इब्रानी 8
8
ईसु आबु आली बड़े पुरोहित
1 #
सिरिंग 110:1
जे आबु कंहड़ीआबु होना रे जामा तरअः बड़े बात नोःआँ हेके, ची आबु आली नोकान बड़े पुरोहित हेके, जे सिरमा रे महामहिम परमेसर आला राईज गदी तरअः जोम पखी सेन केते दुड़ूः नाय। 2आउर होना पबितर ठाँव आउर होना सचे तंबू रिनी से-सेवाई बनाव नाय, जेके जाहें होड़ कोवान बकिर परभु तिंगु लियाय। 3एता लःअय ची जामे बड़े पुरोहित के दान आउर बलिदान रा-राका:ब लःअय ठहराव योआकु, नोःआँ चलते दरकार एदनाआ ची नुई दुबाःड़े होः रा-राका:ब लःअय जहनाअ हुयाअः चाही। 4जदि ईसु धरती रे ताही तकोआय दो पुरोहित एरे बनाव ताही ताकोआ, एता लःअय ची कनहुन रअः मोताबिक भेंट ररकाःब वाला पुरोहित दो एदान कुआ। 5#उइठ 25:40हुंकू मियांड नोकान बिनती ओड़ाअ रे सेवायाकु, जे सिरमा रअः असली भेस आउर होना जे लकान एदनाआ हिंकान गी एदनाआ। जे लेकन ची मुसा पबितर तंबू बबनाव वाला ताहीनाय, दो हुनी के परमेसर पखी तरअः नोकान चेतवन भेटाव नेना, ची “कंचित ताहिनमे, जे नमुना आम के बुरु टुंगरी रे देखाव ताही लिमीईंग रअः मोताबिक जामा जिनीस बनाय मे।” 6बकिर जे सेवा कामी ईसु के भेटाव ताना, होना हुनी आला सेवा कामी तरअः बाईढ़ केते एदनाआ। हुनी बढ़ियाँ करार रअः ताला रिनी पाड़ी नेनाय, एता लःअय ची होना करार रअः मोताबिक होना मारी वादा तरअः बढ़ियाँ एदनाआ, आउर बेस से बेस किरया रअः मोताबिक एदनाआ।
7जदि सुरू रअः वाचा रअः किरया बेकासुर हुयाव नेना, दो एटाअ किरया रअः एतान दरकार एदनाआ? 8#जिर 31:31–34बकिर परमेसर होना पिढ़ी रिनकु होड़ के दोस लगाव केते परभु कंहड़ी लःअय, नेलेपे,
“होना दिन दराआ, ईङ इसराइल घराईता,
आउर जहुदा घराईता रिनकु लोः नावाँ करार बनायिङ।
9जे परभु कंहड़ीआय नोःआँ होना करार लकान एरे योआ जे लेकन ची ईङ हुंकू आलकु पुरखाकु लोः ताही लिईङ,
ईङ जे बेरा हुंकू के मिसर राईज तरअः उडुंग लिकुईंग,
एता लःअय ची ईङ आला करार रे असथीर काकु ताहीना,
हिना लःअय ईङ हुंकू तरअः फरक रे ताही निंग।
10परभु नोःआँ कंहड़ीयाय होना करार नोःआँ हेके,
ईङ होना हिला तयोम इसराइल घराईता रिनकु लोः कनहुन बनायिङ,
ईङ आला कनहुन हुंकू आला मन रे दोहोयिङ,
आउर होना के हुंकू आला बुका रे लिखायिङ,
ईङ हुंकू आली परमेसर बनाईङ,
हिमेरे हुंकू ईङ आलकु होड़ कहलाव कोआकु।
11आउर नोःआँ एरे दरकारोआ ची हुंकू एटाअ होड़ के सिकछा कु एमाकु,
आउर अपन बोको ताकु लोः कु कंहड़ी ची
‘परभु के पाड़ीपे,’
एता लःअय ची छोटे तरअः बाड़े जामे ईङ के पाड़ी किंङाकु।
12एता लःअय ची ईङ हुंकू आला अधरम के छमा किईंग,
आउर हुंकू आला पाप के कहियो इरिंग उयहारेआ।” 13नावाँ करार बनाव ना रे मारी करार के चबा केदाय, आउर जे जिनीस मारी आउर कमजोर ना होना नठाव जुनोआ।
Currently Selected:
इब्रानी 8: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
