इब्रानी 7

पुरोहित मिलकीसेदेक रअः बारे

1 # एहेः 14:17–20 जे बेरा अब्राहम राजाकु के हराव केते रूवाड़ोअ केनाय, दो निई मिलकीसेदेक सालेम रिनी राजा, परम परधान परमेसर आली पुरोहित हेके, हिनी अब्राहम लोः भेटाव नेनाय आउर अब्राहम के आसीस एमा लियाय। 2अब्राहम लड़ाई रे जीताव उना जामा जिनीस रअः दसवांस हुनी लःअय रका:ब लःअय, मिलकीसेदेक रअः माने हेके “धरमिकता रिनी राजा” आउर हुनी सालेम रिनी होः राजा हेके, होना रअः माने हेके “सानती रिनी राजा।” 3हुनी आलकिन एंगा-आपा चाहे हुनी आलकु बंसवाईर आला एतान इतिहास होः का भेटाआ। हुंकू आला जिनगी चाहे मराईन रअः होः एतान पता ठेकान होः का भेटाआ। परमेसर आली होपोन लेकन गी जुग-जुग लःअय पुरोहित बनाल तहिनोआय।

4कटिःग सोचायपे, हुनी उकिन महान ताहीनाय, जेके बंसवाईर रिनी पुरखा अब्राहम होः आनेःग के भेटाव उना रअः दसवाँ हिसा एमा ताही लियाय। 5#गन 18:21लेवी आलकु बंसवाईर मेसे जे पुरोहित बनाआकु हुंकू के हुकूम भेटाव ताना ची, होड़कु, माने अपन बोकोकु चाहे अब्राहम तरअः गी ची उकिन गी जनमाव तनाय, हिना लःअय हुंकू अब्राहम आलकु खानदान हेके, कनहुन रअः मोताबिक दसवाँ हिस्सा इदीकु। 6रे होः गी मिलकीसेदेक, जे लेबी खानदान रिनी होः काय ताहीना, अब्राहम तरअः दसवाँ हिसा इदी लःअय, आउर अब्राहम के आसीस एमा लियाय, जेकर लःअय परमेसर आला वादा ताहीना। 7नोःआँ रे एतान होः सक कनोआँ ची जे आसीस एमेआय हुनी असिरबाद ईइदिई तरअः बाड़े ताहीनोआय। 8आउर लेबी बंसवाईर रिनकु दो गोजोअः वाला होड़ दसवाँ हिसा इदीयाकु, बकिर हिंकु इदीयाकु हुनी आला बारे रे गोवाही एमेआकु ची हुनी जिवीःडाय। 9दो आबु नोःआँ होः कंहड़ी सकायाबु, लेवी होः, जे दसवाँ हिसा इदीयाय, हुनी मिलकीसेदेक के, जे अब्राहम तरअः दसवांस एमा लियाय। 10जे बेरा मिलकीसेदेक अब्राहम लोः भेटाव ताही नेनाय, हिमेरे दो लेबी जनमाव होः काय जनमाव ताहिनेना। हुनी पुरखा ते तिकु आला होड़ो रेगी ताहीनाय।

मिलकीसेदेक रअः भेस रे एटाअ पुरोहित

11इसराइली होड़ लेवी पुरोहितकु रअः मोताबिक कनहुन भेटाव ताहीना। जदि नुकू लेवी पुरोहित पद तरअः पुरा-पुरी सिध नेना, दो नोःआँ एता लःअय एटाअ पुरोहित रअः हिजोअ रेनअः दरकार ताहिनेना? जे हारुन आला नलागे बकिर मिलकीसेदेक आला कनहुन रे तिंगुनाय? 12एता लःअय ची जे बेरा पुरोहित पद तरअः बदली योआकु दो कनहुन होः बदलअ चाही। 13एता लःअय पुरोहित रअः बारे रे कंहड़ी लअः एदनाआ, होना एटाअ गोतोर रअः हेके, आउर होना गोतोर रिनकु ओके होः बिदी रिनकु सेवक काकु बनाव नेना। 14एता लःअय ची नोःआँ दो सफा गी पाड़ीयोअ ताना ची आबु आली परभु दो जहुदा गोतोर रिनी गी हेके, आउर मुसा पुरोहित रअः बारे रे लि-लिखा बेरा नोःआँ गोतोर रअः काय बखनाव लआ।

