः डिढ़गार बनाव ताहिनपे। 33आपे मेसे थोड़ेक के जामेकु मड़ांग रे निन्दा आउर सताव के स-सहाव पड़ाव नेना, आउर थोड़ेक होड़ हुंकू लोः सझेदार बनाव नेनापे जेकर लोः बुरा बेवहारे केनाकु। 34जेके कैदी बनाव ताही लिकुआकु, आपे हुंकू आला दुख रे गाती नेनापे, आउर आपे आला धन-खुरजी के रेःग केदाकु दो आपे रिझ-रिझ सहाव लआपे, एता लःअय ची आपे पड़ीआपे ची नोःआँ तरअः बेस से बेस आउर जामा हिला ताहिनोअ वाला धन एदनाआ।

35हिना लःअय अपन खतिर दोदोहो आलपे बाई के एता लःअय ची होना रअः बानी बड़ेआ। 36एता लःअय ची आपे के धीरज ससा:ब रअः दरकार एदनाआ, जेकर से ची परमेसर आला इकछा के पुराव केते आपे वादा रअः बानी के नाम दाड़ीपे। 37#हब 2:3,4एता लःअय ची

“ढ़ेर जलदी गी, जे हिजोअ वाला एदानिया,

हुनी झट गी हीःग कोआय,

काइटको एरे दिरीया।

38आउर ईङ आलकु धरमीकु अपन आला बिसवास रअः चलते जिनगी कु नाम केआ,

बकिर जाहें पछली रूवाड़ोआय दो ईङ आला मन एरे खुसोआ।” 39बकिर आबु हुंकू लोः कनिबुआ जे पछली रुवाड़ोआकु आउर नास जुनोआकु, बकिर हुंकू लोः एदानबुआ जे बिसवासेआकु हुंकू जीव के नामेकु।

Currently Selected:

इब्रानी 10: ASR

Highlight

Copy

Compare