15आउर जे आले कंहड़ी तदाले, होना आउर गी सफा एदनाआ ची मिलकीसेदेक लकान आउर मियांड पुरोहित सिरजाव नेनाय। 16जे अपन बंसवाईर रअः कनहुन आउर हुकूम रअः मोताबिक कोवान, बकिर का-अन्तोः जिनगी रअः सवांग तरअः पुरोहित बनाव तनाय। 17#सिरिंग 110:4नोःआँ रअः बारे रे धरम पुथी नोकान गोवाह एमेआय, “आम मिलकीसेदेक लकान जुग-जुग लःअय पुरोहित बनाव ताही कोआम।”

18मारी हुकूम के निआँ लःअय हटाव लअकु ची होना कमजोर आउर बेकाम ताहिना। 19एता लःअय ची मारी कनहुन ओके केहोः ठेकाना जगुत काय सोदोर दाड़ी ताकु केआ, आउर होना ठाँव रे मियांड नोकान जामे तरअः बेस आसरा दोहो ताना, जेकर तरअः आबु परमेसर दुबाःड़े सोदोर दाड़ी कोआबु। 20नोःआँ बात होः बढ़ियाँ से बढ़ियाँ एदनाआ ची परमेसर किरया जोजोम रअः चलते हुनी के पुरोहित बनाव ताही लियाय। जब ची आउर कु के बेगर कसम जोम ते पुरोहित बनाव ताही लिकुआय। 21#सिरिंग 110:4एता लःअय ची आबु आली ईसु के निनीबाड़ बेरा गी परमेसर किरया जोम ताही लःअय, जे लकान धरम-पुथी कंहड़ीआय,

“परभु आला नोःआँ किरया

पछताअ वाला नालगे,

‘आम मिलकीसेदेक लेकन जुग-जुग पुरोहित बनाल ताही कोअम।’”

22नोःआँ किरया रअः चलते ईसु बढ़ियाँ से बढ़ियाँ करार रिनी जामनी बनाव नेनाय।

23हुंकू दो ढेर बगरा पुरोहित बनाव हीःग नेनाकु, बकिर मराईन रोरोकाव रेनअः चलते हुंकू जादे बेरा जगुत पद रे ताहिनोअ काकु दाड़ी लआ। 24बकिर ईसु जुग-जुग बनाल ताहिनोअ वाला हेके, हिना लःअय हुनी आला पुरोहित रअः पद का टगअ वाला हेके। 25हिना लःअय जे हुनी तरअः परमेसर दुबाःड़े हिजोआकु, हुंकू के पूरा उधार एमा दाड़ी कुआय। एता लःअय ची हुंकू लःअय अआरजी लःअय जामा बेरा जिवीःडाय।

26निकन महापुरोहित गी आबु आला दरकार के पुराव दाड़ीआय, जेके पबितर हुयाअः चाही, दोस एमोअ वाला कोवान हुयाअः चाही, सुध हुयाअः चाही, पाप तरअः लंका ताहिनोअ वाला हुयाअः चाही, आउर सिरमा रे जामे तरअः उसूल पद भेटाव नेना। 27#लेवी 9:7जेकर लःअय एटाअ बड़े पुरोहितकु लकान नोःआँ आलु दरकार हुयाव कोअ, ची हुंकू पहिल अपन पाप लःअय होना तयोम एटाअ होड़कु आला पाप लःअय रोज दिन बलिदान रकाबे। हुनी दो एटाअकु आला पाप लःअय अपने के जुग-जुग लःअय मियेखेप बलिदान रका:ब नेनाय। 28कनहुन दो बेपाया होड़ के बड़े पुरोहित निबाड़ कुआय, बकिर कनहुन चाबा जुनोः तयोम परमेसर आला किरया रअः मोताबिक हुनी होपोन के बड़े पुरोहित निबाड़ कुआय, जेके जुग-जुग लःअय सिध बनाव किदकुआय।

Currently Selected:

इब्रानी 7: ASR

Highlight

Copy

Compare